وش رايكم بهذا الرجال

صاحبتي عندها مشكله وحابه اخذ رايكم

البنت عمرها 26 سنه جميله وجامعيه وبنت ناس واخلاق ودين ولم يسبق لها الزواج

تقدم لها شخص عمره 37 سنه مطلق يدخن :(

شهادته ثانويه وظيفته عاديه جدا.. بالبدايه قالت لها والدته انه ترك الدخان من فتره بس يوم جت والدته للبيت قالت تراه يدخن بس ان شاءالله بيتركه اذا خذاك ؟!! حلوه والله ذي

وثاني حاجه طريقة كلامها عن طليقه ولدها ماحبتها البنت قالت ان الولد ماجلس معها الا كم اسبوع وماارتاح لها ابداا وهي تطلقت وتزوجت 3 مرات بعده والحين خذت شايب وارتحنا !!! صراحه مالها حق تحكي عن بنت الناس كذا صاحبتي تقول تعابير وجهه ماكانت اوكي كنها تحط العيب على البنت ..

ثالث حاجه الام كانت تقول تراه يدخن بس بيسكنك لوحدك وحابه تتوظفي او لا مارح يضغط عليك وبيخليك على راحتك
كنها تغري البنت عشان تنعمى عن عيوبه !!


انا قلت الي ماترك الدخان كل هذي المده مستحيل يقدر تركه يعني له الان اكثر من 15 سنه او 20 سنه يدخن هذا مرض ؟!

غير هذا الشي طريقه حكي امه عن طليقته ماحبيتها مالهم حق يحكون عنها كذا قبل البنت تسآل


وش رايكم لو وحده تقدم لها شخص بهذي المواصفات وش ردها كقرار مبديء