أخواتي

أنا صار لي فترة أدور محل أو مشغل نسائي للإيجار بس كل اللي حصلتهم أسعارهم عالية مره ولا يناسب السعر المكان

حصلت مشغل للإيجار بـ 4000 بالشهر وصاحبته تبي مقدم كل ثلاث شهور وأنا باخذ قرض من البنك علشان أفتح المشغل

باقولكم المميزات والعيوب وانتوا قولوا لي شرايكم آخذه أو لا

مميزاته:

المساحة كبيرة مره هو عبارة عن بدروم بمنزل وطبعا الرخصة موجودة وفيه 4 موظفات 2 سعوديات و 2 بحرينيات ووحدة فلبينية كلهم رواتبهم على 1500 ريال.

الحي راقي جدا بوسط الدمام ومافيه مشاغل كثير لكن موقعه مش على الشارع بوسط البيوت لكن الشوارع واسعة وصار له من فتح 16 سنة.

العيوب:

الكوافير قديم مره يعني من 16 سنة تخيلوا الديكور كلش حالته صعبه يعني اذا باخذه باسوي له ديكور كامل من صبغ وغيره وصاحبته ما بتنقص من الايجار شي الا بس شي بسيط تقولي لأنك انتي اللي بتشتغلين فيه

الاجهزة بعد قديمة يعني لازم اشتري أجهزة جديدة

الاجار ما ادري غالي أو لا لأني حصلت مركز نسائي بيأجرون قسم الصالون والمكان نوعا ما صغير وبيأجرونه بـ 5000 ريال الشهر يعني أغلى وأغلى وانا القرض حقي كله ستين ألف ريال

الدخل حق الكوافير قليل من 4000 الى 10000 يعني ما يغطي التكاليف (بصراحة لأن شكله وفي حي راقي محد بيجيه)

اذا باخذه لازم اجدد الديكور واشتري الاجهزة واسوي حملة اعلانية وعروض وكل شي علشان الناس تعرفني

من ناحية ثانية كل الايجارات غالية مره

انتوا شرايكم
الله ييسر لك امرك اختي العزيزه صراحه الاقدام على اي مشروع يخلي الواحد محتار وضايع مايدري وش يقرر
بس انتي استخيري وكرري الاستخاره والله يكتبلك الي فيه الخير يارب
يارب يسرلي امري واشرحلي صدري
الله يوفقكِ أختي
اشكركن اخواتي على الرد

الله يوفقنا جميعا
الله يوفقك يارب ويسهل امرك


الساعة الآن 02:42 .