بسم الله الرحمن الرحيم
كيفكم خواتي ان شاء الله بخير ... أول شي احب اشيد بالمنتدي ومايقدمه من فائده لنا نحن البنات سواء المتزوجات أو المقبلات على الزواج .
وانا متابعه جيده لكل ماينشر هنا .. انا زواجي على خير إن شاء الله بعد عشرين يوم تقريباً ..عقبال البنات ان شاء الله
أخواتي حبيت اخذ رايكم اعتبروني اخت لكم وربي انا البنت الكبيره لاهلي ولا عندي خوات كبار وخالاتي الله يوفقهم راحت عليهم مافيهم يفيدوني ..
الحين ابي اسالكم عده اسئله وابي ترشدوني انتو اكيد انتو لكم الخبره بهذا الشي وانتو الى كلامكم صح بيكون .
الحين انا بصراحه عقب الي قريته هنا ماني خايفه من أول يوم يعني مثل ماعديتوها انتو بعديها أنا
ماني شايله همها ..هو عشان احطهم بالصوره 200% اول يوم مايصير شي لان بيكون في بيتنا من عاداتنا كذا ..وثاني يوم لما اروح لبيته وقتها يتوحد فيني :30: بس حالتي غير لاني ليلتي بفندق ..على العموم لو حصل ماني خايفه والفضل يعود لله ثم لكم ..ثاني شي والي احب أقوله . يعني اول اسبوع من الزواج شنو ممكن ألبس له لاني مابي أبين له كل شي .. أنا شاريه قمصان طويله وقصار هم شريت بس كثيير .. وشريت كمان بيجامات الى تجي بنطلون .
انتو شنو تقترحون علي ألبس أبيتدي بالطويل والقصير أأجله لبعدين مثلا ثاني او ثالث اسبوع
لاني احترت برفيقاتي كل وحده لها كلام ، قلت اخذها من قاصرها وأسألكم أنتو ..
بعدين ابي كيف اتعامل وياه بخصوص العلاقه الى بتصير بينا وش فيني اسوي او اقول او أعبر ؟؟
ومعاملتي وياه بشكل عام تكون كيف يعني أنا أقبله على خده وهو خارج لو ثالث يوم لي وياه مثلا ؟ ولاأثقل .. لاني بصراحه ابي اعوده على الرومنسيه احب الحياة الهاديه وودي زوجي يصير بجنه وياي ..وانتو عطوني من خبرتكم بشكل عام في اول الايام .. للعلم ترا انا بسكن في بيت أهله لحين مالله يفرجها ..
اختكم في الله
قمر
اتمني مايضايقكم الموضوع ولكن مالي إلا الله ثم أنتم
انصحج بالقمصان الطويلة في الايام الاولى ثم التدرج في القصير ثم البجامات وهكذا :23:
ولاتنسين الروائح العطرية الهادئة وليست القوية الى جانب معطرات الجسم بنكهات الفانيليا والفراولة وغيرها
وهاذيل تحصلينها في البودي شوب وعندهم بعد نكهات الروج المختلفة :27: وبعد انصحج ببودرة العود من اجمل
ريحتها روعة يعني كل هالاشياء تخلي ريلج يركض وراج:33:
واهم شيء النظافة ونعومة الجسم مش بس عطر وقمصان نوم وهذا طبعا من خلال العناية بنعومة اليدين والقدمين
وازالة السواد الموجود في المناطق الحساسةوكل هذا يباله همه وعزيمه:27:
وبعد لا تنسي رغوة الحمام بالروائح العطرية المنكهة وش زينه يوم يكون الحمام وانت ويا ...........انت فاهمه طبعا:35:
والغرفة خليها جنة بالبخور والملطفات وحسن الترتيب واحرص على التنويع دائما .....
وبامكانك في النهاية ان تودعي زوجك بقبلة على شفتيه وتستقبلينه باخررررررررررررررررررررررررررررى:27:
والله يوفقج واذا بغيت زيادة انا حاضره.