انا متابعه وبقوه...!!








اهلين حبيباتي ولله اشتقت لكم وحابة اقولكم عن خبر صاعقة بعد كم يوم تأهبو للخبر ياحلوات
وش الخبر ياغايتي رظى ربي ..

عساه خير .. بمشيئة الله
اقتباس مشاركة  (غلا الروح2007)
الله يجزاك خير يالومه ياعسل ..انا سميتك المنقضه هههههه ربي يحميك ويرزقك على نيتك الصادقه

وانتي بعد اسم على مسمى

بجد اغلى واطيب روح
اختي لوما الله يجزاك خير على هذا الموضوع
بصراحه تجربتك تحمس لكن الواحد يخاف من الفشل ...انا اخذت قرض من المئويه وفتحت مشروعي من 8 شهور لكن تعبت من اول مافتحت جبت سعوديات يشتغلون معي وللاسف ماعندهم التزام والفيز ماتطلع الا بعد مده طويله وانا ملزومه افتح في نفس الوقت اللي حددت لي المئويه ...المشكله ان الفيز اذا طلعت ماتلقين مكتب يجيب برخيص ولا عندي مبلغ التقيم ومافيه دخل يغطي الرواتب ..عطيت فيزه فلينيه عشان تجيب قريبتها وتاخرت ماجت الى يومك هذا ...جتني مغربيه كوفيره على الكفاله وفلبينه موعلى كفالتي خياطه وراتبها وووواجد بس وش اسوي مالي الا هي ...
طبعا استاجرت المحل من بدايه شهر 1 العام الماضي والديكورات اخذت وقت فتحت المشغل في شهر 5 ومافيه دخل ابدا مايغطي رواتبهم وكنت اتسلف واعطيهم رواتب لو اني موظفه او عندي رصيد مااهتميت ابدا كان اصبر الى ان اوقف على رجولي ...المشكله الاكبر ان الاجار في بدايه شهر 7 حست ادور من يسلفني اسدد الأجار والحمدالله تسلفت بس الله يعين على الديون ...وكل يوم ااقول ان شاءالله بتتحسن الامور كل شهر اتسلف وازيد على اللي يدخل واعطيهم الرواتب ...الشهر الجاي اكبر مشكله بتواجهني اني اسدد القسط الثاني من الأجار ..احس اني تعبت من جد مااقدر اسوي اي شي ماااقدر اتسلف احس اني تفشلت من كثر الديون اللي علي ..كل مره اقول ليتني مافتح هذا المشروع كان بالي مرتاح غير كذا مااقدر اسدد القرض ..... اااااااه والله اني تعبت من جد مدري اذا عندك لي حل ياليت تفيديني الله يجزاك


الساعة الآن 01:54 .