بنات حواء محتاجتكم... حامل وخائفه ..تفزعون ؟

الله يثبت حملك ويرزقك ذريه صالحه لا تخافين وتوكلى على ربك اناو كنت حامل بتوام وقالو الى انى بولد قبل موعد بس الحمد الله جللست لما تاسع وكنت اخذ مثبتات من شهر ثانى والام اسفل ظهر عادى ولام دوره عادى جدا والافرازات ولا تخافى وتوكلى على ربك وادعى انه يثبت حملك ويرزقك الخلقه الحسنه والبصفار مايضر الجنين انا اولادى كان فيهم بصفار والحمد الله فتره وراح منهم

الله يثبت حملك انشاالله... واكثر من الدعاء.. ان الله يثبته...
وانتي لا توسوسين... شيلي هذي الافكار من بالك...
ترا النغزات اسفل البطن طبيعي وكذلك الافرازات...

الله يثبت حملك انشاالله ويرزق كل محرومه انشاالله :26:

الآلام و التقلصات وممكن تشنجات - خصوصاً إذا تحركتي بسرعة أو فجأة - طبيعية في الحمل بس ما تكون شديدة و مستمرة

خصوصاً الآلام اللي تشبه آلام الدورة لأن الطلق مثلها

الإفرازات طبيعية جداً في الحمل و كل ما تقدمتي فيه زادت
لونها أبيض ومالها ريحة يسمونها السيلان الأبيض


إن شاء الله أفدتك

السلام عليكم
اختي العزيزه
لا تخافي ولا تحاتين
انت وجنينك بين يدي الله سبحانه
انا جربت هالمرحله واعرف شنو حاسه فيه بالضبط
فتوكلي على الله سبحانه واكثري من الدعاء
قل لن يصيبنا الا ما كتب الله لنا
وان شاء الله بيثبت الحمل وتولدين بالسلامه
والي انت حاسه فيها من اعراض هذي كلها اعراض طبيعيه

وشكرا
:26: :26: :26:

أشكر جميع اخواتي اللي ردوا على استفساري ...
الله يوفقكم ويعطيكم من واسع رزقه ويحقق امنياتكم في هالدنيا ..
المهم ياحلوين وبعد ماكتبت هذي الموضوع المره الماضيه والله لايعيد الشر
الفجر نزل معاي دم لونه بني باحمر من الخوف جلست ابكي واكلم اهلي وصديقاتي
وعموما خوفت الجميع وكان زوجي مسافر الصبح مرتني رفيقتي وودتني للمستشفي
الطبيبه الله يصلحها قالت لي روحي ونامي على ظهرك لين يطيح النونو من نفسه
المصيبه صارت مصيبتين الحين ممنوع اتحرك وين اهلي ؟ وينك يازوجي ؟
محتاجه لحد معاي بهالفتره ...
عشان كذا انقطعت وممكن انقطع ايام واظهر ايام
ادعوا لي يابنات يثبت الحمال ...
ويخيب ربي كلمه الدكتوره ...حسبي الله عليها بدل ماتهديني روعتني
وسلامتكم ..
بحاول ادخل باي فرصه ..
ادعوا لي