أخذتي أكلة من أطباق عالم حواء وتحمستي تتطبقينها .... وفشلللللت إيش تسوي

اطباق عالم حواء

كيفكم يا حلوات :26:

العنوان أكيد إختصر الكثير

شفتي أكلة عجبتك مرررررررررة وحاولتي تجربينها وجبتي كل اللي ناقصك

وراجعتي الأكلة زييييين قبل دخول المطبخ <<<<<< إختبار فيزياء ماهو أكلة :42:

وجلستي تشتغلي عليها بضمير

تشيلي دا وتحضي دا

والمطبخ المسكين اتقلب فوق تحت :eek:

وبعد ما جهزت الأكلة وانت منتظرة على نار تجهزيها عشان تذوقي أحلى اكلة

وأتت اللحظة الحاسمة <<<<< شكلها رواية بوليسية :22:

المهم طلع طعمها ماهو حلو أو شكلها ماضبط معاكِ أو خربتي شيء فيها

تعددت الأسباب والفشل واحد :(

أكيد في دا الموقف تختلف التصرفات وتختلف طريقة التعبير بين كل شخص وشخص

صراحة هادي لو أنا كنت مشيت الموضوع عادي وقلت يلاااااا ( المهم الصحة :42: )

بس لاحظت بنوتات حلوات تلاقي الواحدة فشلت في عمل الأكلة وتحط اللوم كلللللله على صاحبة الوصفة

مع أنها بنت الحلال حطت الاكلة بعد ما سوتها وطلعت زينة وعجبتها وقالت أشارك اخواتي بنات المنتدى

عشان ما اكتّر ( قرقر .. قرقر :22: )

إيش رأيكم يا حلوات بصراحة
12
1K

يلزم عليك تسجيل الدخول أولًا لكتابة تعليق.

تسجيل دخول

na3om
na3om
:(

قبل كم يوم اخذت طريقة كيكه و سويتها لانها مره عجبتني و للاسف ما ضبطت و رميتها :(

السبب مو من صاحبة الوصفه لانه انا بعدين انتبهت ان البيكنج بودر منتهي :(

و ناويه اسويها مره ثانيه بس لما اشتري بيكنج بودر جديد لان الكيكه كانت تووحفه :)
صمت العبير
صمت العبير
انا كمان ياما صارت معايا وعادي اقول اكيد اني لخبطت فى المقاديراو الطريقه ويمكن ارجع مره ثانيه اسويها وتنجح معايا
ويعطيك الف عافيه ياعسل على الموضوع000
قصيميه بجده
قصيميه بجده
برضو سويت قبل كم يوم كيكه وماضبطت مره سبحان الله وانا اشتغل فيها احس انها ماراح تنجح هههههههههه



بالاخير كبيته بس اتوقع السبب مني انا بس وشو الله اعلم

بس الحمدلله الموالح كلها جربتها وضبطت نوعا ما

وعلى فكره فيني عيب اذا ماضبط الشي معي ماارجع اجربه خلاص احط عليه اكس :)
غلطتي
غلطتي
ياكثر ماتصير

مو بس من المنتدى احيانا خواتى يعطوني طريقه وتفشل معاي

صحيح اتضايق لكن مستحيييييييل الوم اللي عطانى الوصفه

وممكن ارجع اسويها مره ثانيه بس بعد ماتعدى ازمه الاحباط الاولى خخخخخ
**مـــرســــــى**
انا صارت لي كثير واطفش مره وخاصه لما تكون فيها تخمير وانتظار عند غرفة العمليات وفالنهايه فشل

وكمان لما تحطي فيها مقادير غاليه الثمن وتروح هباء منثورا والقهر ماتقدري تتصدقي فيها

بس كمان ضبطت معاي اشياء

بس مااذكر اني طفشت من صاحبه الوصفه