السلام عليكم.
أنا رسامه إذا بعت لوحة أرسلتها على البريد، لكن ما قد تعاملت إلى مع الشحن الداخلي. وعندي طلبات من الخليج
ولا عارفة كيف ارسلهم إياها. أسعار الشحن غاليه جدا، الي يقولي 300 والي 800!

أحسن خيار لقيته للحين هو البريد الممتاز تبع البريد السعودي، أحد يتعامل معهم؟
مكتوب بموقعهم 50 - 150 ريال لكل مكان بالعالم. هل هم مضمونين؟
هل ممكن نستعملهم مثل الارامكس والفدكس، يرسلون لأي أحد ولا لازم يكون عندك صندوق معهم؟
وهل لازم صاحب الصندوق هو الي يرسل بس؟


ليتكم تفيدوني، ما ودي أرد الطلبات الي تجيني من الخليج.



لأنه البريد العادي ما يقبلون يستقبلون بريد إلا من الشخص صاحب الصندوق، وكل الرسايل لازم توصل باسمه.

لو عندكم خيار ثاني للشحن تكفون لا تترددون
19-11-1430 هـ, 09:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اشدعوه محد يشحن على البريد الممتاز؟
طيب غيره؟
20-11-1430 هـ, 12:50 صباحاً
 
والله انا طالبه طلبيه من برا وهم هناك ما يشحنون الا علا البريد الممتاز هنا موقعين معهم عقد
بس ما جربت ارسل حاجه
20-11-1430 هـ, 01:54 صباحاً
 
الله ييسر لك إن شاء الله، شاكرة يا لشوق
20-11-1430 هـ, 08:26 صباحاً
 
السلام عليكم.

وعليكم السلام والرحمه

أنا رسامه إذا بعت لوحة أرسلتها على البريد، لكن ما قد تعاملت إلى مع الشحن الداخلي. وعندي طلبات من الخليج

ماشاء الله تبارك الله ,, ربي يوفقك ويبارك لك

ولا عارفة كيف ارسلهم إياها. أسعار الشحن غاليه جدا، الي يقولي 300 والي 800!

أحسن خيار لقيته للحين هو البريد الممتاز تبع البريد السعودي، أحد يتعامل معهم؟

ايه انا اتعامل معهم للخليج

مكتوب بموقعهم 50 - 150 ريال لكل مكان بالعالم. هل هم مضمونين؟

ان شاء الله مضمونين

هل ممكن نستعملهم مثل الارامكس والفدكس، يرسلون لأي أحد ولا لازم يكون عندك صندوق معهم؟

البريد العادي والمسجل لازم يكون عند المستلم صندوق بريد ,, اما البريد الممتاز توصل للمكتب نفسه وهم يروحون يستلمونها منه (( بدون صندوق بريد ))

وهل لازم صاحب الصندوق هو الي يرسل بس؟

مافهمت

ليتكم تفيدوني، ما ودي أرد الطلبات الي تجيني من الخليج.

ان شاء لله اكون افدتك ,, واي سؤال راسليني وان شاء الله افيدك باللي اعرفه


لأنه البريد العادي ما يقبلون يستقبلون بريد إلا من الشخص صاحب الصندوق، وكل الرسايل لازم توصل باسمه.

وحتى البريد الممتاز لازم تحطين اسم الشخص اللي بيستلم الاغراض (( مو اي احد يقدر يستلمهم ))


لو عندكم خيار ثاني للشحن تكفون لا تترددون

بالنسبه لي احسن شحن البريد بس المشكله في وزن البضاعه ,, لأن ما اقدر اعرف الوزن الا لما اروح لهم واوزنها


استمري والله معك


اختك,,
عنوده
21-11-1430 هـ, 01:20 صباحاً
 


الساعة الآن 09:26 .