بصراحه روعه هاي الكيكه
انا ذايقتنها كذا مره مسوتنها ام ربيعتي(عيميه) بس رهيبه وتنأكل مع الشاي
هي مش كيكه هي مثل الخبز المنتفخ على شكل كيكه عشان جي مسمينها كيكه وفيها الحبه الحلوه(مثيبه)
وينرش على ويها المهياوه بس ما عرف مقاديرها كنت يوم اباها اطلبها من ربيعتي وتسويها
المهياوه فديتج عصير السمج
هو اعتقد بس مش متأكده سمج العومه الصغار تنطحن وتضاف لها ماي وملح وبهارات فيصير ساءل طعمه مالح شوي وينرش على الخبز
01-06-1425 هـ, 10:42 مساءً
 
السلام عليكم:
ردا للأخت شاليمار
بالنسبه للمهياوه هي عباره عن كميه من السمك الصغير ويسمى المتوت يخلط مع كميه من كزبره ناشفه وحبة الحلوه وحبوب الخردل مع الماء المالح قليلا وتوضع بالشمس مدة 2 الى 3 اسابيع . وإذا بغيتوا الطريقه راح اكتبها لكم .
02-06-1425 هـ, 12:37 مساءً
 


يا حليلكم يا بنات منتدى عالم حواء !!!

المهياوة وصلت لكم ,

وهي فعلا عبارة عن صلصة السمك المجفف ( يعني يكون اسم راقي )

بس ما تعجب اي احد الا اللى متعود عليها !

((( اصل المهياوة )))

اصلها من ايران ويعرفها السنة والشيعه يعني مو خاصة بالشيعة مثلما هو معروف 0

((( طريقة صنعها )))

لها طرق كثيرة جدا تختلف في البهارات المضافة 0

وتختلف في ناس يطبخونها على النار ( طريقة سريعه )

وفي ناس يخلونها بالشمس ( تاخذ وقت اطول )


والاسهل شرائها جاهزة من الناس اللى يسونها بالبيوت !

((( طريقة أكلها )))

الطريقة التقليدية هي تخفيفها بعصير الليمون ورشها على الخبز الايراني مع الدهن

العداني الحاااااااااااار او الزبدة الحااااااااااااارة !

يوجد خبز خاص يصنع لها ( الفلزن ) ويرش عليه المهياوة 0


والحين بدا يدخل في حشو الفطائر 0

أما كيكة المهياوة : اول مرة اسمع فيها 0


تحياتي الحااااااااااااره لكم
03-06-1425 هـ, 10:44 صباحاً
 
روووووعه طعمها لا تخافون ...



بس ما أعرف الطريقه سامحوني ..




انتظر معكم
05-06-1425 هـ, 06:55 مساءً
 
السلام عليكم ..

كيكة المهياوة سلمكم الله ..
أنا كلتها في بيت ناس ...المهم سألت عن الطريقة وقالوا لي ((عجينة البيتزا )) تفرشينها في صينية وتخلينها تختمر شويوترشين عليها المهياوة وبعدين تدخلينها الفرن ..
وهذا كل شيء يعني نفس عجينة البيتزا أو الفطاير
07-06-1425 هـ, 12:21 صباحاً
 


الساعة الآن 10:41 .