ماعندي فكره
20-11-1430 هـ, 07:54 مساءً
 
اقتباس مشاركة  (omghla)
شاركينا بغرفة بمركز نسائي مصغر ايجار رخيص بس نحتاج تعاون بالدعاية
والجملة بالبطحاء والسويلم
اختي وين مكانكم وبكم الايجار
والجمله البطحاء ولا السويلم افضل
20-11-1430 هـ, 10:24 مساءً
 
اقتباس مشاركة  (سحررر العيووون)
أختي بالتوفيق .. وأفكاري
- محل هدايا وتغليف
- محل لبيع الجوالات والاكسسوارت الخاصة بها والكتابه عليها وتجيبي كذلك بطائق شحن وارقام مميزة مثل سوا وموبايلي وزين
- محل يكون خاص بأجهزة الرياضه واللياقه أشياء خفيفه مثل أجهزة شد البطن والموخره وغيرها


مشكووره اختي على الافكار الرائعه
والجوالات يبيلها ميزانيه كبيره هي والبطاقات
اما محل الهدايا والتغليف فيه موجود
ومحل الرياضه واللياقه المحل صغير مايتحمل اجهزه

والله يعطيك العافيه



20-11-1430 هـ, 10:31 مساءً
 
وينكم؟؟؟؟؟؟؟؟؟؟ابي افكار جديده
21-11-1430 هـ, 12:54 صباحاً
 
اختي الغاليه

بما انك زرتي السوق وشفتي الانشطه متعدده
اتمنى قبل البدايه تسوي دراسة جدوى وتعرفين ابعاد مشروعك
راس المال العرض والطلب مدى اقبال النساء على نشاطك

انا من وجهة نظري ان النساء توفر احتياجات الرجال والاولاد
في الاونه الاخيره بنسبة كبيره

يعني لو فكرتي انك تفتحين محل فيه مستلزمات رجاليه
وللاولاد ..مثل ترنجات وملابس البيت
وتيشرتات وملابس داخليه
راح تربحين بِأذن الله
وخاصة ان الملابس الرجاليه لها مواسم مُتتاليه
يعني في المناسبات الرياضيه ؟
الاقبال على الملابس كبير وخاصة الاعمار المُحيرة
من 7 الى 14
وفي الشتاء الاقبال على الترنجات والبجامات الداخليه
في الصيف ملابس المنزل والملابس الداخليه
مثل البُكسترات وغيرها
والاقبال على التيشرتات لا ينقطع صيف وشتاء
وتوفير البنطلونات مثل الجنز وغيرها

ومن خبراتي المتواضعه في مجال التجاره
حيث انني اعمل فيها منذُ سنوات طويله
ارى ان التميز والتفرد في عرض السلع
يجعل النجاح للمشروع بنسبة كبيره

فأنا احدى المستأجرآت في سوق باب رزق جميل النسائي بالرياض
حققت نجاح ولله الحمد كبير في مجال عملي

لكِ مني امنيات الخير والتوفيق
انثى طموحه
21-11-1430 هـ, 01:13 صباحاً
 


الساعة الآن 06:17 .