اهليييييييييييي ن اختي كيف حالك
شوفي خلطة البهارات انا ماخذتها من النت يعني قعدت احوس واحوس وفي النهايه اخترعتلي خلطة من عندي واقولك اياه بصراحه انا ما عجبتني كثير بس في ناس انهبلوا عليهم وطلبوها اكثر من مرة وفي ناس خذوا مرة وما عد طلبوها يعني الدعوة ارزاق من عند رب العالمين وانا بصراحة كان في وحدة الله يجزيها خير صديقه لامي كانت تاخذ مني كميه وتوديها لحرمه ساكنه في اسكان الدمام وعلى فكرة المبالغ ما تتجمع لك بسرعه تعرفين الحريم اللي تقولك مع الراتب واللي تقولك ما عندي الحين يعني يبغالك صبر والخلطة يا حلوة هي كالتالي ملاحظة ك=كيلو
ربع ك :هيل
ربع ك :قرنفل
عشرين حبه : ليمون اسود
نصف ك :قرفه
ك : فلفل اسود
نصف ك : كركم
ربع ك : زنجبيل
ربع ك : عروق الهيل ( خولنجان )
12 حبه جوزة الطيب ملاحظة ( انا قريت فتاوي بتحريمها والله اعلم ) تقدرين تستغنين عنها لانه من ترك شيئ لله عوضه الله خراً منه
نصف ك : ثوم مجفف
نصف ك : كمون
2ك : كزبره
ورق غار يعني ممكن ملئ يدك مرتين
ربع ك : حلبه
ربع ك : يانسون
بابريكا ( فلفل احمر بارد ) انا ما حصلته صراح بس اتوقع يعطي نكهه خطير اذا حصلتي حطي كيلو
تقدري تضيفي بصل بودرة اذا حصلتي بس انا ما لقيت في ناس يضيفوا الشيبه بس انا ما تعجبني وتقدري تخليها بهارات حراقه يعني تزيدي فلفل حار مجفف .
الطريقه :
1**اهم شي تنظفيها وانا كانت تاخذ مني ايام على حسب الكميه والفضاوة اذا كان عندي وقت انا كنت انقيها كلها الا كمون اغسله
في منخل عشان ينزل منه كل التراب هو واليانسون لانهم صغار
واحطهم في صينيه كبيره احطهم في الشمس او اشغل عليهم المروحه ( بس الله يعينكم على ريحة البيت ) طبعا كل صنف لحال
2** حمصي كل نوع على حدة انا احمصها في مقالاه عاديه على حسب سعت المقلاه ولما تخلصي حاولي تخلطيها بيدك عشان
تتهوى وما تدخلها رطوبه من الحرارة الا جوزة الطيب (تحذير ريحة البهارات قويه جدا عند التحميص يعني حتى اللي في الشارع راح يشموها واذا عندك احد صدرة تعبان طلعوه من البيت ) وبعدين وديهم المطحنه وعنوانها تقريبا عند كائن بس فين بالضبط ما ادري راح اسئلك زوجي واردلك خبر بعدين .
وبعدها يا حلوة وزعيها في علب انا كنت احطها في علب بلاستيك بيضاء العاديه انا اشتريها من محلات بو ريالين يجي فيها خمسين حبه بغطاها بس اذا حصلتي علب محكمة القفل يكون احسن لاني احس ريحتها تخف مع الوقت
على فكرة المقادير السابقه تعطيك كميه حلوة وانا كنت ابيع العلبه بـ 10ريال واهم شي توديها اماكن تجمع الحريم زي الاسكان مثلا وعاد لا اوصيك بالاسلوب عشان تمشي بضاعتك وانا كنت اقولهم عندي بهارات بيتيه اشتريها وانظفها واحمصها واطحنها بس يشمون كلمت نظافه على طول يشترون منك
على فكرة البهارات الحَب مو غاليه ابدا وانتي راح تتفاجئين بالاسعار وانا اشتريها من محل اسمه ( توفيق المبارك ) في الدمام حي العدامه 1 شارع الملك خالد ت: 8260781\8160758

شوفي اختي هذه احسن وصفه قد سويتها وربي يشهد علي اني كتبتلك كل شئ اعرفه واتمنى لك التوفيق من قلبي .
بسم الله الرحمن الرحيم
بالنسبه لتجربتي افضل تجربه هي تجارتي بالعود عن طريق النت
هو في البدايه صعب شوي بس لما جربوه بعض الاخوات كثرت الطلبات ولله الحمد والمنه
وانا انصح اخواتي ان لايترددو بالتجاره عن طريق النت وخاصه عالم حواء واتمنى لكم التوفيق حبيباتي
استغفر الله العظيم
اقتباس مشاركة  (m-ghost)
على فكرة انا الحين غيرت تجارتي صرت اخيط ( تلبيسات ترامس وصواني واطقم مطبخ وغرف نوم وعلب مناديل باشكال مو متوفره في السوق مع مفارش وشغلات حلوة ثانيه) يعني اللي عندها موهبة الخياطه راح تستفيد من هذه الشغله لانها مطلوبه عند الحريم وايضاً الكروشيه شغل الشنط ماشي اليومين هذه لانها مو متوفره في السوق يعني تميز وحركه حلو واي سؤال سواء عن البهارا ت او خياطة الاطقم لا يردها الا الكيبورد .


جزاج الله خير والله يكثر من امثالج ويسخر لج عيالج


على حبج لفعل الخير


والله صح في بنات من حواء خوات في ظهر الغيب



اسال الله العلي القدير كل بنت تساعد الاخرين ان الله يستر عليها وعلى ذريتها ومن تحب فوق وتحت الأرض ويوم العرض .
ربي أغفرلى مالا يعلمون وجعلني خيرا مما يظنون وجعل حياتي كلها نور وقبرنور والجنه مستقري وكل من قال أمين
ماشاء الله شغل البهارات حلوووووووووو
بالتوفيق للجميع
انا شخصيا كنت متردده في فكرة التجاره لاكن الله هون علي وبديت واشتريت كرتون بخور فيه 12حبه2200ووحده تجي مجانا ووزعته في علب شي ب10-30-50-100اناس ف البدايه شروا ابو 10-30بعد ماجربوه واعجبتهم الريحه لان ريحته مره طيبه ارجعوا وشروا العلبه الكبيره وبعتها 250وهكذا والحمدلله دخلت مبلغ موبسيط ورجعت وشريت كرتون ثاني ب2000عطتني حبتين مجانا لانها دايم تعطي زباينها باسعار اقل والحمدلله عسى الله يوفقني والمسلمات جميعا وانا الحين افكر في مشروع ثاني بس مدري من وين ابدا ناويه اسوي معمول بالتمر في البيت ووزعه على محلات الحلويات ويبيعونه لي وياخذون نسبه بس عسى الله ييسر


الساعة الآن 11:10 .