اول مشاركاتي

السلام عليكم
اخواتي هذي اول مشاركه لي معكم حبيت افضفض لكم الي بقلبي:p:42:
الي بتعلق اهلا وسهلا:
والي بتتنتقد اهلين:26:
والي بتوجه اهلين وسهلين:
بالعربي الكل اهلوات وسهلوات الله يحييكم:26:

انا لي سنه و10 شهور تقريبا وضريبة هالزواج ولد عسول عمره 10 شهور ( العمر كله يارب وبصحه وعافيه) الللهم امين:32:
زوجي مايقرب لي عقد علي وبدات المكالمات بينا وجا قابلني بس يوم العقد لا جاب شبكه ولادبل ولاشي ربع المهر وعقد فقط وهو فمدينه وانا فمدينه وبعد العقد يعني يمكن قابلته مرتين الى ثلاث لكن في ذيك الفتره كان شاغل بالي انه ماجاب لي الشبكه وماحبيت اساله لان اتوقع هو المفروض الي يحدد بس الرجال طول ولا كلم اخوي قال قاطعيه لاتكلمينه هو مستهين فالامر عشان كذا (المكالكات طبعا ) حاولت بس مالقيت طريقه طنشت سويت نفسي زعلانه وهو عمك اصمخ من ارد يقول ليش ماتردين اقوله مشغوله عادي يسولف ولاكانه صار شي لان احس مستحيل اقوله زعلانه عشان حضرتك ماحددت الملكه او الشبكه اكيد بيقول ذي مره مستعجله خلوني احكي عن زوجي شوي للتوضيح فقط (هو اكبر اخوانه عنده اخوات من ابوه اما امه فلا بس عيال احسه يخاف من اخوانه واخواته الي من ابوه طبعا لانه ساكن عندهم ويمكن يحاول يرضيهم عشان يتقبلونه بينهم ويخدمهم خدمه موطبيعيه اخوانهم ماشوفهم يسوون الي يسويه اهو لهم بالعربي احسه شخصيه ميييح اذاقلت له شي كان يماطل اكتشف بعدين انه يحاول يعرف رايهم والا هم بيساعدونه ويوقفون معه والا لا هذا هو باختصار يعني احس ماله احترام عندهم ولا يشفون شي تخيلو لو ينادون اسمه بس يتشقق من الوناسه وينس اني معاه واكلمه)
المهم اخته متزوجه اخوي الي اقولكم قال احقريه ولاتردين للمعلوميه
رحت وقلت لاختي الالفه انه الى الان يماطل ولاحدد شي ع فكره ترا والله مو طالبه حفله ولاشي بس يجيب الشبكه وحفله بينا ويتوكل قالت لي اختي كلمي اخته قلت لها اخاف تصير مشاكل بينا انا وهو لان احد تدخل قلت بكلمه اول اذا ماتجاوب اوكي كلمته وقلت له هاه متى حددت اليوم الي بتجي فيه تلعثم وكانه مايبيني اسال قال ماادري بعد ملكت اختي قبل ماادري هو مايبي يقولي عشان خايف يحدد وقت ويخذلونه اويقولون مايناسب المهم لما شفتها متردد قلت له ترا عادي يعني موشرط حفله كبيره بس انا وانت قال لا لازم امي وخواتي يحضرون على العلم انه مشوار مايسوى هم بمدينه وانا بمدينه صرنا على هالحال اسبوع اسبوعين الى الشهر وهو ماقال شي ولاحدد واذا جا الموضوع تهرب المهم قلت خلني اكلم اخته يمكن هم رافضين كلمتها استغربت وقالت خلاص لاتردين ولاشي عليه انا بكلمه واقوله اخوها منعها تكلمك قلت اوكي من اليوم الثاني كلمتني تقول انها قالت له الحقيقه وقالت ان اخوي ماله دخل فالموضوع لانه عصب وقال هذي امور ماتخصه ولا له حق يدخل بينا فاضطرت تقوله انه (اخوي)ماله دخل ودق علي معصب قال ليش ادخلين احد بينا ومن هالحكي قلت له انا لي شهر اسالك وانت ماتحركت ولاحددت انا عندي مستلزمات اخلصها فستان كوافير تصوير من هالشغلات تبي بيوم ليله تخلص وثانيا حنا على بداية الاجازه الصيفيفه واهلي بيسافرون واختي بعد عند زوجها دوره برا السعوديه لمدة 6 اشهر متى حضرتك بتتكر وانا فلوسي اجهز بها لزواج والا لشبكه المهم تناقرنا وتطاول علي وحرمت اكلمه:22::22::22:


بعدين دق المعففففففففن واعتذر وحدد كل شي غصب عنه وبموافقة مجلس الشورى مالته وجا وسوينا الشبكه المعفنه الي الى الان انا ندمانه على خسارتي فيها الي لولاعناده كان كانت مختصره جدا جداااااا بس وش نقول قهر الرجال:30:



هذا اول جزء من قصتي لو شفت تفاعل حلوووووووووووو وردود احللللللللللللللى راح اكمل:angry2: