اشكرك من اعماق قلبي على حنيذ حمد بيضت وجه زوجي قدام اصحابه وعيال عمه

القصه بعد ماراح زوجي وولدي المدرسه دخلت المطبخ وسويت حلى للغداء وكان عبارة عن كريم كرامل بالجلي وخلصته ورحت دقيتها نومه لحد الساعه وحده الظهر طبعا زوجي جاب ولدي من المدرسه ومعاها 4 حبات دجاج مبرد انا استغربت من الدجاج بالعاده كل يوم بيومه وحبه وحده قال ماشاء الله نايمه قومي سنعي الغداء ثلاثه من عيال عمي وواحد من اصحابي بيجون يتغدون وشرطوعليه غداء بيت ودجاج وانا سبق وحلفت اذا فيه غداء او عشاء مااطبخ في البيت من حال جاني حسبي الله ونعم الوكيل سنتين وانا اكل من برى لحد ماتعفيت ولله الحمد

واقوم واقول ابشر بس كذا غالي والطلب رخيص قال والله مدري عنك اخاف تسوين فيني مقلب عشان انقضت العهد اللي عليه وقال بيجون الساعه 2 عندك ساعه يميدك قلت ولا يهمك وادخل واغسل الدجاج واصلخ جلده وابداء في الغداء طبعا بعد ماضغطت على الدجاج سلقت الرز نص سلقه واضفت معه ملعقه زيت وقطعه زبده وفي قدر ثاني سلقت مكرونه وبيض
واسوي القهوة وابخر البيت وجو الضيوف على بال ماتقهوى والا زوجي يقول حياكم الله
نفس طريقة مسك القمر بس مع اضافاتي الرز والمكرونه ومن فوقه الدجاج وزينته بالبيض المسلوق والليمون وسلطه خضراء والحلى والله العظيم مابقى ولا شي في الصحن شوي وياكلون العظام

وتمنيت اني اصوره وانزله تشوفونه بس الجايات اكثر ان شاء الله ومن بعدها اسمعوا مدح زوجي ووجهه بيتشقق من البسطه وقال لاتغسلين الصحون انا بغسلها شكل بينزل مطر
على فكرة حطيت ملعقة بهارات مطحونه مع الدجاج ( قرفه كمون هيل كزبرة ناشفه فلفل اسود )

أجمل من الورد... وأحلى من الشهد... ولاتحتاج لجهد( سبحان الله وبحمده)
الله يووووووووووفقك حبيبتي
استغفر الله واتوب اليه

اللهم صل ع نبينا محمد عليه الصلاة والسلام
مافهمت يعني انتي ماتطبخي من سنتين ليش

اللهم لقني لا إله إلا الله عند السكرات
ولاتجعل حسناتي حسرات ولاتفضحني بسيئاتي يوم ألقاك.
اقتباس مشاركة  (العنيدة ريمممم)
الله يووووووووووفقك حبيبتي

وياك ياالغاليه
أجمل من الورد... وأحلى من الشهد... ولاتحتاج لجهد( سبحان الله وبحمده)
ماشاء الله
ممكن رابط مسك القمر


الساعة الآن 11:13 .