د-اوقات العمل +الاجازه
بسالكم عن اجازة العاملات انا عندي وحدة لبنانية مهبلة فيني
ماتبي اجازتها الايوم الجمعه وتقولي اذا تبين اداوم تكون النسبة 50% وراتبها عالي وغير كذا تقول لوبطلع للزباين برا المشغل يكون النسبة بعد 50 % وغير كذا دوامها من 4 الى 10 وشرايكم
قول لها تبغين اجازة الجمعة مافى نسبة 50%
وبعدين لية ماتوزعين الاجازاتايام الاسبوع يعنى ثلاثاء واربعاء وخميس وجمعة اللى تغيب خصم من راتبهايومين
لازم تصيرين قوية بذكاء وخليكى ليانة معها عالاقل تستحى علىوجهها
...........
انا عندى بنات وعارفين ان الدوام من 4الى 10 واذا فى حجز نفتحبدرى
ومسوية جدول واعلق لهم يوم الجمعة كل وحدة تشوفها اجازتها اى يوم واللىتبى تبدل مع صديقتها او تغير براحتها
المهم مافى غياب ايامالمواسم..
والبنات اللى عندى شاملات مهو مثل اللبنانية بس تمسك شئواحد..
يبغاك تقعدين معاها قعدة وتتفاهمين معها ..
.............................. .....
صاحبت مشغل وسبق شغلت عامله مصريه معا يا 1) بالنسبه للراتب ازاكانت شامله لاتزيديعن 1000 ريال او 1200 وفي المواسم1500ريال 2\)اما بالنسبه لاهم شرط بالنسبه ليا لاتطلب منك انها تسافر في المواسم يعني انتي تحددي موعد سفرها علي حسب مصلحت العمل 3)تعمل حسابها انها ليلت العيد حتداوم للفجر وانو اهم شيء في رمضان العشر الاواخرلحسن كلهم يطلبو يروحو عمره في هدي الاوقات4)وتاكدي عليها انو اهم شيء في شغلالمشغل الاخلاق الحلوه والصبر5)لا تبعليك شيء في المشغل لاعطور ولا كريمات ولاشئواوعديها او كل سنه يزيد فيها الدخل لكي زياده وانها ممكن بشطارتها يوصل راتبها فوقالالفين 6)وازا قدرتي تطلبي منها انها ماتسافر قبل 3سنوات علشين يدوبك الزباين يعرفوها وتكون سمعه
.............................. .........
انا اشترط بالعقد
الالتزام بالدوام
والتاخير اذا وصل 5 ساعات بالشهر عليهخصم
والغياب خصم يومين
الاستئذان لازم قبله بيوم ومافي اجازه الا اذا فيهبديله
المحافظه عالعهد والادوات والتعويض في حاله الضرر
تخيلوا فاتحه المشغلماكمل 6 اشهر و13 سشوار احترقوا بسبب انهم يطيحوا من العاملات وصار شغلي شراءسشوارات
كمان ماتنسحب الا بعد ماتقولي بشهر ويكون عذرها مقنع
وانها ماتمارساعمال بعد خروجها لمده سنه
لجل ماتسحب علي
احترام الاراء وعدم رفض العمل
..............................
وانا اللي عندي مقيمات وسعوديات دايما يسحبون زبايني وعاملاتي ويفتحون مشاغل
لجلكذا اشترطت على اللي تبي تشتغل عندي انه بعد خروجها ماتفتح مشغل لمده سنه لجل اظمنانها مو جايه تسحب علي
وانا لوبجيب عكفالتي بخليهم يداومو كل الاسبوع عداالجمعه بيكون دوامهم الساعه 2 الى 11
احس نظام البنات اللي يعطون اجازه وتطلعفيها مو حلو لان كذا راح تطلع مجمعات وتسوي مشاكل وانا مسؤله
وراح تخربعلي
اذا تبي شي بجيبه لها وممكن اخليها تتفسح وانا معاها بس لاني ماظمنها
لوتواعد شباب ولا شي
.............................. ......
طبعا السعودياتعلى حسب تجاربي لازم يوم اجازه خصوصا المتزوجه عشان هذا اليوم تصلح بييتها ولأنهااكيد عندها ارتباطات ثانيه
والمستقدمات هم ايلي يشتغلوا طوال ايام الأسبوعهذا ايلي اعرفه
......................
انا اسوي نفس الشي مع عاملاتي بس يوم الجمعه اجازه لحد الساعه 4 العصر الى اخرزبونه مع الطلعات ايام الجمعه الي في غير اوقات المدارس
مكتوب بكتاب انظمةالعمل والعمال..
يشترط عملها يوميا 8 ساعات فقط لا غير
ويوم اجازة
.......................
الدوام من 9 ص الى 12 ظ ومن 4 العصر الى 1 الليل في الايام العاديه عاد مع الزحمهيشتغلون من 7 ص الي 2 او3 في الليل في شهر رمضان هذا كنا نقفل الساعه 6 الصباح ......... طبعا الرواتب مره زينه من 800 الى 2000 يعني يكرفون كرف و اكون انا علىراس العمل واعطيهم عصير وبسكوت وامدحهم واشكرهم يعني احسن نفسيتهم وقبل ما اقفلالمحل اقول للسواق يجيبلهم عشاء او غداء حسب الوقت حرام يتعبون ,,,,,,,, ونظامالشغالات نفس النظام في مكتب العمل بس حنا ياسعوديات نحط لنا نظام خاااص
.............................. ............
تعملي معاهم كانهم خواتي وكانهم صاحبات المحل يشتغلون مايقولون اوف ماشاء اللهعليهم خاااصه الاندونسيات جاوني ورواتبهم 800 وكل سنه ازودهم الحين بعضهم صارراتبهم 1200 المهم الاخلاص في العمل بالنسبه في رمضان كانوا في العشر الاواخر يصحونالساعه 10 الصباح وعلطول شغلهم برا ورب البيت انهم بعض الاحيان يفطرون برا اوالطريق ويرجعون ويأخذون رااحه ساعه مثلا وبعدين يشتغلون الين الفجر ولليله العيدوالي قبلها يقفل المحل الس6 الصبح على فكره انا استقدم بس ما اخذ من المقيمات اوسعودياات بس بأذن الله السعوديات بخليهم في محليالثاني
.............................. ................
مشكلتي ان الكل يبغون اجازتهم الجمعه ,وقاهرتني موضوع النسبة 50% ,بس انا قايلةبالبداية مافي نسب خصوصا ان راتبا ماهو قليل 4500 ريال وكثير يستاذنون ويغيبونبصراحة ودي بشيء يردعهم هلكوني مع اني ماني مقصرة معاهم بس شكلي بجرب العينالحمرا
رواتبهم مره عاليه كيف تغطينها وش الي جابرك عليهم جيبي فلبينيات يشتغلون احسن منهموبنص الراتب
والمكياج انتي علميهم الخليجي او جيبي وحده تعلمهم ويداومون منالصبح لين الليل وعارفين اللي لهم والي عليهم
......................
انا عاملاتي طالعين اليومين هاذي بسالفة انهماينظفوا بعدهم ولايشيلو حلاوة ولافتلة ويدور اي شي علشان يضربون
في الموسم وللاسفكلهم تبين ولا سفرينا

عمر الادارهماكانت قوه
الاداره تعامل
شوفي طلباتهم وفري لهم جو مناسب وقتراحتهم
اعطيهم نسبه بوقت الزحمه
امدحيهم قدام الزباين
ولوعجزت

قولي مافي سفر الابعد الصيف وكل وحده تذكرتها عليها لو لها 10 سنينعندك دامها ماراعت ظروفك

الله يوفقك لما يحب ويرضى
وهم اناه عندك
اهم شي ضعي مخافة الله بين عينيك
.....................
العاملات الفلبينيات يداومون من الصباح 10 الى 10 ليلا طبعا فيه فترت راحه الضهر
العربيات يجون 3 عصرا

.............................. ......
هــ -مشاكل العماله
العربيات نصيحه شغلهم بالشعر فنانات بس ماتقدرين عليهم يعنى اللى بروسهم يسونهولايحطولج اهميه
.............................

انا عندي مشغل والحمد لله ماشي
لكن انا الحين حامل وموظفة والله لايوريكم معالوحام
وحابه اسالكم
هل لازم اجيب ادارية للمشغل والا اعتمد على العاملات؟؟؟؟؟؟؟؟؟
عندي خياطتين وكوافيرتين ويفهمون عربي
المشكلة اني يدوب الحق علىالاجار والرواتب لان المشغل ماكمل السنه
ومابغى اضيف راتب زيادة
خصوصا بعدالدراسة مافي زباين كثير على المشغل
ياليت تدلوني لاني محتارة
نصيحه مني لا تحطين احد
الوحم كلها شهر وشوي ويعدي تحملي شوي
والعاملاتبيمشون المشغل في فتره غيابك.
........................
نصيحة لا تجيبين ادارية انتي ناقصة مصاريف وكلي وحدة من العاملات تثقي فيها وانتيخليك متابعتهم لو بالتلفون والفواتير
.............................. .
اكبر هم في الصالون هم العاملات....بلاوي هم بلاوي
انا عندي هنديه وفلبينيه2ولبنانيات 2 للميك اب والتسريحات
ومشكلتي الحين في اللبنانيه الي اتسوي تسريحاتتبي اتروح املوعه جبدي وهدا عيبهم الأجانب... ومو قادره احصل كوافيره شاطره فيالتسريحات وبأي راتب اهم شي تساريح عرايس على مستوي الي تقدر اتساعدني ادلني علىكوافيره شاااطره من اي جنسيه ترى صالوني في البحرين والبحرينيات شطار بس ما يضلوناكثر من 5 او 6 اشهر وهدا غير مشاكلهم الي ما اتخلص وعدم الألتزام بالدوام
مالها الأ حلين
الأول: انك تزودين راتب البنانيات لحد ماينتهي الموسم
الثاني: انك تجيبين بحرينات قريبات من المشغل وتوقع معهن عقد يلزمها بالدوام او دفع عرامهمقابل الأنسحاب او الغياب
,,,,,,,,,,,,,,,,
المهم مين الي يعلم الاندونسيات خلي وحده من الكوافيرات تدربهم وشوي شوي تشوفينالشغل تمااام والله في الاستشوار الحين الزباين يطلبونهم بالاسم وكمان الصبغاتوالمناكير والبدكير والمكياج عندي ثنتين اندونسيات يعرفون المكيااج الخفيف وكمانيطلبونهم زي المغربيات ...... شوفي بنسبه للخياطات دربتهم وبعدين هم دربوا الي يجونبعدهم يعني مثل الدائره كامله متكامله انتي ما تخسرين لا وقت ولا جهد ولا زباين
.............................. .......
كيف ادرب العاملات على الصبغه لانها صعبه مو مثل الشعر والمكياج يبغى لهاوزنيه
شوفي معهد مختص اومشغل وصاحبته بنت حلال وودي عاملاتك عنده بوقت هميحددونه
ويعلمونهم او جيبي كوافيره اجنبيه تعلمهم الشغل داخلالمشغل
,,,,,,,,,,,,,,,,,,,,,,,,,,
وبالنسبه للعامله اذا ما عجب الشغل الزبونه اخليها ترجع وتضبطه غصب اوطيب
اهمشي الزبونه ماتنزل من عندي الا وهي راضيه
مع انه فيه زباين ما يعجبهم اعجب ولاالصيام في رجب بس برضه لازم اخليهم ينزلون من عندي مبسوطين
...................
العاملات اذا ماحصلو احد واقف على روسهم يلعبون لعب لا يغرونك حتى لوكان شكلهمحبوبات وامينات المال السايب يعلم الناس السرقه
الي تبي مشغلها ينجح تقوم عليهوتشوف وش داخل وش نازل ولا تخلي الزبونه تطلع من عندها الا وهي راضيه لان العاملاتما يهتمون بها الشي
.......................
انا عندي كوفيرة ممتازة في المكياج والتساريح واعطيها راتب ثلاث الاف وهاذيالكوفيرة قبل ماتشتغل عندي كانت عاملة لنفسها بروشرات وتبي تشتغل لحسابها بس لانزوجها مشغول وماعندها نقل اضطرت تشتغل عندي وامس قالت ايش رايك توزعي بروشراتيواشتغل بر لزباين المشغل وغيرهم وسواقي يوصلها انا ابي شوركم هل لي مصلحة خاصة انالبروشور بأسمها يعني دعايه لها ومشغلي جديد له ست اشهر هل اقول موافقه مقابل انياخذ خمسين بالميه من شغل البيوت و انزل راتبها ال الفين خاصة انها بتكون برا المشغلطول الوقت وسواقي بيخدمها واكيد لمل تشتهر بتتركني ياليت
بالنسبة للبرشورات اذا البروشورات فيها رقم جوالاو ثابت لها ارفضي ولا يوسوس لك الشيطان انك ترضين لانك كذا كنك تساعدينها انهاتستقل عنك
اهم شئ الرقم اللييكون في البرشورات يكون تابع لك انتي موب لها علشان اي احد يبي يتعامل
معاها
يكون يتعامل معاها عن طريقكانتي
وكل مرة هي تطلع فيهاوتشتغل في بيت ياحبذا لو تدقين عليهم من اليوم الثاني على اساس انك تتاكدين اذاشغلها عجبهم واذا هم شافو عليها ملاحظات
الغاية من انك تدقين هي علشان تعرف انك وراها وأن عينك عليها علشانلاتلعب بذيلها من وراك وبس
.............................. ..
ابغا اقول لكم تنتبهون هالايام لمشاغلكم لان فيه حملة على المشاغل هاالايام
مرو عندي حقين الادارة العامة لصحة البيئة ودخلو لمشغل وطلبو رخصةالمشغل واقامات العاملات وشافو كل الي في فيه من مواد وصبغات وتواريخها وفوط المهمفتشو بالمشغل كله واعطوني ورقة عشان اودي العاملات لمستوصف طبي لاستخراج شهادة صحيةواي مخالفة بتسجلها عندها وتعطيك الاوراق وتقول لك تعالي بالموعد المحدد للفرع حقهم
عشان كذا اقول لكم تشيلون كل الاشياء الي ما عليها تواريخ وترتبون لانهمبيجون على غفلة
.......
فعلا اناجوني كم مره فلت لي المشغل فلي وفي الاخير حصلت علبه صبغه منتهيه خذتها وخذت دلكهحقت وحده تبيعها عندي قالت ممنوع مدري ليش احد بياكلهاوكل مره يسوون شغله الاسم مو مطابق راجعينا بس,
............................
فاتحه مشغل لي سبع شهور المهم قبل شهر جتني البلديه وقالو لي مطبقين نظام جديدتخيلووو يقولون لو جينا وما حصلنا على العاملات اللي عندك بالمشغل كرت معلقينه علىالجكيت حقهم اول مره ادفع غرامه عشرة الاف ريال اعوذ بالله والمره الثانيه يقفلونالمشغل قالو هالنظام بيمشي بجميع المشاغل توهم بادين فيه وكل مشغل بيجدد رخصتهبيطلبون منه كذا المهم هالبطاقه يصرفونها هم من مركز طبي على اساس انك تاخذينالعاملات كلهم وتسوون فحص طبي بمراكز هم يحددونها وبعدين تروحين لفرع البلديه ومعكاوراقهم واقاماتهم واذا كانو على كفاله غير كفالتك يكون كفيلهم موقع على ورقةوبعدين يصرفون لك الكرت هذا لو لو دخلو وشافو وحده من العاملات ماعليها هالكرت علىطول غرامه المهم انا بالرياض حبيت انبهكم من جد غثونا بطلباتهم هالبلديه
...........................
ونزلتاعلان بالسوق باوراق فيه كل شي نسويه بالمشغل
بعد تنزيل الاعلان بشهر لقينا مندوبالبلديه يطق باب المشغل يبي يدخل
قال جاينا بلاغ من الهيئه ان فيه مخالفاتوتجميل واحنا منعناهم من الدخول لان فيه زباين
لما راجع زوجي البلديه لقى خطابطويل عن مشغلنا انه يمارس المحرمات من تاتو وتجميل وساونا
وانهمخالف
ولقينا صوره من اعلانا
ومشينا الامور بالواسطه لان رفضنا بغوا يحيلوناللاماره والشرطه تخيلي
فيه ناس يقولو الهيئه ماتجيك الا اذا احد تقدمبشكوى
وممكن غثهم كلمت تاتو مؤقت للشفايف وهو مو تاتو ذا صبغه
انا اللحينصرت اخاف اعلن مع ان الناس يقولون اعلني بس لاتكتبي ساونا وحمام مغربي وتشقير
جاء اليوم رئيس الهيئه للمشغل ويقول يوم الافتتاح لازم اكون موجود
علشاناتأكد انه مافيه اي شي يخص التجميل مشكله والله وكمان وقع الوالد على تعهد تخيلوامدى التشديد وربي كاني فاتحه كبريه
مومشغل ايش السواة معهم شورو علي بسرعهمشروعي بيدمر ...... لاتقولون سوي التجميل بعدين هذولا معهم حريم ارسلوهم
لستة اشهر قدام لربما تغيرت المور وما دام عندكم تشديد كذا معناها
راحيقفل مشروعك لا سمح الله اذن امشي عيوني مع النظام ولا تضييع تعبك وتعب الوالدوخساارتكم
والله ما ادري ليش التشديد والحين فاتحات كليات للتخريج موظفاتبمهنة تجميل او الهيئة عندكم
ماهم عارفين انه صار للموظفات التجميل راتبوظائف من الغرف التجارية في مناطق المملكة
..............................
اول شي كنت في وظيفتي ماني ناويه افتح مشاريع
جتني بنت عمتي قبل زواجها باسبوعوقالتلي ابي تزينيني كوافيرات بلدتنا مايعرفون يمكيجون
وكنت متردده بس شجعونيقرايبي
ومكيجتها والكل صار يقولي افتحي مشغل بس ماقدر بحكم وظيفتي انيممرضه
المهم وتجيني وحده من زميلاتي لما كنت بالثانويه
وكانت معها دوراتمكياج وخياطه
وصارت بيننا مكالمات وقالت انها تشتغل في بيتها لجل تساعدزوجها
وقلت لها بفتح باسمك واعطيك راتب عالرخصه غير عن شغلك بالمشغلواتفقنا
المهم واخذ 11 شهر وانا ابحث عن بيت على شارع تجاري مالقيت
ولمالقيت بيت جديد كملت مراوحه وبعض الاضاءات وعدلت فيه وقلت لها تجيب شهادتها لجل نفتحالرخصه
الا البنت تقول زوجي رفض
ورحت ادور شهاده وطلع واحد من الجماعه منبعيد عند اخته شهاده وهي موكلته فيها وقال اللي تبون بسويه وسالناه كم اللايجار قالبلاش قلنا ذا حقك ولازم تقول قال مانختلف
المهم وخلص اجراءات المشغل وافتحهوكلمتني البنت انها تبي تشتغل معي
وهي ماقصرت دلتني ايش اشتري وايش يلزمالمشغل
وكلللللللللل شي
وافتتحناه واخذ شهره خلال اسبوعين
بس البنت شافتاني عطيتها شهره واختفت لاحس ولاخبر
ولما كلموها البنات قالت لهم ابيها تزيدنسبتي وانا اشتغل في مشغل ثاني 50 بالميه طبعا تكذب
وانا طول الفتره ماكلمتهاوتراسلني ان العرايس يبونها تزينهم بمشغلي وماعطيتها وجه مع اني كنت محتاجتهاوفاتحه المشغل على اساس انها موجوده
واضطريت اني اخذ اجازه واتعلم الصبغوالتسريحات لجل اعوض النقص
طبعا في هالفتره الرخصه ماكانت طالعه
وقبل لاتطلعطلب علينا صاحبها مبلغ خيالي لايجار شهري احنا رفضنا وقلنا تنازل عن الرخصه لعميلاني اكتشفت ان عنده شهاده وقالي خذيها
قال خلاص بتناازل وكان هالكلام بشهر 7
وكانت كل ماتجي عندي موظفه تتعلم وتروح عدا اللي يشتهرون يجلسون شهرين وبعدينيطلعون بدون اي سبب والعقود عندي ولي حق اطالب بس مابي شوشره
جا رمضان وطلعتالرخصه ورفض الرجال يتنازل والى يومك هذا وهو رافض رغم العروض الليقدمناها
والبنات اللي عندي تبع المكياج وتبع النقش جت لهم وحده من اللي توظفواعندي وحاولت تسحبهم لمشغلها الجديد بس هم رفضوا لكن جت لهم باساليب ثانيه وكرهتهمبالمشغل بدون ماتوضفهم عندها يعني حسد
والحين مابي استقدم والرخصه باسم هذاكالشخص لجل ماتورط بالعامله ويسحبها مني لانها بتكون عكفالته

اتمنىتاخذوا درس ولاتثقوا باحد شفتوا زميلتي ايش سوت وكمان الرجال اللي منقرايبي
انتبهوا يابنات انا صار لمشغلي 5 اشهر ونصف اخذت فيها دروسوعبر
.............................. .....
خذي درس من تجربة وحده عزيزه علي
للاسف أ شترت مشغل من شهر من وحده الله يهديها لعبت عليها و شافت المشغلمره وعجبهاوواعدتها في ( د كيف ) اول مره تروح مع حرمهلذالاماكن واصرت انها تدفع المبلغ كامل وبورقه هي كاتبتها عالكمبيوتر ووقعت بس ومعالعلم انها تعرف الاجراءات ومع ذلك استغفلت الحرمه مع انها متعلمه الا انها مااتفهمفي ذالاجراءات والى الحين ماخلصت اجراءات نقل الملكيهبسبب
مماطلتها ووكلت معقبواتضح ان العقد لازم ينكتب في مكتب عقار وتختم هي والمكتب على العقد وبعدهي كتبت فيالعقد موجودات المشغل وطلعت ناقصه بس بعد ماخذت الفلوسوذنب ذالحرمه الثقه فيهاوحسبتها صادقه وهذي تجربتها اللي اتمنى كل وحدهتاخذها درس وتفتح عينها.
والحين دايخه في الاجراءات كأنها بتفتح من جديد لانها بتغير الاسمللمشغل



,,,,,,,,,,,,,,,,,,,,,,,,,,,,,, ,,,,,,,,


أن صديقتي تريد إيصال الاواراق لصاحبة المشغل لتخلي مسئوليتها عن العاملة لا سمحالله لإنها لازلت بأسمها والمشكلة بأنهالاتعرف من صاحبة المشغلإلا اسمها الرباعي فقط ؟؟ولا تعرف لا تلفوناتها ولا أسم مشغلها وتعبت كثيرلتصل لها ولكن بدون فائدة واسمها الرباعي غير موجود لا بدليل الهاتف ولا موجود بأيشي اخر.
اسم صاحبة المشغل ( هياء الشعلان )
ومشغلهابالرياض وتعتقد صديقتي أن مشغلها بالغرب أي يا بالسويدي أو البديعة أو ما جاورهمومكتب الاستقدام بشارع الابراج تقاطع المدينة المنور




اولا صديقتك وربي طايحه بمشكله اكبر من الي هي تعرفهاا الاوراقوبسسسسس
لو صاحبه المشغل ما تسلم العامله رواتبهاا او سلمتهااا ؟؟بسهوله العامله تروح تشكي صاحبتك انها ما استلمت حقوقهاااااااااا تدرين يعنيايش
يعني من وقت ما طلعت العامله من عندها من اخر ورقه راتب وقعتهاا شوفي كمشهر جلسته عند المشغل الثاني كم ؟؟؟؟؟؟؟؟؟؟؟؟
وتاخذ العامله من صاحبتك مبلغوقدره وغصب مو طيب ههههههههههههههه هه
طالما انها تعرف صاحبه المشغل بايمنطقه خليهاااااااا تلف لو مشي على رجولها ضروري مو تجلس وتستسلم لا تطيح هيفيهاا
لو العامله تسوي اي مشكله او يسير لها حادث وتموت من يرسلهالبلدهاااااااا
صديقتك بكم ؟؟؟؟؟؟؟
لو العامله تسرق او تسوي شي محرممن المسؤل
صديقتك
اي شي يختص بالعامله صاحبتك مسؤله عنه ياحلووووووووووه





اذا كان عندك اسم صاحبة المشغل رباعي ورقم الحاسب حقها
تروحين مكتب العملوتدخلينها بالحاسب يعطيك معلومات صاحبة المشغل كامله وكمان ارقامتليفونها
وكمان اسالي عن اسم المكتب وابحثي عنه



ما دامها تعرف اي شارع تروح تدور كل المشاغل الي في الشارع ولا تسكت وتاخذ صاحبتالمشغل للجوازات وتعطيها تنازل وتاخذ منها ورقه بطلب نقل العامله وتصور الاوراقعندها للاحتياط


......................


كوافيرتي سرقتني وهربت فين ادورها انا بلغت عنها وما ابغاها اناناويه اسفرها قبلتهرب لاكن هي استعجلت وهربت
كيف اثبت للبقيه ان الهروب مو سهل كل يوميسئلوني وش صار مدام لقيتيها ولا لا
وهي ترسل لهم تقول انها اشتغلت بمركزكبير خارج جده واضنها تكذب ما اضن احد يشغلها
بالذات المراكز الكبيره منغير موافقة الكفيل



انا صار لي نفس الموقف وبلغت الشرطه وخلال 24 ساعة مسكوها
وسلموها لي لأنيانا الكفيلة وسفرتها لبلده مباشره بعد ما اعطيتها خروج واعلمت عليها
بعدمالدخول للسعوديه مرة ثانيه حتى لا ضر غيري وكمان اعطيت العامالات درس انا الليجابها
بيقدر يجيب عشر افضل منها



............................


فيه نظام في مكتب العمل ينص على اذا طلع العاملة قبل المده المحدده
للخروجهسنتان طبعا يكون تذكرتها على الكفيل وكمان يؤشر عليه اويعلم علىالكمبيوتر
بحيث يكون نقطه سوداء تمنعه من الدخول للبلد باي حال من الأحوالوهذا من حقوق الكفيل



.............................. .........


كانت عندنا مغربيه من افضل مايكون لها عندنا 6 سنوات
وفجاه قالت ابي اسافرولاني راجعه
خفنا انها تكون تبي ترجع سوينا لها خروج وعوده عشان ماترجعللسعوديه وتلعب بذيلها
قامت سوت النون ومايعلمون عشان نخرج لها نهائي وسوينالها خروج نهائي لانها حلفت بالمصحف الشريف انها ماراح ترجع
واكتشفناهالاسبوع انها بالرياض ورجعت من المغرب بعد مرور شهرين من سفرها
وقاعدهتسحب زباين المشغل حقنا وتستغل لحسابها
كيف ممكناننا نتصرف معها
مع ان زوجي يشتغل بالجوازات ويقولوجودها قانوني بالبلد بس اللي يقهر انها سحبت كل زباينا بالله مو حرام
وحلفها على المصحف الشريف هو اللي يقهر لانه كذذذذذذذذذب.............................. .....
اختي ليش تنقهرين !!!الرزاق في السماء ,,, ومدامك سويتي خروج نهائي من حقهاترجع ... وشي طبيعي زباينها حيكلموها
ويدورو عليها لو كانت محترفة
انسيموضوعها ودوري على البديل ... وصدقيني رزقك ربي كاتبه بيها اوبغيرها
ودائمآانظري للأمام وانسي ما ورائك
...........
المفروض ختمت على جوازها ماترجع السعوديه ابد او على الاقل الرياض وهذا منحقك
والشرهه على الي سحبتها منك واغرتها وفتحت لها مشغل

................


. المهم في يوم من الايام دخلت على غرفت كوافيراتي المغربيات طبعا بدون علمهم وكانايامها بينا مشاكل بس انا عندي فضول ابي اشوف هم ليش دايما مسنترين في ها الغرفهالمهملقيت والله يا بنات نوته هاتف فيها ارقام المباحث والشرطه والتحقيق والادعاء العاموالدفاع المدني كمان..... ليش كاتبينها ؟ ايش الهدف؟ لعب الشيطان في عبي خخخخصرتادحبش بعد لقيت على طاولة وحده منهم منديل فيه شعر جديد توه مقصوص طبعا لعب مرهثانيهالايابنات الشعر شعري وربي ما استغربته توني قاصته عندهاقبل المشاكل بيومين وروح عند الخياطه الاندونسيه وقولها طبعا هي كبيره في السن قالتلي روحي وجيبي شعر مشكل من الزباله الله يعزكم اذا تبي تسحر احد ما راح تقدر الانهمشكل من كم حرمه ..... المهم رجعته وخبرت الوالد وقلت له والله انا مو متفاله خيرايه نسيت اخذت النوته حقت الهاتف صرت محققهوطبعا المشاكل كانت علشان حب وحركات تلفونوشباب وهلما جراا........ والله يبنات جاء من بكره كان الموضوع يبيله شرارهصغيررررررررونه وينفجرواليخفت منه حصل .......... اتصلت على الشرطه وقالت تعالوا بسرعه عنديمشكله كبيره مع صاحب المشغل والله انا سمعت الشرطي عند الباب والحارس يصارخ ايش حصلوانا اقوله ما حصل شي يقول الشرطه يبون صاحب المحل ساعتها انا اهب فيهم وقولسويتوها طبعا عندهم جوالات ثانيه من وين ما تدرين قسم اني مرضت........ وقولهم والله لا اجيب الهيئه يسحبونك انت ويااها من شعرك ولا احد يسمي عليكم وخليهمبشفون الشعر الي عندكم تبون تسحروني والله يبنات لو تشفون اشكالهم كان احد يبييحرقهم بنار وصارو يركضون على الغرفه وشوي على الحمام المهم انهم نظفوا الغرفه تماموالعسكري مصر يدخل المهم لما دخل يسألهم ومني مناك قالت له الي ظلمت نفسها عند اللهصاحب المشغل .......... وقالت كلااااام والله العظيم رب العباد ما راح يسامحها عليهليوم الدين يوم ظلمتنا ........ طولت عليكم المهم في النهايه طلع العسكري ابن حلالولملم الموضوع وقال لبوي سفرها احسن لا تجيب هي وزميلتها مصيبه اكبر من كذااااا .... ملاحظه : لوتشفونهم اعمارهم في الاربعينيات وباقي بنات وكل وحده اشين منالثانيه ......... فا نصيحه خذو ا عظه وعبره للبنات الي ما عندهم خبره هذا البشر ..... ولا تصيرون مثلي كلما شبوا انتوا تشبون سفروهم تخلصوا منهمباسرع وقت


.............................. .


اذا الكوافيره اطلعت من عند كفيلتها وراحت تشتغل بمشغل ثاني
وماتبيترجع تشتغل عندها لانها ما تعطيها رواتبها
هل على المشغل اللي استقبلهاللعمل فيه . شي او يلحقه مسئوليه !!؟

يعني وش ممكن يترتب على فعلها ..



اذا اشتكت عليك كفيلتها في مكتب العمل يكن هناك غرامة 10 الاف
وسجن ويتم تسفيرهافورا نصيحة اذا هي عندك بلغي كفيلتها او الشرطة ولا ترضين بمخالفةالنظام
وتوقعي زي ماتركت كفيلتها بتترك انت بعد



.............................. ..


كل صاحبة مشغلي تسمع صوتي وتحط صوتها اسمعوا تجربتي غير المكتوب فب الملف
انالكوافيرة المغربية الأولى عندي عمرها 40 سنه وشغلها ماهو بذاك الزود وفوق على صبريعشاان خساارتي
مسوية فتوة على العاملات بالمشغل المهم الطامة الكبرى صارت تغازلبالجوال ولم اخذت الجال طلعت برى المشغل
وكلمت من جوال هندي وواعدت شاب 18 سنةالمهم مالكم بلغت الشرطة بعد ماراحت 6 الصباح
وسلموني اياة الشرطة وسفرتها فوراعلى حسابي
الثنية احرقت قلبي طلبات ماتنتهي واسواق وكماليات واقسم يابنات انم لتشوفون مصروفها تقولون بنت معالي الوزير
المهم اللي يهمك انها تموت وتزوج سعوديوهنا لفتت انتباهي تقولي انتوا ياسعوديات ماتعرفن تعاملون مع الرجال عشاان كذارجالكم يموتون على النساء المغربيات
قلت لها لا والله رجالنا مغفلين ولامايتركون السعوديات ويرحون الكم طبعا وتقول لي بلسانها حنا يامغربياتمشهورات
بالسحر والله على ما اقول شهيد انتم ايش رايكم
انا لما تخلص العاملاتالمغربيات عندي راح اقفل على الأستقدام من المغرب واستقدم ن اندونسياوالفلبين



..........................


والله انها حظوظ بس الي بقولك عليه جبت اندونسيه وحده بس كنت متخوفه منها حيل وطبعاهي جات عن طريق خياطاتي يعني خياطتي ارسلت زوجها يدور في نفس مدينتهم .....زين لمالقوها ارسلنها الى المكتب الاندونسي ومن هناك صار الاتصال بين المكتب في السعوديهوبينا وارسلنا الفيزه ولازم مع هذا الكلام لازم دهن سير يعني بخشيش هناك ,,,,,,,,,, المهم المغربيه الي كانت عندي دربتها زين وبعدين جبت 4 وبنفس الطريقه الكوافيرهالاوله علمتهم يعني انتي اشتري راحتك , تعرفين فيه كثير من المشاغل هنا يطلبوناندرب كوافيراتهم بس انا ما ارضى


.............................. ..


مشكلت صاحبتي مثل مشكلتك والكوافيرة مغربية واللي زاد الطين بلة شوفت النفس ورفضضهاحتى تتعلم ماتعرف شي حسبي الله على المكتب اللي جابها
تهاوشت صاحبتي معاهاوقالت طيب انتي ليه جيتي تخيلوا الكوافيرة ردت عليها انها دفعت فلوس وجات السعوديةعشان بس تتعرف على البلد اللي تسمع عنه
المهم المكتب المكتب كذب عليهم وقال انهسفرها وبعد ثلاث شهور جاب لهم كوافيرة ثانية فلبينية
الكارثة ان المغربية بعدثلاث سنوات من الموقف اكتشفوا ان المكتب غشهم وكذب عليهم لانه الوسخ ما سفرها نقلتكفالتها على واحد تاجر كبير لفت عليه وتزوجها واهل المشغل لعب عليهم واكلفلوسهم

.............................. .

فيه مشغلعندنا هربوا كل عاملاته ال5 في غمضه عين صاحبة المحل ماشاء الله عليها معطيتهممفتاح المحل
وهم ما صدقوا واتفقوا مع واحد وطقوا............... انتبهوا لاتتركون الهم الحبل على الغارب

.............................. .............
ان كنت جايبه فلبينية عن طريق واحد الله لا يوفقه وكنت طالبة كوافيرة شاملةوبعدين
جات بسرعة ومعاها سبع شهادات انا قريته وشفتها بعيوني في الشعروالبشرة والماكياج ويتاع كله على راي اخونا المصريين
ولما جربته مانفعت غيرفي البديكيور والمنكيور وماعلية طلب كثيير اضطريت اني اسفرها علىحسابي
.............................. ..............

اخذت االقرض وبديت في مشغلي الثاني .... بتقولون ايش المشكله ..... المشكله اهيزوجي
الحين باقي ما بدا الشغل وباقي الامور ما تيسرت والحين اهو يفكر كيفبتكون الارباح ووكيف بيكون نصيب الواحد الحين انا اقوله
بدري على هذاالكلام لحد ما نسدد القرض وبعدين يحلها الف حلال ....... وهو يقول انا ابي الفلوسفي حساب واحد لنا كلنا بس انا
افكر انه يكون لي حساب خاص فيني تعرفون الزمندوار ......... والشي الثاني زوجي كريم زياده عن الازوم يعني يده مخرومه يضيع
الفلوس ..........انا قفلت الموضوع معهوقلت خليه لبكره لحد ما اروق الحين ايش تشورون على كيف



تعالى له بالسياسة مالكي الا السياسة ... لاتبين له انك مصره مره عشانماتخسرينه
قولي له لازم انا اسوي حساب عشان انا يدي فارطة في صرف الفلوسوانت كمان
اوممكن تقولي اي شي مثلا انك بتسوين حساب لانك بتجمعين مبلغتشترون ارض لكم والزمن
فهمية انك لو صار الحساب واحد راح تتلخبط الحساباتوماتعرفين حق تعبك كم طلع
وقولى له انه تعاملكم في الشراكة لازم يخرج عنانكم زوجين عشان الشراكة تنجح ومن هذا الكلام
والله نصيحة لكي لو كان زوجكينقط عسل لاتتنازلين عن الشي الى لكي لان هذا حقك وه>ا اقل ضمان لكي



خليك في سياسة الكلام الحلو وانك موافقة بس مش الحين
قول لي له ممكن فتره بس لينمااعرف مصاريف المحل والتزماماته وكم يطلع
ممكن لمده سنه تقريبا بس >>>>>>> يعني جرد حساب المحل هل هو ربحان او خسران
ووممكنانك تقولين له ان راح تاخذين من الحساب راتب لك شهري ومثلا يكون لكم كلكم >>>‘علشان لايحس انك تبين لفلوس لحالك
وممكن بعد السنة تقولين له انكراح تجمعين علشان تسوين لك محل ثاني او مشروع ثاني او تشترون بيت
بس في النهايةاهم شي الكلام الحلو وتبينين له انك شاريتة وماتستغنين عنه لو بفلووووووووس الدنياكلها



راي حاولو تمسكين العصى من النصف وكمان
لا تضيع حقك وتعبك على الفاضي حاوليايكون الحساب تحت ايدك واذا صمم اقسم على الثنين وحاول يكون هناك حساب واضح ومفصلللصدر والوارد
واذا كنت موظفة او عندك دخل ثاني بيعي قسمك على زوجك او اجريالمشغل الإيجار يكون بينكم بالنصف ولا تخسرين زوجك وانت جديدة على الزواج والحياة

.............................. ........
. بنات انا في مشكله كانعندى كوفيره ماتخاف الله >>
وكانت تسرق فلوس وتسرق زباين المشغل وتكلم فيالتليفون على حساب المشغل
وتهدد العاملاات لويتكلمون تاذيهم
ولما عرف كل هذاطردتها وزعلت وحاطه عينها على المشغل
وفقت حاله ومعاد يجي لي ولاا زبون ولا احديدق التليفون مادري وش سوت لى
ناس قالو عامله عمل للمشغل
والقهر الحين مرسللي ناس عشان اقبله هل اقبله وارتاح من همه خاصه انه معاد يدخل على احد معالباب
والاا اخلى حاله واقف؟
تكفون ابي رد منكم سريع محتاره مره ؟
شوفي قفلي المحل واكتبي تعديلات بعدين انقضي المحل نقض
من الى وبعدين غسليالمحل بمويه جاريه كله و بعدين دوري في كل الاماكن والزوايا والفتحات الي ممكن تكونحاطه
فيها شي وسوره البقره شغليها يوميا فيه لمده 3 ايام وبأذن الله يصيرخير وافتحيه بعد صلاة استخاره ولا تخلين وحده
بنت حرام تقطع رزقكك اللهفوقها وينتقم منها

انا مو معك بفكرة التنازل وتقبيل المشغل لانه كذا انتي تنازلتي عن تعبك وشجعتياليمنيه على انها تكمل استغلالها لك اقترح عليك الصبر وتغير العماله والاسعار وتسويدعاية يعني غيري استراتيجية المشغل وان شألله بالتشوفي الفرق
واكثري منالاستغفاااااار هو الي يجيبلك الرزق ويسرها لك وبالتوفيق

.............................. ........
لدي كواقيرة مغربية ولها ثلاث شهور وعندما ياتي موعد لراتب تعملمعي مشكللة
طبعا هذا غير عدم تقبل التوجيهات ورفعة الخشم وسوء التعامل المهمالشهر هذا سويت زيارة للمشغل بدون ما اخبرهم
الساعة 8 صباحا وادخل الصالة والقىالمشغل مكان جلوسة مليان خبز ورز والطاولة منكب عليها عصير وشاهي
ناديت الخياطةوسالته قالت هذي الكافيرة المغربية مع العلم اني ماشتريه طاولة جديده خاصة بالأكلوراتبها ينزل كل شهر بعمل وبدون عملالمهم لما كلمتها اختى وقالت نظفي المشغل بعدكقالت انا ابغى اسافر الحين خسارتي 10 الااف وهي مطلع عيني تبغى تسافر واخسرانا
او تلوي ذراعي واعطيها نقل كفالة او فيزة مفتوحه

روحي اشتكيها بمكتب العمل فوراً قولي رافضه العمل وهم يأدبونها صح يا تدفع خسايركياتشتغل بقيمة الخساير
لاتنسي قراءته الاذكار والتحصن يومياً اللهيكفيك شره



............................


حكايتي عن العاملات الاجنبيات الله لايحوجني لهم المهم ماطولعليكم ... الغلطه الاولى جتني وحده مقيمه كوافيره .. وشغلتها عندي بالنسبهوالله للولا الحاجه ماشغلتها المهم اشتغلت معي كل شي تمام طبعا عندنا تطلعالكوافيره على اي شغل المهم دايما يحجزون عندي عرايس وبعد كم يوم يلغون الحجز ليشالله اعلم المهم اتصلت علي وحده بنت حلال وقلت لي كوافيرتك لما نجيها في المشغلتعطينا رقم بيتها وبعد شوي تتصل علينا وتقول اذا تبون ارخص الغوا المشغل وانا بطلعلكم بسعر الي تبون والزباين ما يصدقون طبعا المهم والله العظيم اذا نقصت في العددممكن راح من اكثر من 10 عرايس والمصيبه ياخواتي انها ما كانت معروفه ابدا وبقدرتقادر صاروا كل الناس يطلبونها ولما اطلبها تقولي عندي شغل خااص والله اول ما عرفت ناديتها من بيتها و غسلت شراعها


.........................


سيدات الأعمال يقررناعتماد عقود وزارة العمل للتوظيف

"كوافيرات الشنطة" وقلة خبرة السعودياتأهم عوائق استثمارات التجميل في عسير
غدير الأحمد (سبق) أبها: اتفقت 35 سيدةأعمال بمنطقة عسير على ضرورة الاستفادة من عقود وزارة العمل للقطاع الأهلي في عمليةتوظيف السعوديات في مجال التجميل لوقف تسرب الموظفات وعدم التزامهن بعملهن باعتبارهعملا غير رسمي وليس موثقا بعقود بين المنشئة والموظفة، وذلك خلال انعقاد الاجتماعالعاشر للمستثمرات في قطاع الخياطة والتجميل والديكور الأسبوعالماضي.
وأوضحت رئيسة لجنة سيدات الأعمال بالغرفة التجارية الصناعية بابهاهيفاء حموض أن العقود المطروحة من وزارة العمل ليست حديثه ولكن جهل عدد من سيداتالأعمال بها كان سبب عدم الاستفادة منها حتى الآن. وذكرت هيفاء حموض أن العقودستمنح الفتاة الأمان الوظيفي وما يترتب عليه من التأمينات الاجتماعية وسنوات الخبرةوراتب التقاعد مما يجعلها تحمل المسئولية الالتزام بساعات العمل.
إلى ذلكشنت سيدات الأعمال هجمة شرسة على ما أسمينه بـ"كوافيرات الشنط" التي يقوم بهاالمقيمات من منازلهن خلال المواسم ووضعن توصيات تنص على محاربتهن ومعاقبة من تمارسهذه المهنة دون تصريح رسمي ومعاقبة أي صالون يتعامل معها بالإغلاقوالتشهير.
كما طرحت كفاءة الفتاة السعودية في عالم التجميل كأبرز العقباتالتي وذلك لعدم وجود معاهد متخصصة للتدريب وطالبت المستثمرات الجهات المعنية بإيجادمعاهد متخصصة في التجميل لا تقل الدراسة بها عن عامين عوضا عن التدريب الفردي منقبل بعض الصوالين الذي خضعت خلاله 150 فتاة للتدريب وأوهمن بالحصول على شهادات خبرةمن الغرفة التجارية.
والله انا بالنسبه لي مااقدر ادعي على احد مره والله وحدهكفيل بعباده مااحد عنده فوق احد لكن الحين انا لا كل شي بعقد ومصدق وبالنسبهللأتفاق مع الزباين حاطه وحده ثقه يعني العامله تتعامل مع الزبونه وقت الشغل بسوحاطه مراقبه وقت الشغل والحمدلله ارتحت
بعدين فيه ملاحظه كم وحده تتابعشغلها بنفسها وتوقف يد بيد مع العامله الكثير صراحه يسلم كل شي للعامله وخصوصا فيالبدايات انا طحت بنفس الشي بس والله من عدم خبرتي
وبعدين انصحكم دايم خلوا امران مجالنا هذا مافيه شي اسمه استمرار على المدى البعيد فأعملوا من البدايه حسابلهذي النقطه دايم دوروا على المواهب وشغلوهم لا ترتكزوا على اسم واحد ابدا عشانشغلك مايتأثر اذا ما احد انسحب لأي ظرف



.............................. ........


اعتقد ان صاحبة المشغل لازم تعرف ان اليوم دنيا وبكرة آخرةواذا عرفت ذا الشيءصدقيني

ماراح تهمها الدنيا ولا الفلوس
ونصيحتي لكم أنكم تتأكدوا قبل ماتحكموا ..
تخيلوا بعد ماأتهمتنيقدام العاملات وقدام الزباين خرجت من عندها وماقلت ألا حسبي الله
ونعمالوكيل .. وأتصلت علي بعدها بأسبوع تعتذر لي بعد ماتأكدت أني مظلومه ...
وأنا كنت معتبرتها مثل أختي الكبيرة ما أقول الا الله يسامحها ..
ونصيحتي لكم أنكم تتأكدوا قبل ماتحكموا
وحسن المعاملة ....



.............................. ......


والله مااحد كبر راسالاجنبيات الا السعوديات
اعرف بنات سعوديات شغلهم افضل من الاجنبيات
وموفرة عليك الاقامة والفيزة وخرابيط لها اول مالها تالي
وفي الاخر تقول صاحبة المشغل لا انا مابي سعودية
انا بفتحمشغل ولكن شعاري نعم للسعودية ولا لاجنبية
معدى عاملة النظافةوالسواق



.............................. ..


لقيت ان الشغله توفيقيه اكثر وتعتمد على ذمة عاملاتك انا طريقتينجحت لحد ما ونجحت بشكل كبير مع السعوديات وبالنسبه للعاملات المقيمات مو مره بسالمفارقه العجيبه انهم رجعوا لي مره ثانيه وحاولوا يرجعون ورفضت رغم شطارتهم
بسلما احتاج احد واطلب منهم ايلي لسى فيه خير يساعدني
اما بالنسبه لحكاية صاحباتالمشاغل انا صار معي كذا بس ايش عاملاتي مارضيو ووحده قالت لي والله ماابدلك باحديكفي اني مرتاحه عندك نفسيا وكان معروض عليها اربع الاف رغم انها عندي بألفين ولهاعندي سبع سنوات وكمان وحده مثلها حاولت تسحبها ومارضيت
اخواتي تبقى المسألههذي تعتمد على التوفيق من الله ثم بأخلاق الشخص
بس فيه حلول لو تصير تمام
وهي ان يكون فيه ابرام عقود مصدقه ومضمونه للطرفين وفيها شرط الزامي للطرفينعند الأخلال بهالعقد وخصوصا عند ترك الشغل وفيه اعمال للزبائن لم تنجز وبالسبهلأولياء الأمور لازم تاخذي من الولي خطاب بالموافقه بالعمل وانه في حالة انه يتراجعبعمل من هو وليها ينفذ الشرط اللأزامي ويكون مصدق وبشهود
فيه شغله انه الأناصبحت البلديات تلزم كل المشاغل بأستخراج شهادات صحيه للعاملات بالمشغل هذا ممكنيضمن شي كون البطاقه يكتب فيها اسم المشغل ايلي هي تبعه فالتغيير مو سهل رغم ان هذاالأمر عامل اشكاليه



في شغلنا هذا الخاص وتقريبا كل شغل خاص مافيه شي اسمه هذا يستمر عندي على طول وشيطبعي ان كل واحد لما يتقن صنعه وينشهر انه بيفكر انه يعمل شغل خاص فيه وهذا ميزه فيالعمل الحر انه مومقيد انا لو وحده عندي وحابه تطلع وتسوي شغل خاص فيها ادعيلها
فأحنا لابد لنا اننا دايم نبحث عن ايلي عندهم المواهب نفيدهم ونستفيد منهمكمان عشان ماتتفاجيء وتتلخبط امورك اذا وحده سابتك لأنه عندك البديله وكمان اهم شيشغلك مايتوقفيعني انا مثلا اعمل دورات وايلي القاها تمشي في الشغل اوظفها عنديوالله لقيت هالفكره حلوه لا تخلي اعتمادك على اشخاص معينن جددي وطلعي المواهب



.............................. .............................. .............................. .............................. .............................. .............................. .............................. ..

,,,,,,,,,,,,,,,,,,,,,,,,, المشاركة الأصلية كتبت بواسطة أم الحبايب1
أنا منالرياض
السلام عليكم ياأخواتي صاحبات المشاغل ممكن خدمة وفيها أجر كبير بإذن الله الندوةالعالمية عندها يتيمات دربتهم على العمل في المشاغل وعندهم شهادات ويبغو سيداتالأعمال إلا عندهم مشاغل يساعدوهم في توظيف اليتيمات المتدربات مين منكن مستعدةلتقديم هذي الخدمة مع الأجر الجزيل من الله وتفريج كربه هؤلاء اليتيمات وتوظيفهم فيمشغلك سوف يعود عليكي بالبركة وزيادة الرزق إن شاء الله إلا عندها رغبة أو تعرف أحديقدر يساعد تراسلني على الخاص وتعطيني رقمها وعنوان المشغل وأنا أجيبهم لعندهاتشوفهم وتختار الأفضل
اليتيمات في بيوتهم والندوة العالمية دربتهم وتبحث لهم عن وظائف وكلفتني بالمهمةفمافي عنوان معين اعطيكي هوا أنا متطوعة فقط ومكلفة بمهمة البحث
انا اتكفل بهم من ناحية الإنظباط والتعاملالجيد هما سعوديات بس لم يسبق لهم العملونسعى لإيجاد وظيفة لهم تكفيهم ذل السؤال وتمكنهم من مساعدة ذويهم فإذا تقدريتساعديهم فلك الثواب تقدري تجربيهم وتشوفي شغلهم (مكياج وشعر)
.............................. .............................. .............................
.............................. .............................. .............................


5- تجهيزالمشغل

أ-الديكور

معلومات مهمه لكل منتريد تاثيث صالون نسائي

إيحاء الألوان في سطور ــــ و عليك توظيفها
--------------------------------------------------------------------------------
الأخضر
لونالحياة و يرمز للنظارة والأمان والراحة
يدل على الاسترخاء والراحة الجسديةوالنفسية
يمثل قوة الطبيعة في أجمل حلاتها
يفضل في غرف النوم و غرفالجلوس
الألوان المتناغمة : الليموني ـ الأصفر و الأزرق
الألوان المتناقضة : الأحمر ـ البني و البنفسجي



إن اختيارنا للألوان يعكسشخصياتنا



الأزرق
لون الهدؤ ، منعش ، مسكن ، مرتب ،
لون الملكية و النبل
يجلب الراحة والسكون إلى حياتنا
يؤمن الاحتياجالاساسي للهدؤ متألق و مزيل للتوتر
يفضل في الحمامات ومكاتب الدراسة و غرفالنوم
الألوان المتناغمة : المائي ـ البنفسجي و الأخضر
الألوان المتناقضة : الأصفر ـ البرتقالي و الأحمر



نستعمل الألوان للتعبير عنإحساسنا



البنفسجي
لون الترف والرفاهية ينعش مشاعرنا شغوف وعميق الأحاسيس
هذا اللون السخي يؤمن جو غير اعتيادي و روح غير متوقعة
يفضل فيغرف النوم والحمامات
الألوان المتناغمة : الأزرق ـ الأحمر والرمادي
الألوانالمتناقضة : الأخضر و الأصفر



المنبع المألوف للإلهام هو الطبيعة و فصولهاالأربعة
الوردي
لون عاطفي في ميزته
يتضمن معنى القلبالحساس
عموماً يمثل الاهتمام والمشاركة و التقاسم
يرمز إلى الشخصيةالقوية
يفضل في غرف النوم
الألوان المتناغمة : البنفسجي ـ الأزرق ــالرمادي
الألوان المتناقضة : الأخضر و البني
الأحمر
اللون الوحيدالملئ بالقوة والنشاط و الإثارة
يرمز إلى الحب ـ الهيام ـ الشجاعة ـ يلفتالانتباه
له تأثير جيد على العواطف
يفضل في غرف المعيشة
الألوان المتناغمة : البني و البرتقالي
الألوان المتناقضة : الأخضر و المائي
الأصفر
لونسعيد و فعال ، ينشر الدفء في كل اتجاه
عامل ملهم و حيوي و هو من أسعدالالوان
يعبر عن التواصل و التنوير
ضوء الشمس و التعلق بالقيمالروحية
يفيضل في المطابخ و غرف الميشعة
الألوان المتناغمة : أخضر بنيبرتقالي
الألوان المتناقضة : الأزرق البنفسجيوالمائي
البرتقالي
لون الأخلاص والكرم يعكس حسن طبيعته البيئيةالاجتماعية في درجاته
البرتقالي الصاخب يصبح مرحاً مبهجاً لعوباً
بشكل غامقيصبح غريباً و مثير
الألوان المتناغمة : الأحمر الأصفر البنيوالليموني
الألوان المتناقضة : الأزرق



ثلاثة عناصر لتصميم ناجح
الغرفةالناجحة تعبر عن الأداء العملي
الغرفة الناجحة تعبر عن المزاج
الغرفة الناجحةتظهر حساً من التناغم



الألوان تؤثر إلى حد بعيد على كيفية استيعابناللنماذج
الألوان المتناقضة تضفي الحيوية على الغرفة
أما الألوان المتناغمةفتأثيرها أقل صخباً



ملمس الطلاء يؤثر على اللون المختار
فالتركيبةالخشنة تمتص الأضواء
والتركيبة الناعمة تعكسالأضواء




.................... ][/URL]


(المعذره ماقدرت انزل باقي الصور)


ديكورات المحل والوانه افكر احط تفاحى ورمادى وابيض -او احمروابيض واسود

الوان مكررهتفاحي ووردي ممكن
برتقالي واصفر او برتقالي واخضر ممكن




..............


احس ان الستكرات مدري ويش يسمونه تحطينها على الواجهه بشكل جمالي مع صور وحركاتمدري فهمتي علي احس كل المشاغل صارت الحين تحط حجر وكهوف واشجار صارت مثل غاباتالامازون .......


,أنا واللهمااعجبتني حركة الأشجار والغابات ,,,وأبغى شي يكون مميز وكلاسيكي يعني ماابغى حركاتوخرابيط أبغاها سااادة,(أحلى )



...........................


:


الحوض تلقية في محلات الادوات الصحية( المغاسل ) بالاساس هي حوض مغسلة

.............................. ..........
اللي مشغلها عبارة عن محل وقسمته لاني ابي اعرف كيف طريقه التقسيم ,,
اقسمي المشغل جزئين الجزءالاكبر للكوافير والاصغر للخياطه
وحطي مع غرفة الخياطه غرفةصغيره قياس وضروري باب فيها ممنوع الستاره بغرفالقياس...
وبنفس القسم اللي فيه الكوافير سوي غرفه صغيره لو بعوازل اوستائر
لغرفة مكياج مغلقه بها كرسي او سريرالمكياج..
وبالنسبه للمكان الكوافير حطي من 3 الى 4 كراسي معالمرايا
وبالمقدمه حطي كراسي الانتظار او كنب اللي انتي حابهومكتب المديره وتفنني انتي بالجدار مرايا وغيره
.............................. ........................
وناويهاسوى نضام المشغل مفتوح يعنى مافى غرف اضمن لزبائن من ناحيت الكاميرات واستفيد منجميع المساحات بهالشكل
بس العروس ماحتاخذ راجتها ويبيلها كمانركن تلبس فيه مهما كان العروس لها خصوصيه واحسن ماتضيع عليك المساحه سوي تقسيماتخشبيه صغيره زي الحلاقين الرجال
.............................. ...

اسأل عادي يكون الانتر فون تبع باب المشغل له شاشه تشوفي اللي واقف بالباب والاممنوع؟ ياليت اللي تعرف ترد علي.


اتوقع عادي انا اشوفه فيبعض المشاغل

.............................. .......

سيراميك و بويه لتقريبا مساحة ثلاث غرف: مساحتي اكبر 5 غرف :3 الاف

بناء حمام: انا عندي حمام جاهز ادا قصدك البخار (الحمام المغربي ) الجهاز 6 الف + الباب لازميكون الالمنيوم لان الخشب يتوسع مع البخار
باب حديد مشغول: على حسب حجم البابيعني الكبير مايتعدى 500 ريال
والرخصه التجاريه:675
المرايا: 300 مساحتهاتقريبا متر × مترين زي التسريحة
كرسي القصئ: يختلف على حسب الجودة الصيني 300- الايطالي 1000 وفي انواع في




حدود600 انصح بنوعية جيدة انا اخذت صيني وندمت ( الغالي سعره فيه )

كرسي القص للاطفال280
ترولي (عربة العده): الصيني 90 خذيلون اسود افضل - وفي نوعية افضل نسيت صناعتها 180 ميزته الكفرات كبيرة مايلتف عليهاالشعر
جهاز حمام الزيت اوبخار الشعر : لقيت 2×1 يعني مع بعض بـ300 اذ امانسيت




.............................. ..


ــــ بناء جدار للمحل لان واجهته زجاجيه( علشان مايصير مكشوف الي جوىالمحل)

تقريبا500 حسب مساحته
ــــ باب حديدمشغول
اذا كان حديد مع زجاج بيكون فوق 100 اما حديد لحالهمن 500 الى 700
الا اذا كان صغير بيكون بحدود 400
ــــ افياش الكهرباء كم يسوى الواحد النوعيه الاصليه (لان المشغل يحتاج عدد كبير منها علشان السشوار والاجهزه الثانيه)
اظن 4 ريال والاسلاك المتر بريالين او 4 حسب النوعيه
يعني مساله الافياش والكهربا ماتكلفك فوق 50 ريال
ــــ المرايا (هذا البند مهم بالنسبه لي لاني فعلا ماادري كم تكلفالمرايه الوحده وكم لازم تكون مساحتها؟!)
انا عملت تسريحه اللي تجي كبيره وفيها 3 مرايات كلفتني 2500
وناس عملو مثلها ب5000 حيسب المنجره بس انا انصح بتسريحاتبسيطه وناعمه
تشتريها فرديه ويكون ديكورها ناعم ب200 الى 400 واغلب الصالوناتمركبين مرايه دائريه عاديه وحاطين تحتها رف ومع ذلك معطيه المشغل مظهرحلو
.............................




بس ترى اسعار البويات تختلف على حسب الشركات اذا هي متخصصه في الديكور اولا! اناناويه اجيب عامل عادي مو تبع شركه ولا شي يشتغل لحسابه وصبغته حلوه ويسوي تعتيقوحده قالتلي ان اسعاره رخيصه!

.............................. ..............

... حطي شبكه اطفاء تكلف اكثر من5 الاف ومع المحاولات حطيت انذار وطفايات 5

.............................. ...............

التكاليف على حسب الخدمات اللي بتقدميها بس بنظري الاساسيات في المشغل

المبنىالحلو والديكور البسيط مع لوحه جذابه
عدد غرف كافي
غرفه المكياج وفيها قسمللعروس
غرفه العنايه والحلاوه غرفه خاصه بالشعر
وركن كوفي شوبصغير



..............................


الساعة الآن 02:55 .