صباح الخير حبايبي
بما أن عيد الأضحى المبارك على الأبواب ودي نستفيد من بعض ونتعلم حركات جديدة ..
سؤالي هو :
1 / ماهو استعدادك في ليلة العيد ؟
2 / بعد أن يأتيك خبر مقتل خروف العيد أهئ أهئ ماهي طريقتك في إعداد الفطور والغداء وماهي الأصناف المفضلة في ذلك الوقت ؟
"أسأل الله أن يبلغنا ذلك اليوم العظيم "
هذه الأسئلة موجهه فقط للي مالهم نية يحجون هالسنة مثلي والي بتحج الله يسهل طريقها ويتقبل منها صالح الأعمال ويردها سالمة من كل شر غانمة من كل خير
24-11-1430 هـ, 07:13 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
1 / ماهو استعدادك في ليلة العيد ؟
استعدادي ياحبيبتي رتب البيت ونجهز الحلويات

وطلعلع صواني الضيوف والمعها ,,,,,,بعدين اتفرغ لنفسي اطلعع ملابسي واستشور شعري

من جد انا احب لليله العيد احسها متعه

2/ بعد أن يأتيك خبر مقتل خروف العيد أهئ أهئ ماهي طريقتك في إعداد الفطور والغداء وماهي الأصناف المفضلة في ذلك الوقت ؟

والله ياحبيبتي اذا جانا الخبر ان الخروف فارق الحياه هههههههههههههه على طول نطلع قدور الذبايح

ونستعد للطبخ طبعا حنا نسويه عشاء عادي رز ولحمه مع سلطه وجريش وسلامكتك

حبيبتي ياحلو موضوعك يهبللللللللللللللللللللللللل

اتركك بود
24-11-1430 هـ, 07:43 صباحاً
 
سؤالي هو :
1 / ماهو استعدادك في ليلة العيد ؟

ليله العيد بلعاده اتمم على ملابس الصبح حقات العيد
وبلعاده ما نتكلف فيهم اقصد بس حقات صبح عيد الأضحاء
واشيك على باقي اغراضي حقات بعد العصر
ونجهز الحلويات عشان الصبح بس نحطهم في المجلس
وأخلي الشغاله تقطع بصل كثير عشان في يوم العيد
ما تكون فاضيه

2 / بعد أن يأتيك خبر مقتل خروف العيد أهئ أهئ ماهي طريقتك في إعداد الفطور والغداء وماهي الأصناف المفضلة في ذلك الوقت ؟

اول شي احنا نكون حاضرين هذي العباده العضيمه
لئن الذبح يكون في البيت
بعدين انكون انا وخواتي موزعين الشغل قبله بيوم
وكل وحده عارفه وش بتسوي في يوم العيد
بنسبه لي انا كم عيد يخلون علي الفطور ( القهوه والفطور والشاهي )
واقوم احضر من بدري القهوه هيل وبدون هيل
وأسوي الشاهي ولبصل زي ماقلت يكون مقطع من اليل
بس احمسه واجهزه للكبده ولمن يذبحون ويطلعون الكبده
اخذها وقطعها واحمسه واوديها لهم

الغدا
بلعاد على اختي تسويه
ويكون مكون من رز على لحم من الضحياء وسلطه
والشاهي بعد الغداء

والعشاء
على اختي الثانيه يكون مرق لجم مع لحم ومقلقل وشوي
والباقين مع الوالده يوزعون الحم ويقطعونه


اسئل الله ان يبلغنا العيد واحنا في اتم الصحه والعافيه وفي امن وأمان
( آمين )
24-11-1430 هـ, 09:17 صباحاً
 
صباح الخير حبايبي
بما أن عيد الأضحى المبارك على الأبواب ودي نستفيد من بعض ونتعلم حركات جديدة ..
سؤالي هو :
1 / ماهو استعدادك في ليلة العيد ؟
ترتيب البيت وتبخيره واجهز لبس بناتي لثاني يوم
2 / بعد أن يأتيك خبر مقتل خروف العيد أهئ أهئ ماهي طريقتك في إعداد الفطور والغداء وماهي الأصناف المفضلة في ذلك الوقت ؟
اكيد بنجهز اكياس اللحمه والفطور عندنا اكيد بيكون بده مقلقله
"أسأل الله أن يبلغنا ذلك اليوم العظيم "
هذه الأسئلة موجهه فقط للي مالهم نية يحجون هالسنة مثلي والي بتحج الله يسهل طريقها ويتقبل منها صالح الأعمال ويردها سالمة من كل شر غانمة من كل خير
على فكره انا حجيت العام الماضي واكيد بتنعاد علي ذكريات الحج من احلى ايام حياتي اللي عشتها فتره الحج
24-11-1430 هـ, 10:12 صباحاً
 
كل عام وانتن بخير
اول يوم نتغدى عن حماتي
ثاني يوم عند اهلي
ثالث يوم في المطعم
24-11-1430 هـ, 12:27 مساءً
 


الساعة الآن 10:14 .