السلام عليكم ورحمة الله وبركاته
اخواتي موضوعي مهم مرررررره وخطير وماعرفت وين احطه لكم فحبيت افيدكم ومن كثر مااقرا السيدات يسألون ايش افضل معهد في .... فانا من مكة المهم لا اطول عليكم :
انا حبيت اخذ شهادة كمبيوتر الرخصة الدولية علشان متطلبات الوظائف طبعا وسالت عن المعاهد وناس نصحوني بنيوهورايزن بس اختكم في الله حبت تسوي تغير وليش كل العالم يبون نيوهورايزن لا بادور على غيرة ويوم بجريده عكاظ لقيت اعلان خصومات على الدورات وعلى الرخصة الدولية بالمعهد السعودي للسيدات وكان العرض دورة الرخصة مع انجليزي مستوى واحد مجاني فقدمت على الدورة واول الصدمات قالوا لي لو اكتمل العدد 5 او 6 طالبات خلاص بنفتح الدورة وبدات الدورة والاقي العدد 10 طالبات قلت ماااشي والاقي كل يوم تزيد طالبة اقسم بالله يااخواتي لمدة اسبوع ومازالوا ياخذون الفلوس ويستقبلون العالم وراح عليهم كثير طبعا مابداوا معانا من البداية الى ان وصل العدد 14 طالبة قلنا مافي مشكلة نمشي العدد كبير بس الله يعين والصدمة الثانية الكمبيوترات خربانه ومعطلة وكل اثنين بجهاز قالوا مؤقت اللين نصلحها بكرة قلنا ماااشي والله يعين والصدمة الثالثة لما سجلنا قالوا الاختبارات على كيفك ممكن تختبري بعد ماتخلصي كل الكتب وممكن اختبار بعد كل ماتخلصي كتاب اول باول وخلصنا اول كتاب ورحنا نقدم طلب الاختبار ونتفاجأ مافي بطاقات الاسبوع الجاي وخلصنا ثاني كتاب وطلبنا الاختبار ونتفاجأ الاول فرعنا بالعزيزية وانتم بعد اجازة الحج وقلنا يالله الصبر والصدمات تتوالى معلمات ليس لديهم خبرة خريجات جدد ولا يعرفون يشرحون ولا يفهمون على الاختبار لان انتم عارفين اختبار الرخصة الدولية عالمي من نفس الشركة والتصحيح بالكمبيوتر وللاسف عندنا اختبار تجريبي جربنا مستوانا بالكتابين للاسف عذرا لم تنجح واعلى واحده فينا 65% وين التعليم اللي اتعلمناه كل هذي الاسابيع وو و و و ...الخ والادهى والامر معاملة كانكم اطفال بابتدائي والله من بعض المدربات لديهم والمديرة مو فاضية لكم طول النهار بالجوالات وتاخذكم على قد عقلكم وتسوي اللي براسها
المهم اللي ابيكم تنتبهون منه تنسون تقدمون على دورات بهالمعهد وربي فلوسكم ضايعة بدون فائدة هذي معاناتي وانا للحين ادرس ماانتهيت يعني كلام حديث بتاريخ 12/11/2009 الموافق 24/11/1430
الله يوفق الجميع لما يحب ويرضى :angry:
TAAA @taaa
عضوة جديدة
هذا الموضوع مغلق.
helwa222
•
انا كنت بسجل فيـــــــه بعد الحج بس مااعرف معاهد غيرة هل في افضل منه ياليت في العزيزيه
حسبي الله ونعم الوكيل ..
يعني بالله وين نروح وانا ابي دبلوم وكل وحده
تشتكي من معهد الله المستعان
يعني بالله وين نروح وانا ابي دبلوم وكل وحده
تشتكي من معهد الله المستعان
الصفحة الأخيرة