الجودة ممتازة والاسعار رائعة
يا بنات ماني عارفه الخطاء فين

عندي ملابس راقيه جدا البعض لبسه وحده والبعض لسى جديد مقاسات كبيره يعني هذي المقاسات اللي ما توجد بسهوله بالسوق وعملت لها اعلانات وصورتها ما ادري هل الغلط في التصوير رغم ان كثير من سيدات المجتمع السعودي مقاساتهم كبيره المفروض يكون الاقبال واضح

فكرت بغرفة بمشغل وكمان لقيت مركز لكن كلها جديدة وحرام يضيع جهدي بمكان الاقبال فيه ضعيف
بالاضافة انه ظرف الاجازة قطعني وما احد بينتظرني
ومفكرة اخذ من الناس فساتين وكمان من اخواتي خصوصا اني عارفه انها لبسه وحده وبعدها ما يتكرر غير اني حرصت على غسلها ونظافتها
ونفسي بفكرة محل لكل شئ مستعمل من اكسسوارات شنط وهل تتوقعون بيكون عليها اقبال رغم ان لي علاقات مع طبقات راقيه جدا

بس وين الخطاء هل في التصوير تتوقعون ظلم القطع ا و هل معقول نساء السعوديه كلهم انحفو الله يتم الصحه على الجميع

بصراحه ما وصلت لكتابه الموضوع الا وابي مساعدتكم بكل الافكار الممكنه ولو فيه مراكز معينه ومشاغل عليها رجل اعطوني اسماء وارقام احاول اكلم واستاجر عندهم

وجزاكم الله خير ارفعو الموضوع لو بدعوه
اللهم بارك في رزقي
الله يوفقك في بيعتهم

بالعكس انا اطمنك ان الاقبال بيكون رائع

خصوصا مثل ما تفضلتي وقلتي انها لطبقه راقيه اول شي بعض الناس تقول حرام ادفع على فستان لبسه وحده وبس

وانتي بكذا تعرضين عليهم وانتي تبيعي اعرضي عليها اذا تبي ترجع تبيعه ممكن ترجع لك عشان ما تتراكم عندها الفساتين

وحتى الاكسسوارات لو تركبين كل فستان معاه كم خيار من الاكسسوارات اتوقع راح تكون الفكره ناجحه

بامكانك تغسلينها وتصلحين اي شي فيها عيب وانتي ادرى بالحريم اللي حولك وشكل بنيتهم الجسميه غلفي الفساتين تعرفين فيه البيوت الخاصه بفساتين السهره خلي كل فستان لحال واخذي من الشناط الصغيره اللي بسحاب وحطي فيها الاكسسوار المناسب له واربطيه بشريطه ستن على نفس العلاقيه اللي فيه الفستان وجيبي من الشناط الكبيره اللي تنسحب وفيه شناط نفس حقت السفر بس خاصه بالفساتين والبدل الرسميه عشان ما تتعرفط ممكن تاخذين وحده وتعلقين فيها اكياس الفساتين وعلى كل قطعه سعرها بالاكسسوار و من غير اكسسوار وارسليها لجيرانك او لاهلك وخلي مثلا اي وحده من جاراتك تروح يوم الخميس عند اهلها وعندها حموله تجتمع معاهم قولي برسل معاك الشنطه اعرضيها وحطي كرت فيه رقمك عشان اي وحده تبي تاخذ شي ومستحيه قدام الناس تدق عليك وتطلب الشنطه او تجيك وتاخذ اللي تبيه وان شاء الله انك راح تكوني قاعده حلوه

ولا تسمعين للي يحبطك اعرف وحده كان عندها فساتين سهره مره حلوه وغاليه وعند مصممين وعلى قولتك هي سمينه وكانت مررررررره متضايقه انها ماراح تمشي

وتعرفت على صديقه جديده وهي جالسه تسولف معاها قامت صديقتها تشتكي ان اختها زواجها قريب ولاهي لاقيه بالسوق شي زين طبع الفساتين لها اكثر من 10 سنوات بس تجنن خامه وشغل وعلى فكره كل ما قدم الفستان كل ما كان احسن لان الجديد خامته اصبحت خايسه الا ما ندر وجات اللي اعرفها وقالت يختي عندي فساتين اخاف ما تاخذينها انتي شوفيها يمكن يعجبك منها شي وريها اختك

والله اخذت من عندها ثلاث فساتين استاجرت اثنين واحد اشترته مع انها كانت فاقده الامل انها راح تستفيد منها فبالعكس الاقبال موجود بس انتي اعرضي والله فيه ناس تبي تبي تبي تشتري توكلي على الله والله يوفقك

بالنسبه للايجار انا اشوف لو تشوفين لك محل عنده زحمة حريم اعرضي عندهم خذي ركن ولا تقولين انه مستعمل اعرضي وخلاص العالم والله ما درت وهي تشتري هو مستعمل والا جديد العالم صارت تقش على الفاضي والمليان

اللي تسالك هل هي مستعمله قولي ايه واذا ما سئلوك خلاص اسكتي وباذن واحد احد بتشوفين خير

واعلني عاد بعدين انك تاخذين الفساتين المستعمله والله يوفقك يارب
+++


الحياه فوضى عندي
خلاص ستوب
اكيد التصوير ظلم القطع انا عندي فساتين تجنن ولما صورتها طلعت عاديه او شينة
فالتصوير لازم يكون المصور متخصص ولا بيطلع تشويه
وسام محمد
نيــــــــــراز
كثر الله خيرك دايم افكارك مبدعة ربي ييسر لك كل امورك يارب
عجبتني فكرة انه اعرض عليها انه ممكن ينباع بعد ما تنتهي اذا ما تبي تراكم الفساتين
وفكرة الترتيب
فكرة الشنطة حلوة بس مو كل الناس بترضى تاخذ الشنطة وتعرضها
وياليت الاقى مكان مناسب بسعر مناسب واعرض فيه الفساتنين بإذن الله تمشي لانها جداً مميزة
اللهم بارك في رزقي
الملايين
صادقة اختي التصوير اكيد مهم
اللهم بارك في رزقي


الساعة الآن 11:39 .