السلام عليكم ورحمة الله وبركاته
اولاً
وقبل كل شي احمدالله على ان جعل لنا لسان ذاكر وقلب خاشع يحن لرضاه وملاقاته وهو راضي عنا واصلي واسلم على حبيب الأمه محمد صلى الله وعليه وسلم
ثانيا
لبى قلوبكم>>>> قولي قصم

ثالثا
بعطيكم نبذه مختصره عن وضعي الحالي لأن السابق انتم عارفينه واللي نستني ترجع لملفي وبتتذكرني من خلال الموضوع
مازال الحال كما هو عليه من حال ابوي - خواتي ومعاملتهم معاي ويمكن ان الأمر بيني وبينهم استفحل خاصه بعد ماتخلو عني وانا بعز مرضي وضيقي لكن مااقول
الا بيض الله وجه سود الليالي """""" وسود الله وجه نياتي البيض
والأيام رغم كل صعوبتها اللي مرت علي وانا لحالي وانا اراجع المستشفيات وبغرفة العمليات علمتني ان الدنيا كلها والناس اللي فيها رح يتغيرون حتى اقرب قريب
انا معي مرض اسمه الدرن اللمفاوي وانا الان اتعالج منه وتحت كورس لمدة سنه كامله واسأل الله لي ولك مريضه الشفاء العاجل
كل وقت والثاني ترن بااذني كلمة عمتي لما جاها ابوي بعزة ازمته وطلب مساعدتها له وقال انا اخوك قالت : كلن أخوه مخباه تقصد جيبه يعني فلوسه >>>> صدقت
ادري اني قرقت عليكم كثييييييييييييييييير ومالكم بدوخة الراس
ادخل بالزبده ودي افكر بنفسي واتغير شوي وادخر ساعدوني

انا معلمه وراتبي 7600 تدرون مايجي 7 من الشهر الا وانا اتسلف حتى لما مرضت ماقدرت اعالجج نفسي بااهلي بنات تكفون ساعدوني بقولكم الراتب والالتزامات الثابته
راتبي 7600
قسط 2766
شغالة امي 650
الفان اللي يوديني لقريه مسافة 600 كلم يوميا روحه وجيه 1400
علي دين متسلفه من وحده 5000 والى الان ماسددت
وسلف ثاني من وحده قريبتي 900 >>>> تراه ديوني علشان اهلي
فان اختي ادفع لها 300
وداخله بجمعيه هالشهر بـ 1000 حتى اقدر اسدد ديوني وعددنا 5 يعني بيجيني 4000

واحيانا افكر لو اضغط نفسي بشهرين اقدر اسدد كل هذي وارتاح وفلوس الجمعيه مااسدد بها اوفرها حتى لما اشوف مبلغ اتشجع واجمع عليه
من جد ضايعه ولازم افكر بنفسي خلاص الى متى وانا كذا

حتى عندي ارض افكر ابنيها وماراح اقدر ابنيها الا لما اتعدل من طريقتي هذي من جد تعبت مع نفسي

الديون مقدور عليها بشهرين او 3 اقدر اخلص منها بس العاده السيئه فيني من الصرف كيف تتغير؟

بنات حواء وربي اني ارتحت لما انضميت لكم الله يوفق من اسسه والقائم عليه ومن دخل واشترك فيه وتم فيه بذوقه واحترامه وحبه للخير ويكون عون لاخيه المسلم
ياااااااارب تفرج علي وعليكم مايسر بالي وبالكم ويرضيه عني وعنكم >>>> ماادري متى بتخلص
بس والله من حبيلكم

انتظر ردودكم عساها ماترد لكم دعوه ...
25-11-1430 هـ, 01:31 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا اختي

الله يشفيك ويرزقك من واسع فضله ويغنيك عن الناس

ويسعدك والله تعاطفت مع حالتك ودعيت لك من قلبي

ودي اعرف سالفة خواتك وليش يعاملونك كذا معقوله في قلوب قاسيه للدرجه هذي؟

اكيد انتي بينك وبينهم موقف او شي

ياليت توضحين اكثر

وبالنسبه للدنيا هذا هو الحال مع اغلب الناس

مو يقولون لك الفلوس تغير النفوس

بالنسبه لوضعك انا حاسه فيك والله وانا زيك قاعده افكر اشوف لي شغله او مشروع

يغنيني عن الناس ترا وربي مانافعك احد

واي شي تحتاجينه انا بالخدمه

اذا انتي بالرياض ممكن نتساعد انا وياك ونفكر سوا ونبدا لنا مشرووع حلووو


انتظرررك
25-11-1430 هـ, 01:52 مساءً
 
يادنيتي الله يوفقك يارب
25-11-1430 هـ, 02:31 مساءً
 
ابغى مساعدتكم كيف اتغير واغير من وضعي واستثمر او ادخر اي نصيحه في بالك لاتبخلين بها علي
25-11-1430 هـ, 02:51 مساءً
 
الله يكون بعونك ويفرج همك ويصلح شأنك

يارب
25-11-1430 هـ, 03:11 مساءً
 


الساعة الآن 05:24 .