هلا خواتي أنا من الامارات دار الخير .............والعز .........
و من المتعاملين مع سوق دبي المالي وما عليه كلام .....صح هو في فترة ركود حاليا بس هذا الشي طبيعي في أي سوق السوق ينزل ويصعد بس التوقعات والتحليلات الاقتصادية تبشر بالخير والي يحط فلوسه في ارض الخير أرض الامارات لا شك رابح

تعالو انشوف سوق الامارات وانجازاتة وهل يستحق الاستمرار في هذا السوق ام الخروج منه


تعالو انشوف لو أي وحده منكن دخلت في اي من هذي الاسهم كم يا ترى بتكون ارباحها

سهم اعمار سعرة في بداية هذا الشهر 5.53 تقريبآ ارتفع حتى. 5.81 اللى اشترى السهم حقق حتى اليوم ربح 5.5% في 16 يوم

في ال3 شهور الاخيرة ارتفع اعمار من35 حتى 60 درهم اللى اشترى السهم حقق 73%ارباح

من 5 اشهر كان سعر اعمار 25 ارتفع حتى 60 اللى اشترى السهم حقق ارباح 140% يعني ضاعف راس ماله بمقدار مرة ونص في 5 اشهر

سهم املاك في بداية هذا الشهر 2.76 ارتفع حتى 2.81 اللى اشترى السهم ربح 2 % ثم رجع السهم ي سعرة اليوم 2.76

في ال3 اشهر الاخيرة ارتفع السهم من 2.3 الي 3.02 اللى اشترى حقق 27% ارباح

من 5 اشهر ادرج السهم في البورصة في 21 /3/2004 وفتح السهم على 2.45 ونزل حتى 1.68 في يومين وبدا يرتفع من 1.68 حتى 3.02 اللى اشترى حقق نسبة ارباح 80% هذا بدون احتساب الاشخاص اللى دخلو من الاكتتاب

تعالو انشوف سهم شعاع

سهم شعاع في بداية هذا الشهر 4 دراهم ارتفع حتى 4.80 اللى اشترى السهم حقق 20% ارباح

سعره اليوم 4.51 اللى اشترى حقق 13 % ارباح

في ال3 اشهر الاخيرة ارتفع السهم من 3.68 الي 4.80 اللى اشترى حقق 31% ارباح

سعرة اليوم 4.51 اللى ماسك السهم حقق 22% ارباح

من 5 اشهر كان سعر شعاع 3.15 ارتفع الى 4.80 اللى اشترى حقق 53% ارباح

سعرة اليوم 4.51 اللى ماسك السهم حقق 43 % ارباح

كل الاسهم المدرجة في سوق الامارات تعتبر امثلة حية على انتعاش
كل التقارير اتأكد على مواصلة هذا الارتفاع

هذا السوق 6 اشهر وهو في صعود مستمر
ولما بدا ينزل اشوي اطلقنا عليه المدافع ... حراام عليكم

وشي مهم للأخوات وهو عدد سكان الامارات مقارنة بعدد سكان السعودية مثلا أو الكويت بالإضافة إلى عمر السوق....سوقنا جديد

واللي تبا مواقع تتكلم عن الأسهم الامراتية تراسلني على الخاص فيه العديد من المنتديات اللي تتكلم عن الاسهم الاماراتية واللي ممكن تستفدين من المعلومات المطروحه فيها
وبصراحه يا خواتي لازم شوي نهتم بالاستثمارر في بلادنا عشان نرفع اسم البلاد واقتصادها وعشان انطور في ابلادنا اللي ما قصرت فينا ...وأنا مستعده اشرحلكم عن الاسهم والطريقة اللي تدشين فيها السوق وتتعاملين مع الأسهم وبصراحة الاسهم هي الطريق السريع لاستثمار اموالك .....
حطي المواقع على العام عشان الكل يستفيد
مشكوره يا المزيونه على المواقع المفيده جدا


و مثل ما شفتوا يا بنات كيف سوق الاسهم في الامارات رد مره ثانيه و عليه اقبال كبير

من كان يتوقع ان سهم اعمار بيرتفع فوق 7 دراهم ؟؟

امس وصل 7,65 و أكثر

وقبل شهرين بس كان 5,60 ... يعني ارتفه بنسبه عاااااااااليه جدا

و بالتوفيق للجميع


الساعة الآن 09:49 .