Analysis Services
19-06-1425 هـ, 11:08 مساءً
 
أم أسما
جزاك الله الف خير على المرور وانشاء الله تحصلين وحده مثلها توفر عليك الوقت

marigold
هلا بك اختي
اذا ماتلف زين فهذا معناه انك ماتسحبين اليد مال الالة بسرعة واحيانا يكون السبب انك ما حطيتى ورق العنب حسب المقاسات المحددة يعني تغيرين حسب حجم ورقة العنب ولازم تنزلين الجانبين مال الورقة لودققتي في الصور الاخيرة بتلاحظين ان الجوانب مثنية للداخل
meroo
حياك الله اختي الورق الكبير هو احسن شي يطلع باللف على عكس الصغير
وانا اشتريت اول وحدة نزلت من هذى الاله صار معي نفس الشي بس السنه اللي فاتت رحت المعرض وحصلتها معروضة وطلبت من صاحب العرض اني الف الورق امامه حتى اعرف الطريقة الصحيحة وبالفعل طلعت سهلة
عايشة في قلب زوجي
مشكورة اختي على المرور
بنت دبي
تسلمين على الوردة
ام فزاع
20-06-1425 هـ, 12:48 صباحاً
 
تسلمين أختي أم فزاع...

بصراحة تشكري على مجهودك الرائع...

أول مرة أعرف إنه هذه الآلة موجودة في الإمارات...بحاول أدور عليها و ألاقيها إن شاء الله في أبوظبي...

20-06-1425 هـ, 12:21 مساءً
 
يعطيج العافيه اختي
وبسال عن نوع الكاميرا اللي صورتي فيها لان ماشالله التصوير صافي
وهل صورتي ونقلتي مباشره للكمبيوتر والا صورتي عادي وسويتي سكانر ؟

بالنسبه للاله انا شريتها من زماااااااان وكانت اول اله نزلت وهي عيبها انها تاخذ كمية حشوه شويه وبالتالي بتضطرين تكثرين ورق العنب واذكر الحشوه اللي كنت الف فيها علبه كامله لفيت فيها علبتين ويوم كليته ماله طعم لان الحشوه فيه شويه
وانكسر ظهري من العوار يمكن لاني ماكنت رافعه الاله على طاوله وكنت الفه على الارض
بس يمكن الحين تغيرت الاله ,, وهي موجوده باسعار رخيصه في الاسواق الشعبيه
بس بصراحه انا عندي لف الايد احسن لان الاله يبيلها تركيز ودقه وحوسه

بالنسبه لورق العنب استغربت يوم قلتي تسلقينه !!
لاني استخدم العلالي ولا اسلقه ولا حتى اسلق اي نوع
بس ليش قاطعتي العلالي شنو فيه ؟
جربي ماركه crystal اعتقد تنكتب جذي ارخص واكثر من العلالي واصلا ماتحتاج سلق اللهم اني اغسله وانقعه شوي ومرات ماانقعه
بالنسبه للرز المصري انا انقعه نص ساعه تقريبا عشان النشا ينزل ومايصير معجن اذا انطبخ

ياليت تجربين طريقتي في ورق العنب سويلها بحث لذيذه حيل واذا مالقيتيها قوليلي انا اطلعها
بس دوريها باسمي القديم " لاتنسو اسرانا "

حياج
20-06-1425 هـ, 04:14 مساءً
 
هلا اختي مبروكة
وانشاء الله تحصلين الالة

تسلمين باتونيا وانشاء الله بدور على الطريقة وبجربها وبالنسبة لنوع الكميرا فهي sony cyber shot digital يتم التحميل الى الكمبيوتر مباشرة

أم فزاع
21-06-1425 هـ, 12:34 صباحاً
 


الساعة الآن 10:49 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏