Analysis Services
  • «
  • <
  • 1
  • 2
  • 3
  • 4
  • >
  • »
يا قمورة يا امورة يا وسام ............. شفتي هذا جزاء اللي ما تتعلم <<<< طيب اقلبي وجهك


والله امزح معاك .... وسعي صدرك ولا يضيق .. بس المشكلة انا ما ادري انتي تبين تسوين بوفيه خفايف والا عشى رسمي على شكل بوفيه .... ها يا الغالية لانه في فرق ... في بوفيه يجي فيه الف نوع بس تقريبا اغلبه مقبلات وما في شي ثقيل ... وفي عشى يكون شكله مثل البوفيه من انواع ... ما ادري اش اللي تبينه بالضبط ...


انا بقولك على اللي عندي حسب تجربتي ..... والله يوفقك ...
بس اول انبهك على شي ضرووووووووووووووووووووووووووووووووووري
وهو : البوفيه اهم عامل فيها والشي الرئيسي هو الشكل ... يعني اهم شي يكون شكل الطبخ والتقديم والصحون وطريقة صف الاكل والتنظيم ظريف ومرتب وحلو ... والا مهما طبختي ومهما سويتي بكون عشى رسمي لا اكثر والا اقل ...فخلي في بالك خفة اليد والترتيب والدقة في التقطيع واللف والتغطية .. الخ ..

العدد بعد والله كبير الله يكون بعونك ...

بالنسبة لي اهم شي في البوفيه الفطاير والمعجنات احسها ترفع الراس خخخخخخ ... وانا هاليومين طايحة في هالطريقة ومريحتني وترزني وااااااااااجد .... شكل الطبق يطلع مثل الصحن اللي من القصيم بـ100 ريال الله يقصمهم ... المهم
تسوين عجينتك المضمونة من ناحية الهشاشة والطراوة ... بس تسوينها لخمس مقادير....
اذا تخمرت تقسمينها الى خمس اقسام :
القسم الاول : لحم بالعجين اللي يجيك على شكل مربعات ( ترقين العجينة وتقطعينها دوائر وبعدين تقرصينها من جوانبها حتى تصير على شكر مربع له زوايا ثم تحطين في وسطها اللحم ) استخدم للتقطيع كاس اكبر بشوي من كاس جبن البوك ... لا تقولين صغير ... لانه مجموعة الفطاير بعدين بكون شكلها ظرييييييييييييييف ويهبببببببببببببببل وهي مجموعة صغنونوة ... ياربي
القسم الثاني : فطاير جين ( بكاس البوك تقطعين العجينة دوائر وتحطين جبن مالح سادة وتطبقين العجينة على بعضها بهدوء) تتفتح اشوي بعد الطبخ ويطلع شكلها يجنن ...
القسم الثالث : بيتزا ( بكاس بوك ) ...
القسم الرابع : سويسرول الزعتر ...(حجم صغييييير )
القسم الخامس : فطائر اللبنة .... (نفس الكأس المستخدم في فطائر اللحم ) بس اذا قطعتيها دوائر تسوين كل دائرة على شكل ورقة ( ورقة شجر) عاد ما ادري كيف اوصف لك ..ابرمي نصها وبعدين ابرمي النص الثاني باتجاه مخالف ... بس لا تحشينها باللبنة ... حطيها في الفرن وهي مجرد عجينة مقطعة ومبرومة ... واذا نضجت يمكن تيبس عندك من الحرارة... على طول تاخذينها وهي حارة وتغسلينها بماي ( لا تضحكين ) وتحطينها في فوطة رطبة وتخلينها في حافظة في مكان دافي.... وبعد ساعة بتشوفينها طرييييييييييية ... تحطين عليها طبقة اللبنة وترشينها بالنعناع ..

قبل لا تخلصين من القسم الرابع تسوين عجينة السبانخ الخاصة فيها ( حتى تتخمر طول ما انتي تخلصين العجينة اللي في يدك ) ... لان السبانخ بتطلع احلى بعجينتها و الكاس المستخدم في التقطيع اما كاس بوك واما كاس المستخدم في عجينة اللحم بالعجين ...

الطريقة صراحة متعببببببببببببببببة بس اذا خلصتيهم وخليتهيم في صحن كبيييييييييييييييييير ..ياي على الشكل الهبال ....تطلعين فناااااااااااااااااااانة ....

تقدرين تسوين كروسان او مجدولة ( بيني وبينك ما اسويه مع هالمجموعة ) احسه الناس ملت منه وهو مرتز في كل مكان بالمخابز والبقالات ...
طيب خلصنا المعجنات ....

المقبلات :
1 ) مجموعة سلطات ( اذا تبينها بوفيه خفايف )
انصحك بسلطة الحمص ... هذي لازم الضيوف يخلصونها في عزايمي ... لا انا ولا زوجي نذوقها خخخخخخخخ بس بجد لانها غريبة وخفيفة دم ..... سوي تبولة و حطي تحتها خس ( للشكل )
وبعد سلطة المايونز شكلها حلو مع الوانها ..... ( سطلة حمص + تبولة + سلطة مايونز او سلطة روسية = الشكل بس كشخة )
2)مسبحة باللحم المفروم
3 )بابا غنوج
4) متبل

5 )كبة الخبز باللحم المفروم ...
6) كروكيت الدجاج ..... شكله خفيف دم ...

الاطباق الـ( ثقيلة )
1 ) اسكلوب الدجاج .. هذا كنز بوفيتك .... ما اقدر اوصفه بشي ... شكله بس مغرييييييييييييييييييي ... واذا كان كمية كبيرة ...انتي بتنبهرين في نفسك ...
2) شورما لحم بخبز (صنع بيتي الشورما والخبز ................................................................................... هنيا للي بياكلها
3) محشي ملفوف بالرز والاوراق الخضراء ( كزبرة/ شبنث/ بقدونس...... ) حلو ومو منتشر مثل محشي الكوسا و الباذنجان ...
4) كبة البرغل ( لا تقولين قديمة ) ترى اذا كانت مضبوطة ونكهة الكمون بينة فيها وشكلها مرتب ...صراحة لا يعلى عليها .... واذا تبين تغيرين خليها كبة صينية اسهل واسرع ... وحتى يبين طعمها وتكون خيالية لا تنسين تسوين سلطة الزبادي بالخيار ..
5) البشاميل ..اذا كنتي من النساء ( القلائل خخخخخخخخخ ) اللي تضبط معاهم البشاميل فسويها بدون اي تردد ... صراحة البشاميل طبق مميز وخاصة ان الكثييييييييير من الجنس الناعم ما يضبطها .. قطعيها مربعات صغيرة بحيث انها ما تشبع .. لان البشميل ثقيلة واذا اكل الشخص منها واجد اولا يشبع ولا ياكل شي معاها ثانيا مع الاكل فيها تصير عااااااادية ( حسب التجربة )



الحلويات :

ملاحظة الافضل انك في العشى والا في البوفيه تسوين حلى ما يتأثر بتركه مدة ... يعني مثلا الحلى البارد بعد عشر دقائق بالكثير ( في جونا الحار ) ثلث ساعة بيفتر ويكون حار ويسيل .. وبالتالي يخرب وحتى لو كنتي تعبانة عليه او كان لذيذ بالحرارة يكون باهت وبايخ ... وطلعين مو شاطرة ..

1 ) صراحة السينبون شي ....هذا السينبون اذا ضبطيته بموتون معازيمك ( اسم الله عليهم ) وهم ياكلون فيه ...
2 ) حلو التمر ( مائدتك من منتجاتنا ج3 ) احلى ما فيه انه لو يبقى الف ساعة على السفرة ما يخترب ومع القهوة او العصير البارد جنان ..
3) سيدة الحلويات ... كيكة الجوز المحمص ( خفايف ) .. اذا اتقنتيها .... امممممممممممممممممم
4 ) كيكة القشطة بالقرفة ...صح هي من زمان بس صراحة هشششششششششة ولذيذة
5) حلاوة الزبدة باللوز ( خفايف ) تذوب في الفم ...
6) كيكة جوز الهند بالتمر ..... اذا قطعتيها مستطيلات وحطتيها في القرطاس الخاص بالحويات يصير شكلها مثل البقلاوة .....

تدرين انا ما احب اوصف لانه صراحة الاذواق تختلف من شخص لثاني بس هذا الوصف اللي كاتبته لك فوق حاصل عزوماتي ...






يا ربي ما ادري اش تبين بالضبط فحاولت احصر والخص الي عندي ... اذا تبين بعد في مقبلات و حلويات واطباق رئيسية ...بس قولي ....
واذا تبين اي طريقة بعد من اللي ذكرته انا في الخدمة ...................... واحب اذكرك ان التقديم كل نوع في صحن واحد كبير يعطي شكل انيييييييييق للسفرة وفخامة ....
والله الحبايب هنا ما يقصرون بس يمكن متعقدين مثلي ... ... احيانا تكتبين وتنصحين وتعطين المشورة بس الاخت الله يهداها خلاص تاخذ اللي تبي ولا حتى ترد بكلمة تسر الخاطر ... لا والله ما نبي جزا بس بعد الكلمة الحلوة تبرد القلب وتكون دافع ان الواحد يشارك وينصح ....لا تلومينهم...انا بعد بغيت اطلع من الموضوع ...بس والله كسرتي خاطري ... ما اقدر اقاوم وحدة متورطة بعزايم <<<<< عاشية الحالة
والله يوفقك
05-06-1425 هـ, 02:42 مساءً
 
ماشاء الله ام غزيزان و خيااالية ما خلوا شيء الا وذكروه كفوا ووفوا

بس احب اضيف
دايما قسمي عزيمتك الى مقبلات و وجبه رئيسيه و مشروبات وحلوايات انا هيك بعمل بكتبهم على ورقه تحت بعض وببداء اكتب جنب كل اسم الاطباق المناسبه للعزومه وهيب ما بتحتاري او بتنسي شو كنتي ناويه تعملي
مثلا اعملي
المقبلات : تبوله - ورق عنب بالزيت - حمص او متبل باذنجان - سندويشات دجاج الاصفر بخبز فرنسي صغير - معجنات - سفيحه(لحمه بعجين) - كبه مقليه - ساندوتشات توست محشيه جبنه مع مرتديلا او ذبده الفستق مع الجزر المبروش - سلطات ( معكرونه بالتونه والمايونيز - معكرونه بالزيتون - اي نوع بترغبيه ) - سبرنغ رولز الدجاج - - قريدس مقلي - ناقدز دجاج - بيتزا دوائر صغيره

الوجبه الرئسيه : اعملي رز ابيض كثير بيرغبوه بالعزايم وعليه قطع الدجاج او اللحم ومزين باللوز والصنوبر المقلي وجنبه اليخنات التاليه ممكن تلغي منها او تزيدي عليها
مثل ( اكل صيني بالدجاج - اكل صيني بالخضار مخلط مه المعكرونه الخاصه - لبن امه(شاكريه) - ملوخيه ناعمه او ورق - باميه .... الخ) اما الصواني ( صنيه كفته وبطاطا - بفتيك وبطاطا - لازانيا بصلصه كبده الدجاج او العاديه - مسقعه باذنجان - معكرونه بالباشاميل - قرنبيط بالباشاميل - بيبي مسخن او مسخن العادي -

المشروبات : العصير الي بتحبوه مع الاكل برتقال - تفاح ......الخ - شاي وقهوه مع الحلوايات

الحلوايات :مهم تحطي فاكهه وبترتبيها بطريقه حلوه وجنبها الحلوايات صفوف - بسبوسه - حلاوه السميد او مهلبيه - فيونكات السميد لكن انابعملها على شكل كرات اسرع واسهل - سلطه فواكه - زنود الست - شعيبيات - كيكه على زوقك لسى مبارح مجربه كيكه بالكاكاو للاخت قمر تاج وطلعت رهيبه
وهني طالعين قدمي حبات شوكلاته مغلفه بسله او بصحن زجاجي كبير مرتب

اما بالبوفيه اذا الصحون ملونه افرشي الطاوله مفرش ابيض اما اذا كانت صحونك بيضاء حطي الشرشف لون ثاني كحلي او زيتي او زهري غامق (بطيخي ) ساده حسب عفشك والان رتبي الصحون الصغيره والكبيره والملاعق والشوك والسكاكين في مقدمه البوفيه وبعدين جنبهم ابدي حطي الوجبات الرئيسيه والمقبلات بشكل مرتب وياريت الالاواني الي راح تستعمليها تكون متشابه يعني اوعيه وصواني تكون مثل بعض لون ابيض ساده او ستانستيل ساده بزيد من جمال طاولتك والان جنبهم الفواكه والحلوايات والافضل انك تحطيهم بطاوله لحالهم ومعهم العصير وكاسات العصير والصحون الصغيره والشوك او انك خليهم جنب الوجبات والمقبلات بس خلي الفاصل بينهم الكاسات والصحون الصغيره والشوك وبأخر البوفيه خطي دلات القهوه والفناجينها وصحونها والشاي وفناجينه بطريقه حلوه وصحن تمر مرتب حتى لو ما اكلوا منه بس له جماله جنب القهوه وفناجينها
والان زيني الفراغات بين الاطباق والصواني بمزهريات صغيره وكل وحده فيها ورده وحده وبمناديل ورقيه اعمليها شكل مثلثات (حطي مثلا وحده من لون الشرشف و وحده من لون الصحون بتعطي رونق )

وانشاء الله اذا تذكرت كمان اشياء بكتبلك
05-06-1425 هـ, 05:41 مساءً
 
يوه يوه يوه
عسى الله لايخليني ويحرمني من ذا الأنامل اللي خطت والعقول اللي فكرت عسى الله يكملها بزينة التقوى والسداد والرشاد
أم عزيزان منوره موضوعي والله لي الشرف
خياليه صدقتي يوم أخترتي ذا الأسم فعلآ خياليه أسم على مسمى
Em Tamer
المبدعه بحق وحقيقي
دعيت لكم مع كل حرف قريته
وتروني أنبهرت وجلست أذكر الله لين خلص قراية الردود
بس تروني ما فهمت كل شيء
من فرحتي وحماسي قلت خلوني أعبر عن شكري وأمتناني
ومعليش برد أسئلكم عن أشياء كثيره بس بعد ما ارتب أفكاري وأشوف أمكانيتي
وش اللي ممكن أسويه ويضبط معي أهم شيء
أدعوا لي تكفون ربي يعدي ذي العزيمه على خير
وتروني ما كنت أدري وش اللي ابي اسويه
بس الحين أعتقد اني حطيت رجلي على أول الطريق
05-06-1425 هـ, 07:00 مساءً
 
في فكره وايد حلوه لتقديم العصائر

هو ان تاخذي كذا شكل من الكوؤس مثلا طويل او قصير او عريض وتنوعين فيه العصائر مثل المنجى والفراوله والليمون بالنعناع والجوافه وغيره

يعني كل شكل كاس له عصير

راح تصير مجموعة الكؤوس شكلها راقي ومميز واشكالها عديده بدل التقيد بشكل واحد من الكؤوس



06-06-1425 هـ, 01:33 صباحاً
 
الوسام @@@@
مشكوره اختي الغاليه على الكلام الاكثر من رائع
08-06-1425 هـ, 07:13 صباحاً
 


الساعة الآن 02:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏