السلام عليكم حبيبات قلبي
خلوني أعلمكم وش قررت أسوي وتشيرون على
بكتب كل اللي في بالي ويضبط معي وطبعآ ما راح أسويه كله ودي تعلمون وش الأشياء اللي تكون متناسبه مع بعض
1- قررت أسوي معجنات مشكله مثل ما قالت خياليه وارصها بنفس الطريقه
عندي عجينة العشر الدقايق أخذتها من المنتدى
اذا ممكن خياليه تعطيني طريقتك في العجينه أكون ممتنه
2- محشي ورق عنب ومحشي كرنب

3- أرز بس مدري وش أسوي من رز
عندي طريقة أرز أيراني ويضبط معي بالمره ولذيد ويبيض الوجه بس مدري أسويه والا أسوي أرز أبيض أفضل مثل ما قالت أختي أم تامر
4- اللحوم بسوي شيش طاووق دجاج وكباب وقطع دجاج بدون عظم (( نقتز ))
5- المرق والخضار بسوي
كاري & صينية خضار أخذتها من المنتدى عباره عن خضار مقلي وعليه لحم مفروم
ونغطيه بقشطه وجبنه سايله أكيد تعرفونها
وأيش بعد ياربي
مدري
السلطات (( سلطه روسيه & تبوله & وأيش بعد مدري ))
الطاوله عندي بنيه 6 كراسي وعندي مفرش ذهبي فخم بس مدري يناسب الصواني حقتي والا لا (( استيل وفضيات ))
والدلال والفناجين كلها فضيات
عندي طاوله صغيره في المطبخ بحط عليها الحلو اللي للحين مدري وشهو
هاه وش رايكم
ذا اللي عزمت عليه للحين
الشربه مدري لها خانه والا لا ؟؟؟؟
10-06-1425 هـ, 05:21 صباحاً
 
عندي حل سهل

انتوا ما عندكم حريم يسوون بوفيهات ؟؟؟؟؟؟؟؟؟؟؟؟ شغل بيت يعني
احنا بصراحة عندنا ==== ومريحينا يوصلون للبيت بعد
مع الفلبينيات والطاولات والمفارش ومواعين التقديم
ويزينون الطاوله بورد طبيعي بعد
كم طبق منهم
وكم طبق نسويه في البيت
وكم طبق من الماما
ووكم طبق من الخوات
وتخلص السالفة
10-06-1425 هـ, 06:09 صباحاً
 
يا بعد روحي قطعتي قلبي والله ...

عاد انتي بعد لا تحاتين ترى تورطين اكثر... اذكر انا اول زواجي كل ما تحسست اكثر تبهدلت اكثر وتلفت اعصابي ... انتي سمي بالله وهدئي نفسك وانشاء الله ما يصير الا كل خير ...

بالنسبة للاطباق فاذا انتي كنتي ضابطة شي ويطلع من ايديك حلو ولذيذ فالافضل انك تسوينه ما دام انتي ضامنته ...

الله يساعدك بس اذا معازيمك 13 صديقة فالاطباق مو قليلة بس لو تحطين بعد كم طبق مقبلات او خفايف يكون افضل .. لان الاطباق تكون واضحة في الاعداد الكبيرة ...

كل اللي قلتيه طيب وحلو خاصة اذا مثل ما قلت لك ضاااااااااااااااااااامنته ...

العجينة اللي اسويها ... والله فشلة ... بدون مقادير ... يعني انا ازيد وانقص فيها حسب حاجتي وحسب رغبتي في مقدار طراوتها او تماسكها ... بس هذي تقريبا ( 4كاس طحين + اقل من ربع كاس زيت + 4 ملاعق كبيرة روب + 4 ملاعق كبيرة حليب بودرة +2ملعقة كبيرة خميرة فورية + 3ملاعق وسط + ملعقة صغيرة ملح + ماء للعجن حتى تكون عندك عجينة متماسكة وطيعية ... بس ولاني الاحظ التشكيل فاحاول انها تكون جامدة اشوي حتى ما تسيح في التشكيل .........لان المعجنات مثل ما انتي عارفة تنتفخ اثناء الطبخ واذا كانت العجينة لينة يروح كل اثر للتشكيل ) للمعلومية >> احط الروب مع حليب البودر الاول للليونة و الثاني للهشاشة ...

بالنسبة للشوربة فانتي وحسب ذوقك وحسب ما تعرفين من طبع صديقاتك وتقاليدكم .... يعني في ناس لازم الشوربة تكون على سفرتهم وفي ناس لا بس في الشتاء والا في الصيف ما يسوون .... انتي شوفي الانسب ...


بالنسبة للمفرش احس الذهبي يصلح مع الفضي .... حلو ..خاصة اذا مثل ما قلتي فخم وعليه اواني فضية .... اتصوره انيييييييييييييييييييييق


الله يوفقك وبسك حيرة ودوخة




صج ... تسلمين على كلامك الحو ...كله من ذوقك
10-06-1425 هـ, 10:21 صباحاً
 
حبيبتي الوسام ...

انا داخلة عرض بس ابغي اعرف طريقة الرز الايراني اذا ممكن
11-06-1425 هـ, 09:58 صباحاً
 
السلام عليكم ورحمة الله
حبيبتي خياليه يا بعد عمري كني أشوفك وأنتي تهونين على
وكنك شايفتني وشايفه حوستي
بغيت أسئلك عسى الله يوفقك ويهون عليك كل عسير
كتبتي لي في مقادير عجينك
(( .............. +2ملعقة كبيرة خميرة فورية + 3ملاعق وسط )) 3 ملاعق وسط أيش ؟؟؟؟؟؟؟

حساسه كان زين لو عندنا حريم يسوون اكل في البيوت ونشري منهم والله كان فكوني من ذا الهم والبلشه
ياسمينه
أبشري ومن عيوني الثنتين بس اصبري لي لين أخلص من حوستي ذي وأكتب لك طريقة الرز الأيراني
دعواتك
11-06-1425 هـ, 06:08 مساءً
 


الساعة الآن 04:33 .