Analysis Services
يا بنات ما يبط كبدك الا الحرمة اللي تدخل على السماط وتصف بزرانها جنبها مع الحريم ..
وتشوف حريم يجون مالهم مكان وهي ساكتة كأن الأمر ما يعنيها .. والقهر انك تكونين حاطة على جنب سماط ثاني للصغار ..
يعني المفروض تغرف لعيالها وتقومهم على السماط الثاني مثل عيال خلق الله !!
وش أكثر من كذا مراعاة لها هي ومبزرتها !

بس وش تقولون في قلة الذوق والطمالة اللي مالها حل !


وهالنوعية تقول وش أسوي .. وين أحط عيالي .. ما أقدر أخليهم مع الشغالة ..
لكن اذا بتروح للسوق تقدر !

أكره أعزم هالنوعية .. مو عشان عفسة عيالهم كثر ما هو عشانهم هم واحساسي انهم ما يستاهلون التقدير لقلة ذوقهم .
29-11-1430 هـ, 01:07 صباحاً
 
ياربي تحفظ اخواتي في حواء والي ردوو علي وتوفقهم ...

مشكورين على الحلووول ...بصرااحة ضحكت من قلب على ردودكم ..كانكم تتكلموو عني والله ..

بس وش نقوووول غير الله يهديهم ويعقلهم

وشكلي بعزم باسترااحة وارتاح هع
30-11-1430 هـ, 02:30 صباحاً
 
اختي مافيه الا انك تفرشين لسفره وتحطي فيها حلويات والعاب تركيبات وخرابيط من ابو ريالين وسيارات وعسااهم يلتهون فيها


والا حطي لهم حبوب منومه بالعصير .........تفكير اجرامي ....امزح
30-11-1430 هـ, 03:32 صباحاً
 
انا ضد فكرة : ممنوع اصطحاب الاطفال

هؤلاء اطفالنا و ابناءنا
وين نحطهم ؟؟؟
و بعدين ماذا تفعل الي ما عندها شخص تثق به لتترك الاطفال عنده !!!!


والله نفس المشكلة كلنا نعاني منها
اليوم مثلا كان عندي عزومة بسيطة
كلهم اهل
بس ما شاء الله 10 اطفال
مع ان هناك العاب مختلفة و برامج و اكل ووو
لكن لم نرتاح منهم

بعدين الحياة ما تحلى الا بيهم
والله كأنهم فراشات او عصافير يدورون حولنا <<< نقنع نفسنا

ربي يحفظهم جميعا و يهديهم و يسعدهم دنيا و اخرة


متابعة معكم
علنا نجد حلا
30-11-1430 هـ, 03:44 صباحاً
 
اقتباس مشاركة  (افراح عمري)
اختي مافيه الا انك تفرشين لسفره وتحطي فيها حلويات والعاب تركيبات وخرابيط من ابو ريالين وسيارات وعسااهم يلتهون فيها


والا حطي لهم حبوب منومه بالعصير .........تفكير اجرامي ....امزح

بالنسبة للابعاب و الاكل ما يفيد
يعني يمكن تنفع مدة ساعة او ساعة و نص
و بعدها يقومون


اما الحبة المنومة
والله زوج صديقتي كان يشتري من الصيدلية بعد ان يستشير الصيدلاني ..و يعطي لاطفاله بمجرد صعودهم للطائرة خاصة ان كانت الرحلة تتجاوز الثلاث ساعات
30-11-1430 هـ, 03:46 صباحاً
 


الساعة الآن 07:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏