السلام عليكم


هلا بنات شخباركم ؟


تعرفون انه طبخات وايده الرز فيها ما يكون مسلوق ، نكون نحطه في ماي يغطي عليه ويخليه ينشف على راحته ..

عاد آنه هاي عقدتي في طبخ الرز ,, قمت اجرب واجرب واجرب لين ما ضبط معاي مقدار كوب ونص ماي لكل كوب رز ..

بس هاليومين قام يصير لي عجين شوي وحسسني بالفشل الصراحة

يمكن لانه اختلفت حبة الرز بس هاي ثاني مرة في هالاسبوع اسوي رز مرة مندى واليوم كبسة المندي بنفس المقدار تقريبا المندي لكوبين وربع رز حطيت تقريبا ثلاثة اكواب ونصف مااي وصار شوي يبي له ينقس الماي موب وايد ، بس اليوم صار لي الرز عجين .

بنات عطوني مقدار مضبوظ للماي مع الرز ، ما ابغي انحرج من طبخي

بس لا تقولوا لي بمقدار اصبعين او 2 سم او 1 ما اضبطها قولوا لي بالضبط كل كوب رز كم كوب ماي احط ..

ملاحظة آنه اخلي بالبداية الرز لحد ما يغلي بعدها انزل على النار هادية مرة واخليه تقريبا نص ساعته براحته لحد ما يستوي .

شسوي ؟؟

بكرة غذانا ان شاء الله فيه هالحوسة ومن الحين احس ياني احباط لا اخربه

ما ادري على هذرتي ذي كلها لازم عرفتوا اني مبتدئة في الطبخ بس مضطرة زوجي ما يبي اكل بره ابدا

وآنه بعد ما احبه ويالسة اجرب فيه .

اي وصح


بنااات عندي صلصلة ستيك
وصلصة الرانش
والصلصة الفرنسية
وصلصة hp
وصلصة الباستا


وكلهم منقعين عندي ما اعرف شسوي فيهم اقترحوا لي بليززز


واللي عندها اي طبخة حلوة مضمونة وسهلة او حتى لو عسرة بس مضمونة من اطباق الرز الغذا ياريت تلحقني فيها



اختكم في الله متوهقة ما ابي كل يوم اوكله نفس الطبخات بس اغير الايدام بتحوم كبده مع اني يعني للامانة اعرف اطبخ تقريبا سبعة انواع رز معتمدة عندي ، اسعفوني بأشياء غير .



سلامي لبنات حواء

لا تردوني ..


ابي اصير محترفة طبخ وع ايدينكم ان شاء الله ،، علموني ..
28-11-1430 هـ, 09:59 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي على حسب نوع الرز انا عن نفسي استخدم الشعلان ممتاز تنقعيه من ربع الى نصف ساعه ولكل كاسة رز كاسه وربع ماء ويكون في البدايه النر عاليه ولمن تبدء تنشف مويته وطي النار على الاخر كانها راح تنطفي واتركيه على راحته لحد الاستواء.
28-11-1430 هـ, 10:53 مساءً
 
حبيبتي انا اقولك عن خبررررررررررررره ~~~اذا كان تاريخ الرز المكتوب على الكيس جديد خففي قللي الماء..اما اذا كان اكثر من سنتين يشرب ماء اكثر وهو الافضل ..لان القديم واطول حبه وينفش وعليك برز الوليمه ولا باب الهند...........موفقه,,,,,,دعواتك
28-11-1430 هـ, 11:50 مساءً
 
آب لعيونك
29-11-1430 هـ, 12:09 صباحاً
 
يمكن على حسب نوعية الرز .. او تاريخ انتاجه .
29-11-1430 هـ, 01:15 صباحاً
 


الساعة الآن 02:02 .