فيلا من سنه وشهرين ماتنظفت ممكن تنظفين معنا

الله يوصلها بسلااامه ان شاء الله

ومايحتاج نعطي قواعد واساسيات في التنظيف لأنامل نااعمه ماشاء الله عليك انتي الخير والبركه ههههه

ان شاء الله البنات يفيدونك

الخفوق يسلموووووووو ياعنوني
الله لايحرمني منك
كلامك اسعدني في عز ضيقتي

الله يشرح صدرك يالغاليه

مدري تعرفين اذا البيت مو لك تحتاريييييييين وش تسوين فيه

ماتدرين وش ممكن يعجبهم

معان اختي ذي قنوعه وماتتشرط ابد وماطلبت حتى ننظفه

بس مو لازم نستناها تطلب

الله يجيبها بالسلامة و تقر اعينكم بشوفتها ان شاء الله
ليش ما تجيبون شركة تنظف لكم البيت اريح لكم
اذا هالحل ما يناسبكم وانتم مجموعة يعني ممكن تقومون بالمهمة فاولا تتقسمون لمجموعات مجموعة تكون مهمتها تنظيف الحمامات ومجموعة للحوش والسطح ومجموعة للصالة والاسياب والممرات و مجموعة تنظف الغرف
لاتنسون اولا تشيلون الشبابيك وتنظفون اطاراتها وتغسلون الشبابيك وتلمعونها وترجعونها ثم تنظيف الثريات ومسحها ثم مسح الجدران والابواب ثم كنس الارضية ومسحها مرتين مرة بالصابون والكلوركس ثم بداك المطهر بالطبع مع تنظيف الاثاث من الخارج والداخل تنفيض الكنب وكنسة بالمكنسة الكهربائية ثم مسحة بفوطة مبللة بكومفورت مخفف بالماء واكيد بعد غسل الستائر وكويها وتغيير شراشف السرائر ونفض مرتبة السرير وكنسها بالمكنسة الكهربائية ومسح الاثاث جيدا والمرايات
وهذا اللي اذكره الى الان والباقي اذا نسيت ان شاء الله الخوات يفيدونك وبالتوفيق عزيزتي

كل المواسم يالغاليه

ماينفع نجيب شركه والسبب ان اختي اصلا مانامت في هالفيلا يوم

يعني حتى ملابسها واغراضها بالكراتين

يعني نبي نكون احنا خواتها اللي نرتب اغرضها وخصوصيات عيالها

وبتجي على شتاء فلازم نشوف اللي يحتاج غسل بعد هالتخزين من الملابس ويتغسل


انا واختي وشغالتين معنا
ومو لازم نخلصه بيوم

بس محتاره لان البيت بصراحه كبير وماقد نظفت بيت بهالحجم يعني

الله يرجعها بالسلامة


وانصحكم تكتبون كل شيء بورق
وتقسمون الشغل على ايام ..
كل يوم تسوون شيء واخر شيء هو المسح النهائي
اول شيء تبدؤون فيه هو كنيس البيت كله من الغبار والشبابيك وبعدها
ابدؤوا بغسل الشبابيك وغسل الارضيات والحمامات والمطبخ
وبعدين بالترتيب ..

قوم تعاونوا ماذلوا

والله يوصل اختكم بالسلامة يارب