السلام عليكم
قبل يومين فجعنا بوفاة بنت صديقة امي عمرها 11 سنه الله يرحمها
والله من يومها صورتها مافارقت خيالي البنت كانت زي الورده المفتحه تلعب وتجري وتضحك :( الله يرحمها ويجعلها شفيعه لاهلها امها تعبااانه وابوي يقول ابوها وقت الدفن منهار الله يصبرهم ويجبر كسرهم
سبب الوفاة البنت جتها انفلونزا الخنازير ولانه عندها ربو ماقدرت تتحمل وتوفت
اختها الكبيره جاها نفس المرض وتشافت الحمد لله واخوها الصغير مازال منوم في المستشفى الله يشفيه ويربط على قلب الام الي جتها المصايب من كل جهه
المدرسه الي تدرس فيها جا قرار باغلاقها استغفر الله لازم احد يموت عشان يصحون
نصيييييييييحه اوجهها للامهات الي عيالهم عندهم ربو ترى عيالكم امانه في رقابكم راح تحاسبون عليها يوم الدين لاتطلعون عيالكم من البيت لا لمدرسه ولا غيره الا اذا احتجتو مستشفى لاقدر الله وان شالله ماتحتاجونه والله لو صارلهم شي لاسمح الله لاينفع ندم ولاغيره
انسو قرار وزارة التعليم الغبي الي يقول اذا صارت حالة وفاة اغلقنا المدرسه عيالنا مو دجاج والا بهايم هذول بشر ارواحهم غاليه ماراح ننتظر احد يصير له شي عشان نتحرك
هذا والحج توه دخل كيف بعدين اش بيصير امي قالت بعد الحج ماراح ترسل اختي لان فيها ربو وزكام خفيف يخليها تاخذ اكسجين في المستشفى الله يحميها ويحمي عيالنا وعيالكم من كل شر
يلزم عليك تسجيل الدخول أولًا لكتابة تعليق.
لمحة شجن
•
الله يرحمها ويجعل قبرها روض من رياض الجنه
الصفحة الأخيرة