اشتري استراحه او عماره افضل واجريها
05-12-1430 هـ, 06:45 مساءً
 
اقتباس مشاركة  (اسمهان توفيق)
شوفي البيت اذا ماعندك نية تسكنينة لاتشترين لانة كل ما يقدم ينزل سعرة يعني بيصير مو للاستثمار
اذا حابة استثمار عليك بالاراضي كل ماخلصتي من وحدة ابدي بالثانية على الاقل الين يصير عندك 3 اراضي وبتدعين لي ان شاء الله
مشكور يالغلا بس ياريت توضحين اكثر واي المناطق تنصيحين فيها وكم مساحة وسعر الارض التقريبي.
05-12-1430 هـ, 10:50 مساءً
 
اقتباس مشاركة  (أوشن دريم)
اشتري استراحه او عماره افضل واجريها
بكم سعر الاستراحه ؟؟
والعماااااااره ؟؟
اتوقع غااااااااليه خاصة العماره.
05-12-1430 هـ, 10:52 مساءً
 
هلا اختي تصدقي لو كل سنة
365 ريال عن كل يوم من السنة
وان شاء الله يبارك لك الله العقار حلو لو تشتري بيت من اربع شقق وتأجيره أحسن
06-12-1430 هـ, 01:18 صباحاً
 
ميمي تبين تسمعي كلامي والا بتهونين تقولين هذي عقب الكوفيرات الهاربات ما اسمع لها هههههههه

اسمعي يالغاليه

اذا تبين فله وتبين تستثمرين فيها خذي البيوت القديمه اللي بالملز مش الاثريه لا القديمه اللي لها حول العشرين سنه لان سعرها بيكون مرررررررررررره نازل يعني بسعر فله بشمال الرياض خذي فلتين بوسط الرياض خلنا نقول بالملز بعدين اجريها على المكاتب او اجريها كاستثمار هذي من ناحيه الناحيه الثانيه المنطقه لوحبوو يطورونها تستغلي المنطقه كارض جوا البلد راس مالها امسحي الفله وبيعيها ارض عندك الملز النسيم هالاماكن القديمه عمي باع له فله ما جابت له غير 250 الف ريال فتخيلي انك بــ 500 ماخذه ثنتين بجنب بعض يا سلام رخيصه والله

الشي الثاني كمان كاستثمار عندك الاراضي هي اللي ترتفع واذا اخذتيها خذيها بعيده عن المنطقه السكنيه يعني على اطراف المدينه بعدين خلي عنك الشمال روحي لجهة شرق الرياض بعد كبري رماح لان هناك مشروع ضخم سياحي شغالين فيه هذا اذا ما ارتفعت الاسعار الان هناك بعد بعد نقطة التفتيش اللي على طريق الشرقيه لانهم خلصو الكبري وبدو في بناء المشروع لهم سنتين الان هذي نقطه

الفلل في الاحياء الجديده ما انصح فيها استثمار بعدين سكن لانك تاخذينها منهريه خلاص ولا تنسين حتاخذيها مبنيه خالصه يعني كل المنتجات والمواد تجاريه فخذيها عماره على بنك التسليف واجري وشيلي من بالك السكن

ايش بعد عندك اماكن استثماريه

فيه عندك المناطق اللي حولين مدينه الملك عبدالله في الغربيه عندك كمان الليث بحكم ان خالد الفيصل حط النظر عليها كوجهه سياحيه ونصح اهل المنطقه انهم يمسكون اراضيهم فاذا قدرتي تاخذي هناك حلووو وكل ما كانت على الساحل كانت افضل

فيه عندك جيزان استثماريه راح يعملون هناك مشروع سياحي شبيه بجزر المالديف واتوقع انهم بيمسحون المنطقه بالاسلحه منها يقضون على هالمجرمين ومنها يساون المنطقه شوي عسى الله يفرج عليهم كربتهم يارب

فيه عندك عرعر والقريات هناك صراحه خذي اراضي وحوشيها بشبكوحطي بيوت شعر واجري على الكويتين وقت الربيع والله بالالاف اصلا اسمعي الكويتين وش يقولون بعضهم يقولك انا امدك بالماده وكل شي بس اعطيني الاسم ولكنسبه من الارباح لانها استثماريه بجنووون وقت الربيع مالك مغز اصبع من العالم

بس هذا اللي عندي حاليا والله يسهل امرك يارب
07-12-1430 هـ, 05:51 صباحاً
 


الساعة الآن 10:29 .