مشكلتي في ولدي

فيك زياده خوف ماله داعي احرصي انه مايطلع الشارع اقصد لايبعد عنك وماعليه خوف وعيال اختك خطر ؟؟ماتثقين بتربيه خواتك ماعليش لاتحسبيني قاسيه بس كثر الحرص مايفيد مصيره يكبر ويختلط ساعتها ماراح تردينه واستودعيه ربك وماعليه

مشكورة اختي الأماني المستحيلة على الرد
ياختي انا اذا اجتمعت معهم عادي عيال اخواتي يطلعوا البقالة والسوبر شوي بعيدة وكمان يروحوا ملعب بعيد وانا ماابغى لأنه باقي صغير واحيان كنت اذا جيت زيارة ومنعته يطلع يجلس يبكي ويقول ليه تمنعيني خليني اروح الشارع واشوف الناس ذبحني والله وعاد انا موسوسة ماحبه يفارقني الله يعين
باقي الاخوات انيروني بردودكم الله يجزاكم خير

صدقيني يااختي واقولك كلام من تجربه كثر الضغط يولد الإنفجار ..
اذا انتي خايفه على ولدك وحريصه عليه انصحيه وفهميه وخليه يكون واعي للي حوله
واهم اهم شي حسسيه انك وااااااثقه فيه ولا تحسسينه انك تراقبينه ابد ابد
لإنه اذا حس بثقتك فيه ونوع من الحريه راح يكون معك على طول ولا يضطر انه يخبي عليك او يكذب (ماعاد عنده اي شي يخبيه)
لكن اذا شددتي وحرصتي وراقبتي زياده عن الازم راح يعاند اكثر ولا تنسين ان كل ممنوع مرغوب
لاتحسسينه انه طفل عند اقاربه او اصدقائه وانتي تسألين عنه بزياده ترى يقعدون يتريقون عليه ويقولون انك طفل ومن هالكلام حتى يحاول يثبت عكس كلامهم ويبين رجولته ويسوي شي غلط لاسمح الله خصوصا انه مقبل على سن مراهقه ماراح تقدرين تتحكمين فيه وعموما الأولاد في كل الأحوال حتى لو عمره خمس سنوات يحب يسوي نفسه رجال .. عطيه مساحه من الحريه خليه يسوي كل اللي يبي وانتي مفتحه عينك عليه واخذه بالك منه .. صدقيني بيصير يقولك كل اللي بقلبه ولا راح يخبي عليك .. يعني بالعربي خليه يسوي كل اللي براسه يعني يطلع من سن المراهقه وهو مرتاح عشان مايراهق على كبر ويتعبك على طول
لا تقيدينه حتى لو وفرتي له كل شي ملابس العاب ( الحريه والطلعات اهم شي بالنسبه لهم) خليه يعيش مراحل عمره بحريه وبنفس الوقت تكونين مراقبته يعني تمسكين العصا من النص لاضرر ولا ضرار .. ادري انه وحيدك وانتي ام وحاسه فيك بس عشان تكسبين ولدك اسمعي نصيحتي .. معليش طولت عليك والله يخليه لك ولايحرمك منه ..

بنات وينكم ماحد عبرني
مشكورة حبيبتي ذوق على النصيحة بس عندي والله حرص زيادة نفسي اتخلص منه بس ماقدر يغيب ولدي عني ولو فترة قصيرة اخاف عليه من اشياء لاتحمد عقباها الله يرزقني بره ويرزقه الصلاح
اخواتي ابغى ردود ولو بدعوة ان الله يحفظه لي ويحميه من كل سوء واطفال المسلمين

الله يحفظه لك ويحصنه بحصنه المتين ويقر عينك بصلاحه ويبعد عنه كل شر وربي يحفظ ابناء المسلمين
وتشوفينه عريس ..