Analysis Services
ادخلي قسم الطبخااات وبتلاقي كل الي تبيه
07-12-1430 هـ, 10:09 مساءً
 
عندي لك صنيتين فرن حلوووين للعشا
1>>> قطعي حواف التوست وصفيه بصينية للفرن واحمسي دجاج مقطع صغار ( كبر ظفر الإبهام) مع بصل وثوم وفلفل رومي كلهم مفرومين وعد مايستوي الدجاج حطيه فوق التوست وحطي مرة ثانية فوق الدجاج توست مقطع الحواف وبعدين حطي هاذي الخلطة فوق التوست( اخلطي قشطة قيمر وجبن كرافت = الكمية على حسب صنيتك = لكل علبة قشطة ملعقتين جبن ) <<<بتصير الخلطة مثل الباشميل و دخليها بالفرن تتحمر اشوي من فوق وتحت مايحتاج تحمير...
2>>> اقلي بزيت غزير خضار ( جزر وبطاطس وباذنجان) مكعبات صغيرة ( نفس التشبيه اللي فوق = كبر ظفر الإبهام ) وكمية الخضار على حجم صينيتك وحطي الخضار بعد ماتستوي بصينية الفرن وحطي فوقها حمسة دجاج قطعي دجاج بالطول واحمسيه مع بصل مقطع بالطول وفلفل رومي وجزر مقطعين بالطول >>ولا تنسين بهاراتك
وبعد ماتحطين الحمسة فوق الخضار حطي فوقها نف الخلطة اللي فوق ( قشطة قيمر وجبن كرافت) لكل علبة قشطة ملعقتين جبن وحمريها بس من فوق


جربيهم وماراح تندمين ......... لذيذين

اعذريني لأني طولت
07-12-1430 هـ, 10:44 مساءً
 
السلام عليكم

1صينية بطاطس البيتزاء او مكرونه البيتزاء

2 ساندوشتات كودو مع بطاطس مقلي

3 جوانح دجاج مع بيتزاء

4 صينية رز بالقشطه

5 مسقعه

6 صينية خضار مع دجاج

7 مطاطيز

وسلامتك
07-12-1430 هـ, 11:31 مساءً
 
عندي لك هذي الطرييقه تو اليوم سويناها على العشاااء رهييبه وخفيييفه مررره

الطريقه .. ابشري بصل .. وابشري جزر .. وابشري جبن شيدر .. وابشري > بس خلصنا من البشر

المهم

احمسي البصل على شويه زيت وبعدها اضيفي له الجزر .. مع الجبن .. وتونه .. وملعقه بهارر اسود وبهار مشكل وحبه ماجي

..

وفي هذي الاثناء خوذي رز مصري تقريبا نص كاس او على حسب الكميه الي تبيها .. وخليه يستوي لحاله في قدر مع شوي ملح..

..

بعد مايستوي الرز اضيفيه على الخلطه الي قبل الي هي البصل والجبن والجزر .. واخلطيه كوويس .. بعدهاا صفيه بصينيه بايركس ودخليه النار يتحمر شووي ويستوي من تحت ..

..
وقسسم انهاا رهييبه وخفيفه رح تعجبك طعمه تشبه كفته التوونه .. بس بطريقه ثاانيه .. اتمنى اكوون افدتك

/


07-12-1430 هـ, 11:45 مساءً
 
سوي لهم فاصوليا بالزيت تجنن
قطعيها بالطول
وحطيله شوي زيت للحمس وقلبيها بالزيت
وبهالوقت
تحمسين بصل مع ثوم
وتضيفين له طماطم وصلصله وماجي
ثم اضيفه للفاصوليا وخليها على نار خفيفه ليتسبك مع بياله مويه
08-12-1430 هـ, 12:50 صباحاً
 


الساعة الآن 04:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏