بسم الله الرحمن الرحيم
اعضاء منتدائ الرئع يا حوائيات اسعد الله مسائكم بكل الحب والتقدير وكل عام وانتم بالف خير وسعاده وعساكم تضحون السنه وكل سنه وانتم طيبين
اختكم عجازه وبصراحه اعاني من مشكله العشاء احيانا يكون واحد من الشباب ما تغدى فيبى العشاء ثقيل والباقين يبون خفايف واحيانا نبى خفايف واذا جا العشاء قالو وش هذا انتم ماتعرفون تسون شي
قلت يابنت مالك الى هالمخيخ دوري فيه الى يعشيهم ويرضي كل الاذواق ويرضي كل الاطراف
فحصيلت عصر هذا المخيخ طلعت التالي اولا هذا صنف السلطه / سلطه البطاطس مع مخلل خيار وخيار وطماطم والصوص ملعقه مايونيز وعلبه ونص زبادي ( لان اختكم تسوي ريجيم اعوذ بالله من الشيطان الرجيم قلت اقلل المايونيز ...بس ادعولى انحف وانا بصحه وعافيه )
نرجع لموضوع العشاء هذا الصنف اختراع شخصي اتمنى احصل فيه على براءة اختراع هو برجر توست عائلي انتم ماتدرون وش القصه(يالله الله يعينكم على قصصي الطويله) هذا ياطويلات العمر وصيت الاخوان في خبز برجر قالو طيب بعدين يوم جاء والى خبز البرجر قالب توست ليش لان المخبز مافيه المطلوب واخوى متعيجز يروح مخبز ثاني
اما الصنف الثالث فلأن هناك عينات لا تاكل البرجر قلت اعملكم كيكه مالحه بالنقانق
هذا مع قليل من البطاطس المقليه
بس نسيت اقولكم عقب هذا العصر( عصر والا مغرب هاهاها)و هذي الاختراعات العبقريه وماتعشى الى انا والبزران لان الجميع كان معزوم للعشاء
بس قلت يابنت مالك الى خواتك بنات حواء يطيبون الخاطر ويرفعون معنوياتك
معليش طولت عليكم اعرف مغير اهذر من اليوم بس استحملوني واعذروني على الصور
دعواتكم مع السلامه
الملفات المرفقة
نوع الملف: ٢٠٠٩١١٢٢.jpg‏ (33.2 كيلوبايت, المشاهدات 483)
نوع الملف: ٢٠٠٩١١٢٢(٠٠٣).jpg‏ (25.5 كيلوبايت, المشاهدات 477)
نوع الملف: ٢٠٠٩١١٢٢(٠٠٢).jpg‏ (32.6 كيلوبايت, المشاهدات 475)
نوع الملف: ٢٠٠٩١١٢٢(٠٠٤).jpg‏ (25.7 كيلوبايت, المشاهدات 473)
نوع الملف: ٢٠٠٩١١٢٢(٠٠٥).jpg‏ (31.1 كيلوبايت, المشاهدات 467)
سبحان الله والحمد لله والله اكبر



ماشاء الله

اعشق السلطات الباردة

ربي يجعل ايامكم و لياليكم عامرة بالافراح
و كل عام و انتو بالف خير
اللهم اغنني بحلالك عن حرامك
روووعه ماشاء الله

الله يعطيك الف عافيه يارب
والله هم الخسرانين
شكل العشاء ولا اروع
ماشاء الله
ماشاء الله تبارك الله هني وعافية


الساعة الآن 01:57 .