السالفه ياطويلات العمر انه عندي تنور وابي منكن تعلمون اشلون تسون المندي فيه مثلا كل 4 كاسات ارز او اكثر كم الماء الكافي له

كذلك الزبده كم تحطين نصف قالب ام اكثر او ايش تضيفون مع الرز (بهارات مثلا والدجاج ايش بهاراتك


لانه ابو الشباب يحب المندي فلا تبخلوا علي


بارك الله فيكن
شوفي يا الغالية انا سبق ونزلت مندي وان شاء الله يعجبك بس انا اسويه بالفرن انت سويه بالتنور وبيطلع اطعم

وهذا الرابط

http://forum.hawaaworld.com/showthread.php?t=1792379
يعطيك العافية






لي رجعة ان شاء الله مالكي الا لي يرضيك
يارب ضاقة بي الدنيا ولا ادري اين اذهب
فطرقته بابك ياربي لاتردي عنك
ليس لي غيرك يفهمني ويعرف مابي
ففرج همي واسعد قلبي ونور دربي وقبري

شوفي غلاتي
انا عادتآ اسويه بالفرن لكن بحكم ان فرني هذا خااااااااااااااااااااااااااايس صرت أسويه بطريقه سهله جدآآآآآآآآآ وزوجي أدمن عليه وكل من ذاقه عندي بدون مبالغه يحسبه من مطعم
بقدر الضغط أحمسي بصله مع زيت وهيل حب وقرفه كم عود وشوي كمون بودره
بعدين ضيفي اللحم وقلبيه وضيفي المويه وأكتميه .... غسلي الرز ونقعيه بمويه فايحه .......... نفس طريقة الكبسه العاديه
بعد ساعه إلا ربع طفي النار وشيلي اللحم بصينيه على جنب وصفي الرز وحطيه على القدر وملحيه ومن يطبخ غطي القدر بس انتبهي لا تكتمينه
جهزي بهارات اللحم عباره عن { ملح / كركم / بهارات مشكله / شوي فلفل أسود } وقلبي اللحم بالبهارات << مايحتاج تضيفين اي سوائل لأن اللحم رطب وتلصق البهارات فيه بسرعه
بعد ماجهزتي اللحم دخليه للفرن مولع مسبقآ من فوق وخليه لحد مايتحمر
لما يتحمر اللحم ويكون الرز ناجض صفي اللحم فوق الرز وحطي قطعة قصدير (( قصي قصديره مربعه كبيره وأصفطيها وشكليها على شكل كوب عشان لما تخلصين ترمينها
حطي على الرز من فوق القصديره وصبي فيها شوي زيت وولعي فحمه وحطيها على الزيت بالقصديره وغطي القدر على طول وخليه كذا ربع ساعه
وبعدين شيلي القصديره وحطي الرز وتمتعي بألذ مندي

أمانه اللي تسويه ويعجبها تدعيلي أن الله يسهل أموري أنا وزوجي وتدعي لولدي أن الله يشفيه


الساعة الآن 03:25 .