ان شاء الله عادي ..

اهم شي ارتاحي وحاولي وانتي نايمة ترفعين رجليك فوق وسايد عشان تكون ارفع من وسطك..

أنا بولدي والله جاني نزيف شديييد وجلست ابكي من الخوف وانا في الحمام..كان الموقف رهيييب..

وكنت واثقة انه راح..

ولما كلمت المستشفى قالو اراتاحي اليوم لما يومقف وحاولي ترفعين رجولك واذا استمر الى بكرة تعالي لنا ..والحمدلله خف كثييير وصار معي افرازا بنية الى الشهر الخامس!!

ولما سألت الطبيب عن الدم قال طبيييعي جدا ..احتمال يكون دم زايد من المشيمة..

بس اعطوني ابر تثبيت وحبوب .

وان شاءالله ربي يتمم لك على خير

شاكرة لكم اخواتي على دعواتكم الطيبة ونصايحكم القيمة
انا رحت امس لمركز خاص وسويت سونار وقالولي الجنين ماشاء الله حالته الصحية جيدة وشفته وبرضوا المشيمة موقعها ممتاز بس قبل لااروح لمهم دخلت الحمام الله يكرمكم ونزل مني قطعة قطرها 2سم تقريبا او اقل وصراحة توقعت انه الطفل مات ولما قلت لها قالت خلينا نشوف وشافت لقت الطفل موجود وحالة كويسة قلت لها طيب من وين الدم قالت اخصائية الاشعة خلينا نشوف وقعدت تفحص قالت لي انه رأس الطفل في الجهة اليسرى و لقت انه الجهة اليمنى من بطانة الرحم فيه فتحتين صغيرة حوالي 1سم تقريبا هي اللي ينزل منهم الدم قلت لها طيب من ايش قالت ما اعرف انا مو استشارية نساء و ولادة بس يمكن لانه رحم يتمدد ويمكن شيء ثاني وقالت لي اهم شيء بعد الولادة تروحين تفحصين حتى لو سقطت بعد لاسقاط روحي افحصي وقالت لي انتي كان عندك مشاكل في الدورة قبل الحمل قلت لها ابدا قالت غريبة واعطتني الصور والتقرير وطلعنا وانا والله اقول الحمدالله على كل حال والله يكتب اللي فيه خير بس هل في احد سبق وسمع بشئ زي كذا او صار له كذا وبرضوا وش كانت هذيك القطعة اللي نزلت مني.
جزاكم الله كل خير