ماشاء الله لا قوة إلا بالله
يعطيك العافيه
اقتباس مشاركة  (نجدية في الشرقية)
بسم الله ماشاء الله ولا قوة الا بالله
من جد ذربه الله يحفظتس ويزيدتس من نعيمه
حنا حدنا نقطع اللحم ونكيسه ونقلقل الكبده وبنفس شينه بعد بس نتاافف ونتحلطم ههههههههههههه اما انتي ماشاء الله عليتس شكلتتس تشتغلين من قلب ومروقه الله لايضرتس
والله انا ودي اسوي زييتس لان زوجي والرجال يموتون بهالحركات ( شلوطت) الراس والكراعين ومرقة الكرش والكمونيه شلوطه= حسحسه على قولتتس هههههه
بس والله الرفاله بعيد عنتس ماتخليني اسويها مااحب الكرش والمصران والراس لدرجه لااضطريت اطبخها اطبخها لحالها بقدر ثاني غير قدر اللحم الي ابطبخه علشان اكل من اللحم ( رفله وخكريه بعد ) خخخخخ
من جد وربي غبطتتس على ذرابتتس ربي يحفظتس انا دوريني عند الخرابيط حلويات ومعجنات وصياني وغيره بس طبخ الذبيحه والشغل السنع الي زي شغلتس مااعرف له او تقدرين تقولين اعرف بس اتكيود واتعيجز عنه خخخخخ ولااحب اكلها الله يديمها من نعمه وعودت زوجي على اني مااسويها وتعود ماعاد صار يطلبها زي قبل يعني هو من نفسه هالسنه ماجاب الا اللحم من المسلخ لاجاب الراس ولا الكرش ولا المصراين بس اللحم يوم سالته وين الباقي قال خابرتس بتعصبين لاشفتيها وبتقومين تتحلطمين ههههههههههه
قلت زين جات منك ماجات مني





اما الي يقولون زودتيها وعلى ايش نقول ماشاء الله اقول اتحداكم تسوين زي ماسوت اخر همي انسان ماشاء الله عليها والله نفسي اسوي زيها بس ماقدرت الله يحفظها اتقرف الله لايواثمني ولا احب ريحة الدم من ونا ابيت ابوي والله واتعيجز فاضيه يروح يومي كله ونا اشلوط بهالراس واحسحس بهالكراعين واقطع بهالكرش ؟؟
حدي اقطع( الشوا ) الي هي الكبد والقلب والكلاوي للحميس واقطع اللحم واكيسه
بس هي ماشاء الله عليها ترفه وذربه الله يحفظها والله شغلها مرررره نظيف
تراه موب بسهوله الي انتم تشوفونه بالصور تراها والله شغله صعبه طويله وحوسه وتبغا لها طولت بال وصبر خاصه مع الكرش والمصران ولاعاد فيه احد يشلوط الراس ويحسحس الكراعين الا نادر لان الحريم استرفلت ههههههههههه



يعطيتس العافيه اخر همي انسان وعليكم بالعافيه ياقلبي وكل عام ونتي بخير ياالشقرديه
حياس الله
وشكرا لس
الله يجزاس خير يارب
شكرا شكرا
حبيباتي اللي يرسلون لي رسائل خاصه يكلموني أو يحتاجون مني شي أعذروني لأني ما أدخل كثير للمنتدى مو مثل قبل بحكم دراستي وإنشغالي
فأعذروني اللي رديت عليهم متأخر
ماشاء الله يعطيك العافيه يليتك صورتيه بعد الطبخ
اقتباس مشاركة  (*فتاة الاسلام*)
ماشاء الله لا تعصبين علي بس صراحه انا مو من محبي الكرشه ولا الراس
وتجيني دوخه من ريحه الكرش والحسحسه ...يعطيك العافيه
سؤال
بس
ليش أعصصصصصب
لية

طيب انا ماأحب النقانق ولا الشاورما ولا المايونيز ولا الكاتشب ولا الهريس
ولا القلب
واشيااااااااء كثيرة
يعني الا غصب أأكلكم أياها
موب غصب
وحياك اللله
حبيباتي اللي يرسلون لي رسائل خاصه يكلموني أو يحتاجون مني شي أعذروني لأني ما أدخل كثير للمنتدى مو مثل قبل بحكم دراستي وإنشغالي
فأعذروني اللي رديت عليهم متأخر


الساعة الآن 08:20 .