السلام عليكم ورحمة الله وبركاته كيفكم ياحوائيا ت كيفكم مع جمع المال ان شاء الله جمعتوا مال حلوااو هاه يشرح الصدر

المهم ياحبيباتي انا شبعت اقولها باعلى صوتي شبعت من التبذير كان الموضوع في نظري انه واجبات علي

لحد ماحسيت السنوات تجري وانا مثلي قبل اتوظف بيوم يعني ولا شي الراتب يجي من هنا ويطلع من هنا بلا فائده الا هالسوق هذا اكسسوار وهذا فستان للاستراحه الفلانيه وهذا فستان لعرس فلانه وهذي فلوس للمكياج وهذي للتسريحه طيب وبعدين

المهم اتكلم مع خالتي ساكنه في الكويت عن هالموضوع كثير وطرحت لي افكار كثيره اقتنعت ببعضها وبعضه صعب تنفيذه بس اعجبتني فكره وحبيت افيدكم بها يمكن غايبه هالفكره عن بالكم وهي تقول الموظفات اللي عندنا بالكويت تقول بعضهم مو كلهم وخاصة اللي تعرفهم خالتي تقول من جاراتي ويعلمني باسرارهم تقول يتسلفون من البنك مبلغ 100000 ( مئة) الف ويضعونها في حسابهم يكون حساب للتوفير ولا يلمسنها ولا ياخذن منها شي ويسددن البنك لحد ماتخلص السلفيه وياخذن مية الف ثانية ويظيفنها للمئة الاولى تقول هذا من غير باقي الراتب برضه يجمعن وهالحين ما شاء الله يستطيعن يسون اي شي اما ارض او تبني بيت او تعمل مشروع خاص فيها تقول بنت جيرانا لما اتزوجت عطت زوجها بطاقتهاعلشان يطلع على حسابها زوجها انهبل كيف جمعتي هالاموال يعلم امه يقول انا متزوج اميره مو انسانه عاديه

ايضا تقول فيه طريقه ثانيه بس ما ادري عجزت افهمها او يمكن لها اسم معين في البنك تقول تعطي البنك مبلغ معين وهم يتاجرون في هالمبلغ وانه اذا ما استفادت شي ففلوسه الاساسيه ترجع لها بالحفظ والصون

وايضا قالت لي يشترون الذهب الاصفر والسبائك ويبيعونه وقت الغلا

كل اللي عندي قلته لكم يالله انتم اعطوني افكاركم لجمع المال او كيف توفرون علشان ما تصرفون كثير
12-12-1430 هـ, 09:09 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب وش بيستفيدون اذا اخذوا سلفه من البنك اكيد فوايد البنك بتكون كبيره كان جمعوا الفلوس اللي يقسطونها للبنك في الحساب احسن من السلفه
انا اقول احسن شي كل وحده تخصص مبلغ معين من راتبها وتحطه في البنك وتعتبره ماجاها هاالمبلغ اساسا يعني تنساه وبعد تخصص مبلغ ولوكان صغير وتصدق فيه مثلا عندك بنك الراجحي يقولون انك تشتركين في خدمه ويستقطعون من راتبك كل يوم ريال لصالح الجمعيات الخيريه وبكذا تستفيدين دنيا واخره وعسى الله يرزق غير الموظفات ويبارك للموظفات ياحي ياقيوم
12-12-1430 هـ, 10:14 مساءً
 
هلا حبيبتي خيال اللي يستفيدونه ان هالسلفيه تمسك فلوسهم لان ما فيه فايده عملية الجمع لان الحرمه معروفه بكثرة روحاتها وجياتها للسوق لكن هالطريقه يضمنون انه صار عندهم مبلغ معين وقدره

مشكوره حبيبتي للمرور
12-12-1430 هـ, 11:03 مساءً
 
هلا حبيبة قلبي

فكرة البنك حلوة بس لها سلبياتها انهم ياخذون اكثر من الي يعطونك
وقصة انك تجمعين تطول شوي على بال مايصير عندك مبلغ حلو بحسابك

انا اقولك على طريقتي يمكن تناسبكم بس اهو اعطيت اللي عندي

انك تدخلين جمعية محترمة يعني تقسمين راتبك بالنص اذا ماتحتاجينة وتاخذين الجمعية بالاول يعني ماتكونين الاخير لان كذا كانك جمعتيهم بحصالة وكذا تكونين ملزمة انك تدفعين وبدون فوائد ونفس الوقت يكون بحساب ثاني وانسيه

والنص اللي باقي لك من راتبك اللي تتصرفين فيه حاولي يبقى منه شي لو بسيط واذا جى اخر الشهر ونزل الراتب الجديد الباقي من راتبك ضيفيه للحساب التوفير

كذا ماتجلسين الافترة وحسابك فيه شي

والبنك مثل ماقلت يعطيك مبلغ بس تجلسين حول 4 سنوات ولا خمس وانتي تسددين

والف شكر غاليتي على الموضوع لان احنا نحتاج مثل كذا افكار
13-12-1430 هـ, 01:08 صباحاً
 
مشكوره حبيبتي تعجبني الجمعيه بس زميلاتي في العمل غير مقتنعين بها

الباقين وين ردودكم 46 وحده وثلاث بس هم اللي يكتبون رد ابي تفاعل
13-12-1430 هـ, 09:12 صباحاً
 


الساعة الآن 09:20 .