مرحبا اختي بنت البنات
انا بقولج عن افضل الفنادق لاني رحت هذا الصيف تايلند
في بانكوك اسكني في الشيراتون او شانجرلا ونصيحه اذا انتي من النوع اللي يحب السوق قعدي فيها اسبوع على الاقل لان السناتر وااااااااااايده وماتخلص
بالنسبه لشنغماي اسكني في الشيراتون لانه راقي وفي وسط البلد وعندهم سنتر اسمه سنترال والبضايع متكررة في جميع الاماكن اقصد اغلب المحلات
اما بوكيت انا سكنت في منتجع كاتا وايد حلو بس العيب انه بعيد عن المحلات والمطاعم افضل لج تسكنين في منطقة بتونج بيش وبوكيت منطقه استجمام لاتفكرين تشترين منها شي وقعدي فيها 3 ايام واذا في اي استفسار اناحاضره
واذا تريدين تعرفين اي شي عن الاسواق انا بخبرج
عفوا على الخطأ انا اقصد الاخت عسليه والسموحه من الجميع
المتعبله
,,,,,,,,,,,,, الف شكر لك
لكن هذا كاتا كيف صاير منتجع تقصدين غرف او استديو مستقله ومطله على مسابح وحدايق وهل في نفس المنتجع مطاعم مناسبه لنا
وبعدين هل هو قريب من البحر
والخيار الثان يبتونج بيش هل هو في السنتر لاني انا بودي منتجع وقريب على البحر يعني ماحتاج مواصلات وبما انك قلتي مافيها تسوق فما له داعي اروح السنتر ولا وش رايك
وشنغماي الشيرتون حقها هل هو مطل على النهر
واريد منك لو قدرتي تنصحيني في افضل المطاعم البحريه شي نظيف ومناسب
والف الف شكر للتجاوب يالغلى
اختي لاشكر على واجب
كل المنتجعات على البحر يعني خطوتين وتكونين على الشاطي وكاتا مبنى مفتوح في الوسط وفيه مطاعم وتطلعين من المطعم على حمامات السباحه واكثر من حمام سباحه فيه وفيه شاليهات مطله على حمام السباحه وفي غرف انتي واختيارج
باتونج بيتش منطقه فيها محلات وفنادق ومطاعم انا سكنت في كاتا وكنت اضطر اركب التكتوك(تاكسي صغير)
اذا سكنتي في باتونج ماتحتاجين تاكسي اما المطاعم صراحه ولا مطعم حلو كنت اخذ حق العيال من الماكدونلد وفي مطعم هندي علاءالدين ازوين والشيراتون في شنغماي نعم مطل على النهر وحتى الشيراتون في بانكوك ولازم تركبين السفينه في بانكوك اما بخصوص مطاعم السي فود في بوكيت حدث ولا حرج بس انا والله كنت عايشه على الفواكه لا سمج ولا لحوم ولا تنسين تروحين في شنغماي تركبين على الفيله روعه واذا في شي خبريني انا تحت امرج مايردج الالسانج


الساعة الآن 09:36 .