فكرة روعة وخطيرة تخلي الضيوف يقولو لك إيش الحركات والاتيكيت هاداااا

فكرة روعة وخطيرة تخلي الضيوف يقولو لك إيش الحركات والاتيكيت هاداااا

--------------------------------------------------------------------------------

السلام عليكم ورحمة الله وبركاته
هلا بنات اليوم جايبتلكم فكره راااااااااايقه ونعومة وشيك وايتيكيت ((المادح نفسه .....))
لكن اقولكم بدل هذر الكلام والمدح انتم اقرو واحكموا
الفكره يا حلوات هي عمل طبق رائع وفخم لتقديم التمر
كان ودي يكون الموضوع مدعم بالصور لكن ماعندي كاميره حتى لو عندي ماأعرف انزلها (( أقول اخلصي ))
لكني راح اعطيكم فكرة كاملة من طريقة العمل وافكار الزينة و وصفة حلوة للتمر يعني بصراحة راح ترفعي راسك قدام الضيوف ويقولو عنك انك اتييكيت وحركااااااااااات بس خلكم معاية وحدة وحدة ولا
يلا بسم الله نبدأ :
أولا الطلبات جيبي طبق زجاج كبير عميق شويه ولو كان له قاعدة زي كاس العالم يكون احسن وزبدية صغيرة زجاج يكون شكلها حلو تمام _وايضا شمعة مناسبة وشكلها حلو ولو معطرة احسن
الحين جيبي الشمعة وجيبي غرا وحطيها بداخل الزبدية الصغيرة وثبتيها بالغرا بس لازم يكون طولها أعلى من الزبدية , بعدين ثبتي الزبدة في وسط الطبق الزجاج الكبير وحيكون الشكل طبق بداخله زبدية بداخلها شمعة ok الحين
نجي للتزين جيبي فصوص متنوعة الاحجام او زي ما تحبي وورود لونها حلو ومتناسق وشرايط مناسبة ان اردت وزيني بها الطبق الكبير من برا ((إنت وفنك وذوقك )) بس اهم شي الفصوص لانها تعطي منظر روعة وفخامة ولاتنسي اللون مثلا عودي مع بيج أو بمبي أو غيره بس حلو وزيني الطبق من جميع الجهات
بعد كدا جيبي غرا قزاز وحطي قليل منه على حافة الزبدة الصغيرة واكبسي الغرا بالاكليل اللماع وحاولي تناغمي بالالون وزيني الزبدية الصغيرة زي ما تحبي الحين تقريباً الطبق اصبح جاهز

نأتي للوصفة المقترحة معاه وانت وذوقك موشرط :
جيبي تمر سكري أو تمرنا العادي اللي بالتنك ورصي طبة متلاصقة من التمر داخل الطبق حول الزبدية وبعد ما تخلصي الطبقة الاولى سخني سمن فارم وررشي على التمر شوية منه ورشي فوق كل الطبقة فستق مطحون مممممممممم وعلى كدا طبقة فوق طبقة الين يمتليء الطبق وتكون آخر شي طبقة الفستق ((بامكانك تنوعي الطبقة الاخيرة من الفستق او اللوز او شوكولاتة مبشورة ))
الحين نجي للشي المهم بالفكرة جيبي مويه وملي بها الزبدية اللي فيها الشمعة بس انتبهي مو مرة عشان لا تنكب وحطي فيها قليل من الاكليل والقي فيها بعض كور الاسفنج الصغيرة لتطفو على السطح((الكور الصغيرة اللي تنحط في البكلات عرفتوها)) بس حاولي يكون لونها متناغم مع بقية الالوان أو حطي اشكال حلوه وصغيره من الخشب او اي شي يطفو على السطح((المويه هذي عشان تزيل مالتصق من التمر باليد ))
والآن ولعي الشمعة واجعلي اضاءة الغرفة رومنسية ((يعني ولعي لمبة واحدة بيضة الباقي لمبات النجف المتوسطة في اضاءتها ))
قدمي لضيوفك طبق التمر الفاخر لكن لاتنسي تحصني نفسك وتحصني الطبق عشان اخاف يعطوه عين من جماله ويعطوكي عين لمن يدرو انك عملتيه بنفسك بس لا تنسي تدعيلي
ملاحظة :
ممكن تغيري الشمعة بديكور من عندك مثلا مظلة صغيرة او نخلة وتزيني الديكور بس الشمعة رومنسية اكثر
وترا مع الاستخدام راح تذوب الشمعة ماعليك الا انك تغيريها _ انتبهي عند غسل الطبق اغسليه من الداخل بحذر ومن الخارج اكتفي بتمسيحه جيداً ))

هاااااااااااااا ويش رايكم بالفكرة حلوة والا لأ ؟
ترا لاتحسبوها صعبة هي بس تحتاج اتقان وبعض الوقت منك لكن في النهاية راح يصبح عندك طبق مميز للتمر

نسيت اقول لكم ان هذا الطبق من اختراعي وابتكاري

و س لا م ت ك م