مرحبا اختي
اذا نويتي تسوين سينما فقط للاطفال..طبعا اول شي تحتاجين مكان كبير..و في منطقه مأهوله جدا..لان غالبا الاهالي يوم بينزلون عيالهم عشان يشوفون فلم..بيكون عندهم شغل قريب من مكان السينما..ما اتوقع يعني اذا الاب من ديره و بيودي عياااله طووول الدرب لين مثلا شارع زايد عشان ينزل عياله يشوفون فلم..و عقب يردلهم اذا هو ماعنده شغل هناك..هذا مثل طبعا
اهم شي مكان قريب من مكان ناس يسيروله وايد او يمرون عليه
و طبعا كم الاجار..و هل في باركنات؟ لان الباركنات صدق صايره اكبر مشكله

ثاني نقطه
الافلام طبعا لها حقوووق طبع..و لازم تشترينها من الشركه المنتجه..كم يكلف الفلم الواحد؟؟ و هل بيغطي تكلفته؟؟
و طبعا انتي متخصصه فقط في افلام الاطفال..فرضا مر شهر و ما نزلوا افلام اطفال يديده ..و ترى هالشي يصير لان افلام الاطفال ما تنزل دووم..شو بتسوين في هالحاله؟

ثالث نقطه
الاطفال يوم يكونون مع هلهم في السينما و الله يعين من الازعاج و الدربكه..تخيلي بس ان الاطفال بروووحهم؟
بتستوي الشطانه و الصريخ و التنطيط على الكراسي..و مثل ما تعرفين عيالنا الشطانه ظاهره من ذنينهم الحمدلله و الشكر..فلالالازم يكون على الاقل شخصين وياهم في مسرح العرض عشان يحافظون على الهدوء..هذيل طبعا extra cost

رابع نقطه
لتنظيف ورا الاطفال..هذي سينمات الكبار مستويه ريحتها معفنه مع انهم ينظفونهااا بعد كل عرض ..بس المشروبات اللي تنجب و تعفن في السجاد..فالتنظيف بروحه مسأله و يبالها جهد اضافي..

خامس نقطه..انتي مسؤوله عن الاطفال اللي عندج..الي يطيح او اي شي يصير لا سمح الله..او ينضرب من اطفال ثانين..طبعا الاهالي بيوون يهبوون فيج عقب

ان شاء الله ما اكون عقدت لج المسأله و لا حبطتج
بس اذا بتبتدين مشروع و بتحطين فيه بيزات لازم تكبرين نقاط الضعف و تحاولين قدر الامكان ان تبتدين بدايه قويه مع الوضع في الحسبان اي شي مب زين ممكن يصير..
و اذا بغيتي اي شي اختج حاضره


18-06-1425 هـ, 06:46 صباحاً
 
14-08-1425 هـ, 01:00 مساءً
 
14-08-1425 هـ, 01:02 مساءً
 
أختي كلام الأخوات صحيح ...................

لكن لو بتسوين مركز ألعاب للأطفال يعني غرفة عودة وفيها ركن للأكل الصحي وألعاب كويسة ( غير الإليكترونية ) ألعاب ومسابقات وبركة الكرات ومن هالسوالف .................... بيكون عليها طلب .وتكون الرعاية مميزة والولد يوم يروح البيت يظل يطلب يرجع كل أسبوع لهالمكان .

تخيلي أولادي وش يحبون ؟؟؟؟ يحبون يروحون إيكيا تعرفين وجبتهم الخفيفة ( هوت دوج وبيبسي ) ويلعبون بالكرات وما يملون أبد .................. وبصراحة أوفر لي وكل أسبوع ألاقيهم لابسين ويترييوني عشان نروح أقول لهم غيروا هالمكان ولا في فايدة .................

الجمعة الماضي فقط ابني غير رأيه لأنه راح سوق الخضار الجديد اللي عند ند الشبا واشترى ( نارجيل أخصر اللي فيه عصير ) وصار ينتظر يوم الجمعة يسير لسوق الخضار .
14-08-1425 هـ, 01:23 مساءً
 
اختي اذا تبين نصيحتي السينمه بتكون مربحه في فتره معينه لكن في مجالات ثانيه اتوقع بتنجح انا كبنت من بنات الامارات نحن والله نحتاج قاعت صغيره ومرتبه لحفلات التخرج مثلا حفلات وعزايم صغيره وحفلات للاطفال والله صدقيني لاني انا ومجموعه من البنات هلكنا ونحن ندور قاعه حلوه وصغيره للتخرجنا لانه اغلبهن ايكونن في فنادق وانت تعرفين هل الايام الناس يفضلون القاعات والصالات بدل الفنادق اتمنى انه فكرتي تنال اعجابج و الربح ما عليه كلام
14-08-1425 هـ, 02:13 مساءً
 


الساعة الآن 08:36 .