انا لي راي مختلف
في اي مشورع نفكر فيه اول شي فكري فيه من ناحيه هل هو مكروه مثلا انا فكرت افتح مجل تصميم وخياطه ملابس لكن فكرت في اللى بيخيطون عندي ملابس عاريه ويلبسونها في الاعراس منو بيشيل ذنبهم ؟
وفكرت في صالون نفس الشيء
وبعد محلي عندي افكار وايده مثل طباعه صور واشياء ثانيه لكن هل ساتحمل انا جزء من هذا الذنب
السنما معروف ان فيها افلام وموسيقي واغاني وهالامور هل تستطيعين ان تتحملي ذنب كل هالناس
فكري زين انا ما احبطج لكني اخبرج عن جانب يمكن غفلتي عنه مرة خبرتني اخت انها بتسوي المناديل يمسكونها في اليد اللى يستخدمونها في الاعراس يرقصون بيها لكن بعد شوي طرشت لي مسج قالت لي ما اقدر اتحمل ذنب احد اصرفي نظر عن الموضوع ..
14-08-1425 هـ, 02:13 مساءً
 
السلام عليكم،،

فعلا والله كلامكم صح، وانا فعلا فكرت عدل وصرفت نظر عن الموضوع،، ما اقدر اتحمل ذنب هالناس كلهم.. *****الله بس احصل على فكرة مشروع احسن... ومشكورات بنات وما قصرتوا..
14-08-1425 هـ, 05:59 مساءً
 
الموضوع وايد حلو وان شاء الله ينجح وتشوفين خير هالمشروع بس نوعي في الافلام من اطفال لين تينيجر وبعدين كبار ولا تنسين اوقات الافلام لانه الحريم ما يطلعون الا في اوقات معينة عشان ما تنخفض نسبة الجمهور مع اعلان الجيد والافكار اليديدة
وحاولي في المكان توفرين لو تقدرين شخصيات كرتونية قريبة من الافلام الي تعرضينها مثل سندريلا مثلا تسوين فستان يخصها بسعر زهيد وتوقفينها عند الباب الدخول او الطلوع مع توفير قمصان عليها الشخصيات بسعر زهيد 10 او20 درهم وكاب لو تريدين وجي تخلين الاطفال يحبون المكان واكيد فكرتي بالفراخ والبيبسي عشان جي ما بذكرج ...

نصيحة لا تخلين المكان بس سينما حاولي توفرين اكثر من اثارة حق الاطفال من العاب الجيم Game وكوفي خاص بالامهات الي ينتظرون ابناهم في الخارج..

واهم شي تمي فوق راس المشروع ولا تعطينه بايد اي حد ادير لج من دون مراقبة ..

وعقبال ما نزورج

مع تحياتي وان شاء الله بالتوفيق
:24:
14-08-1425 هـ, 08:08 مساءً
 
سور مرة ثانية بس بالنسبة لي المشروع رائع الان الاكثرية من الحريم يبون يسيرون مكان خاص فيهم وما يحصلون من دون مضايقات فاحسن شيء نسويه هو انه نحصل لم مكان يستمتعون فيه هم واولادهم من دون ما تطلع عنهم سمعة

وانا بصراحة ما اسير السينما خوفا من اني ما اخذ راحتي اذا حبيت اضحك على الفيلم احاول اسكر حلجي واذا حبيت اني واصرخ من الخوف اشوف ان الى وراي والي يدامي عوايل فيهم رجال وعشان جي اشوف انج اتحلين مشكلة ...

وطبعا اختيار الافلام بايكون بايدج ومحد يغصبج على الاختيار وعشان جي افضل شي انج تختارين الزين من الافلام وتحطينه انت مب ملزمة بشو تعرضين وشوفي راي الجمهور ...

وسلامتكم
14-08-1425 هـ, 08:18 مساءً
 
بالتوفيق الغاليه و ان شاء الله تلقين فكره احسن
و تذكري
من ترك شيئا لله عوضه الله خيرا منه
14-08-1425 هـ, 08:37 مساءً
 


الساعة الآن 08:49 .