اقتباس مشاركة  (الجده_ام_البنات)
موضوعج رووووعه
احنا بلكويت دقينا لخيام وياليت تزورونا وتشوفون البر اشلون منور منظر يخلي الواحد غصبن عليه يحط مخيم
وبنهاية الاسبوع تلقون شوارعنا تخف منها الزحمه لييييش لان الناس طالعين للبر واللي مانشوفهم طول السنه تلاقينهم طبوا عليج زياره
بالمخيم وهات يا اكل كله خايفين نموت من الجوع ما تظل شوربه ولا عيوش ولا مشاوي الا ماكلينها
نجي للدوه والفحم ياي مايظل مشروب من انواع الشاهيات مو حاطينها بهالغواري حوالين الفحم وهات يا شرب ودفا ولما الدنيا تصير مغرب نشوي الذره والكستن ( ابو فروه) والبطاط الحلو اممممممممممم روعه
ومن المواقف الطريفه ان السنه اللي طافت كان حفيدى عمره 3سنوات واول مره ينزل للبر ويشوف الرمل كان يخاف لايطيح عالارض حتى ما يلزق الرمل بايده ومو عارف شنو هذا وشكله يفطس من الضحك ام هالسنه لا صاير يركب البجي ويلعب بمرح ومستانس وينطر يوم الجمعه عشان نروح
وحياكم عندنا بالمخيم

الله يهنيكم
اقتباس مشاركة  (الحياة ممله)
موضوع رائع
طبعا يازين الشتاء وطلعات البر
اهم شي بالشتاء من المأكولات :
الحنيني-المرقوق-المطازيز-الجريش - الحميس - الهريس -المصابيب
المشروبات :
حليب بزنجبيل - الزنجبيل- القهوه اكيد وباقي المشربات الساخنه
واحلى الاوقات جالسه جنب النار بالفروه وتشربين قهوه وتاكلين حنيني وتشوين ابو فروه
وسواليف انتي وامك وخواتك
الله لايحرمنا منهم ولا يبعد عنا الاوقات السعيده
الله يخليكم لبعض
اقتباس مشاركة  (غلطتي)
اهم شئ نلبس نسوى الاكلات اللي ماتطلع الا في الشتاء

وابوى يطلع الفروة وحنا نطلع الدفايه

والوزن ينتفخ من ذا الملابس ههههه
مشكوره على مرورك
اقتباس مشاركة  (ام تك تك)
انازعلانه كلهم بكره طالعين للبر الاانا زوجي مارض وانا خاطري اروح والجو فالرياض روعه ماشاء الله وزادتو القهر فيني ادعولي تكفون اروح معهم
الله يسعدك والتمسي له العذر
اقتباس مشاركة  (حلمي رضا ربي)
انا تعبت ما قدرت اقرا الموضوع ... طبعا من الخط
ليه الله يرضى عليك


الساعة الآن 05:56 .