Analysis Services
هلا والله حبوبات بصراحة كل أم تحب التميز لاطفالها من ناحية اغراضه الخاصة فيه سوا شنطة او رضاعة او مصاصة وياما ندخل اسواق المنتديات ندربي روسنا لما نشوف شي غريب بس الصراحة ششششششششششششششي فضيع اسعارهم ماتعقل يعني يشرونها رخيصة وياليت يبيعونها بزيادة 10 ريال او 20 او قولي 30 ريال مو مشكلة المشكلة يباع بزيادة 60 واحيانا 100 ريال مع احترامي للتاجرات والله مااخص احد بعينه لكن ليش استغفال الناس بها الشكل ولا تطلع لي وحدة تميلح تقول محد غاصبك انا عارفة محد جابرني بس انك ترتاحين من فرفرة الاسواق والغرض ياصلك لبيتك بس مو لهالدرجة ياعزيزاتي المهم الله يرزق كلن على نيته ويرزقنا واياكم الرزق الحلال ندخل بالمهم هالحين
بالنسبة للمصاصة الشبكة الي تحطين فيها تمرة للطفل او فاكهة ويمصها الطفل بدون ماتخافين انه يغص بااذن الله عند سنتر بوينت ب21 ريال
وجهاز تدفئة الرضاعة موجود عندهم ب80 ريال بس تخيلوا
وجهاز الطفل الي تحطينه عند راسك وتسمعين حركاته عندهم ب140 ريال بس ودي بشنطة مميزة للطفل مالقيت عندهم ابغى الي تتحول لسريراو الي تفتحينها وتصير جهتين وبالوسط مفرش للطفل تغيرين له يبيعونها في بعض المنتديات ب650 تخيلو السعر هذا اشتري به فستان زواج اتمنى اعرف انزل صور كان والله وريتكم اشكالها ويالله همتكم هالحين كل وحدة عندها حاجة غريبة ومميزة تقولنا وشي ومن وين شرتها وبكم اهم شي وياليت فيه صورة
20-12-1430 هـ, 07:45 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله بالنسبة لي ماذكر الا المقعد الخاص بالسيارة
اشتريتة ب200 ريال مرة حلو لانامت بنتي بالسيارة وحتى تأمنين عليها
لو حصل حادث لاقدر الله
كانت عندي اسفنجة على شكل جسم البيبي تسدحينة عليها وتروشينة
مرة مرة روعه ومستحيل تدخل الموية بأذنة باللنسبة للجديدات على المسؤلية
تنفع لهم لان كنت اخاف لما اروشها لحالي
في رضاعه معروفة حقت السيرلاك مريحة مرة
وبس هذا اللي اتذكرة الحين بنتي عمرها ثلاث سنوات الله يحفظها يارب
20-12-1430 هـ, 09:01 صباحاً
 

انا شريت هالمفرش حلو ومريح جدا اذا نام عند اهلي او حتى بالسفر
عندمذكير 325 ومن نفس الموقع ب100 وشوي
20-12-1430 هـ, 10:13 صباحاً
 
اذا تبين الشنطه ياقلبي انا اعرف الموقع الي يجيبها لك عند بابك وسعرها 390 ريال
ان شاء الله ابطلبها الي تبي تراسلني ع الخاص عشان نطلب كميه يمكن ترخص شوي علينا .
من زماااان ودي فيها .
20-12-1430 هـ, 11:36 صباحاً
 
موضوع رهيييب لي عودة بأذن الله
لكن حبيت اسألك اختي عن جهاز البيبي عند سنتر بوينت
من اي ماركه؟؟
وفيه صوت وشوشه ولا؟؟
واذا فيه صور مايمنع وجزاك الله خير
20-12-1430 هـ, 11:55 صباحاً
 


الساعة الآن 02:32 .