السلام عليكم

كل عام وانتم بخير بعد الزحمه

سؤالي للامهات الخبرات وللحريم السنعات بشكل عام حتى اللي ماعندها اطفال في المدرسه مانستغني عن شطارتها بالمطبخ


والله انا احس اني كل يوم في ورطه بسبب ساندوتشات الروضه يعني وش افطرها الصباح قبل تطلع من البيت وايش احط لها بالشنطه تاكله وقت الفسحه

اولا بنتي عمرها 4 سنوات وذوقها صعععععععب جدا في الاكل يعني مو كل شيء يمشي عندها


ياليت تقولوا لنا وش تسوون لعيالكم وخاصه الصغار اللي مايعرفون يمسكون الاكل زين لاني ذبحتها بالجبن
انا معلقه على ساندوتشات الجبن لان بنتي ماتعرف تمسكها زين واخاف احط لها شيء يوسخها وينكب على ملابسها

واكيد الامهات مرت عليهم المشاكل ذي ابي تقولون لي كيف تصرفتوا ؟؟؟؟؟



سااااعدوني تكفون
20-12-1430 هـ, 02:28 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي انا ماعندي اطفال بالروضه ولاعمري صلحت سندوشات بس مره شفت برنامج يتكلم عن وجبات الاطفال وبعطيك شوي من اللي اعرف

سوي سندويش جبن ومربى او عسل او لبنه وزعتر لذيذه والا اسلقي البطاطس واهرسيها وحطي معها خضار مبشوره او مقطعه صغير مثل الفلفل الرومي مع الجزر والكوسه وشوي بهارات وحشيها بالصامولي واحسن شي عطيها البر افيد وحطي بالعلبه الصغير تبع شنطة الفطور تفاح مقطع ومره فراوله ومره موز ومره برتقال ومره جزر وقطعيهم بشكل حلو ومره سويلها عصير طازج عطيها اكل مغذي مو اي اكل وبس حرام
20-12-1430 هـ, 03:21 مساءً
 
اقتباس مشاركة  (فلونه2009)
شوفي انا ماعندي اطفال بالروضه ولاعمري صلحت سندوشات بس مره شفت برنامج يتكلم عن وجبات الاطفال وبعطيك شوي من اللي اعرف
هلا اختي فلونه تسلمين ياقلبي على اهتمامك

اقتباس مشاركة  (فلونه2009)
سوي سندويش جبن ومربى او عسل او لبنه وزعتر لذيذه
عجبتني هذي بجربها ان شاء الله تعجبها

اقتباس مشاركة  (فلونه2009)
والا اسلقي البطاطس واهرسيها وحطي معها خضار مبشوره او مقطعه صغير مثل الفلفل الرومي مع الجزر والكوسه وشوي بهارات وحشيها بالصامولي

هذي فكرت فيها بس احسها بتنفك وتنكب عليها وتوسخها
ابي افكار كيف اسويها للصغار بشكل يختلف عن الكبار؟؟!!

اقتباس مشاركة  (فلونه2009)
واحسن شي عطيها البر افيد وحطي بالعلبه الصغير تبع شنطة الفطور تفاح مقطع ومره فراوله ومره موز ومره برتقال ومره جزر وقطعيهم بشكل حلو ومره سويلها عصير طازج عطيها اكل مغذي مو اي اكل وبس حرام

حلوه فكرة الفواكه بجربها ان شاء الله خاصه التفاح والجزر لان الباقي يوسخ



ومشكوووره اختي استفدت منك كثيييير


وبعد ابي افكار اكثر لاتبخلون علينا بخبراتكم المطبخيه
20-12-1430 هـ, 03:47 مساءً
 
الصغاريحبون الشوكولا حطي لهابداخل التوست نيوتيلا مثلا تغيير
20-12-1430 هـ, 03:51 مساءً
 
سويلها سندويش شوكلاته .. الي اسمه نوتيلا ..


ربي يحفظلك بنتك ..



وآب لعيونك
20-12-1430 هـ, 03:52 مساءً
 


الساعة الآن 06:35 .