السلام عليكم ..

كيفكم بنات ؟؟

بغيت مساعدتكم في موضوع ترتيب المطبخ .. وأعتقد انه موضوع يهم كل بنات حواء .. لأنه المطبخ اساس البيت بالنسبه لنا هع .. واذا مو مرتب ومنظم بطريقة جيدة بيضيع وقتنا عالفاضي ..

بنات اخيرا بنستقل عن الاهل وبنسكن بيتنا الجديد قريبا ان شاء الله وعقبااااال كل الساكنات مع اهل ازواجهم في غرفه وحده مثلي ...

المهم
بغيت مساعدتكم في طريقة ترتيب المطبخ .. وين أحط الثلاجه ؟؟
ووين أحط الأجهزة الكهربائية ؟ والمواد الغذائية؟ والصحون والملاعق والصواني وكل شي كل شي هههههه

بحط لكم مخطط تقريبي لشكل المطبخ .. ومكان الفرن والمغسلة .. وخبروني وين أحط باقي الأشياء ..
العلامات الحمراء هي أماكن القابس الكهربائي .. والخطوط الزرقاء نوافذ ^^
وطبعا الارفف كلها فوق وتحت ...


20-12-1430 هـ, 04:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اممممم الفرن بالزاوية احس مو اوكي خلية بالوسط افضل
20-12-1430 هـ, 05:07 مساءً
 
والله ياقلبي الثلاجه مالها الا تكون جنب الشباك اللي عند الباب والفرن بالزاويه اللي ورى
وحطي جنبه رفوف فيها البصل والثوم والبطاطس

جنب الفرن من عند الشباك حطي الملاعق والسكاكين والدروج ذي عموما
والمونه برضو هناك بذيك الجهه بالرفوف العلويه
والرفوف السفليه مواد التنظيف والمناديل والبلاستيك وهالاشياء
ومن عند الزاويه اذا دخلتي على اليمين حطي بالزاويه المايكروويف والاجهزخه الكهربائية كلها
وبالدواليب العميقه حطي القدور
20-12-1430 هـ, 05:09 مساءً
 
أنصحك من قلب قلبي تزورين معارض ايكيا لتفصيل المطبخ تطيحين على كم من الأفكار الذكيه وترى بتتحسفين اذا كان فيه مساحات مهدرة ومنزل مبارك وعمه الله بالسعاده والراحه
20-12-1430 هـ, 05:14 مساءً
 
مطبخي يشبه لمطبخك لكن عندي شباك واحد فوق المغسله

اقلك على ترتيب مطبخي اول ما تدخلين الثلاجه على يسارك وبعدين دواليب تخزين الي تحت صغيره والي فوقها طويله ممدوده من الي فوق <<<< ان شاء الله فهمتي عليه

انتي ما تقدرين فخلي مكان الشباك فاضي وحطي تحته دواليب وتقدرين تخلينها طويله من جوانب الشباك <<<< يارب تكوني فهمتي <<<<<<ما اعرف اشرح

وبعده في الزاويه الي قدام الباب طبعا حاطه الفرن الكهربائي والمكروييف فوق بعض وتحتهم دواليب للصواني
وبعدين نجي للجدار اللي في الواجهه حاطه الفرن بس على سطح الرخامه وتحته درجين كبار للقدرو وتقريبا جاي بنص الجدارانتي حطيه
تحت الشباك وبعدين سوي ركن مرتب مكان الفرن في مخططك وبعدين يا طويلة العمر
مدي دواليبك نفس الصوره خلي الدواليب الي عند المجلى صغار وقصار ونازلين مو مثل الدواليب الثانيه هي والدواليب الي عند الفرن وخليها زجاج وركبي فيها لمبات والركن بعد خلي الدولاب الي في الوسط زجاج والارفف زجاج عشان الاضاءه تمشي على كل الرفوف

بعد انا حاطه جزيره في النص لان مطبخي مفتوح على الصاله

اذا تقدرين تحطين وحطي فيها دروج يمكن تنفعك

على فكره انا مطبخي كله ما فيه الا درجين

ومري على ايكيا خليهم يسوون لك تصميم على اساس انك بتفصلين عندك لانهم يعرفون يستغلون المساحات وقيمة التصميم 150 ريال وبعدها لا يشوفونك الا تشترين اكسسورارت لمطبخك لان مطابخهم مو عمليه واذا جيتي تفصلين لفي المحلات وراح تلقين افكار واذا تبغين خامه كويسه اختار صاج افضل لك ويجي مثل الخشب

اعذريني على الاسلوب لكن اكتب لك وانا من قلبي ودي اساعدك لاني من جد كنت احتاج مساعده مثلك ولو لقيت صور حطيت لك

وشكرا

21-12-1430 هـ, 12:12 صباحاً
 


الساعة الآن 02:14 .