السلام عليكم ورحمة الله وبركاته
أنا جديده في المنتداء وماعندي خبره بطبخ ورق العنب مع اني أحبه مره أنا وزوجي لكن دائم أذوقه من المطاعم ومايكون زين
ودي أعرف كيف أسويه وأحسن ورق وهل أنقعه قبل ألفه لان فيه مرار
أتمنى تردون علي لأن ماعندي سالفه
21-12-1430 هـ, 09:39 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
العلالي واورلاندو زينين وانا صراحة اغسلة غسل عادي والفة وحشوتي تكون رز مصري مسلوق نص سلقة وبصل مفروم وكزبرة وبقدونس وطماط مفروم وفلفل بارد وشلت وشوي نعناع وبهار وشوي زيت وليمون وملح والفها واكون حاطة نصف كاس زيت زيتون ونصفة ليمون واصبة عليها وبعدين احط علية موية مع صلصة حمرا وادخلها الفرن من جوا بعد مااصفها في الصينية زين والله تطلع تهبل ماتشبعين منها...
21-12-1430 هـ, 09:57 مساءً
 
حبيبتي أنا أستخدم ورق عنب قودي مره حلو وورقه صغير
أول شي صفيه من المويه حقته وغسليه بالمويه ثم أغلي مويه على النار وحطيه فيه بس غلوه وحده وشليه وصفيه
وبعدين سوي الحشوه عباره عن بصل شوحيه على النار مع زيت وبعدين حطي عصير الطماطم واتركيه يتسبك ثم حطي كزبره خضرا وبقدونس وشبت وملح وفلفل وشطه وبعدين حطي الرز المصري حوالي 2كوب بس وقلبي كله مع بعض وأحشي فيه الورق عنب ورصيه في القدر وحطي عليه المويه تكون مرتفعه عنه ب 2 سم وزيت زيتون ولما يستوي حطي عصير ليمونه
أن شاء الله طرقتي تعجبك وتطبقيها
21-12-1430 هـ, 10:12 مساءً
 
الانواع -العلالي وقودي واغسله فقط عالسريع بدون غلي لانه جاهز للطبخ
الحشوة-رز مصري مغسول بدون نقع وحزمة بقدونس ومثلها كزبرة ومثلها نعناع وبصلة مفرومة ناعم وطماطمة وملح وفلفل اسود
وفي قاع القدر حلقات سميييكة من البطاطس ورصي ورق العنب بحيث يكون متزاحمين شوي عشان مايفرط بالطبخ
واضيفي ماء مغلي وضعي عليه ثقالة وبس تبقى مي قليل غطيه مرة اخرى بالماء المغلي وكرري العملية 3مرات يعني ساعتين وشوي بالطبخ على نار هادئة -وفي اخر مرحلة بضيف نصف كاس عصير ليمون وربع كوب زيت زيتون وبس تطفي عنه غطيه على طووول ليبرد عشان مايسود
وبالعافية
22-12-1430 هـ, 12:29 صباحاً
 
تفضلي الرابط بالصور

طريقة مضمونه ووحدة من الاخوات طبقتها

http://forum.hawaaworld.com/showthread.php?t=1959543

دعواتك
22-12-1430 هـ, 02:38 صباحاً
 


الساعة الآن 02:17 .