كوبونات الراقية تسجيل الدخول

تعبتني همومي

تبغوا تنحفوا مشينااا قدااااام

علاج السمنة والنحافة •




السلام عليكم ورحمه الله وبركاتة

بنات الكل الي داخل بدا القسم متعقد من جسمه ومن القهر الي هو في مااحد عاجبه جسمه سوا كانت نحيفه او دوبااا الكل مو عاجبه شي لو قالت الوحدة وزني 45 الكل يقول ياحظها لو كنت زيها ماراح اتخن والي وزنها 60 او 70 النحيفه تقول يا حظها زوجي يحب المربربات وابغا اكون زيها مو كدا ؟؟؟؟

مسوين زي الي مو عاجبه العجب ولا الصيام برجب وانا من البنات لو شفت وحدة نحيفه تبغا تتخن اقولها لا منجد لان ماتعرف ايش راح يصير بعدين من حمل وولاده ومدري ايش والدليل شوفوا ماما كانت مرررررررررررررة نحيفه بس كان لها صدر وارداف وكانوا لايقين ع جسمها كان ملكااااني خطير ولما تزوجت كل ما تحمل وتخلف تتخن شوية حملت 6 وخلفتهم و3 ماتو ووحدة بالرضاعه يعني دول كلهم وزمان لمااتزوجها بابا كان وزنها 40 وكنت اشوفها بالصور مااصدق ودحين وزنها 95 تخيلوا ولدت قسطرية وصار لها بطني ماتروح ومتعبتها مرا ولما كانت حاطه اللوب وشالتوا سبب لها نزيف يعني حالتها مرا صارت الله يشفيها يارب ادعلوها يا بنات بس منجد ايش رايكم انتوا النحاف لا تتخنوا في خلطات تكبر اماكن معينه ماتزيد من وزن جسمك والله نصيحه لاتتخنوا حتى لو 10 كيلو او اقل والله مو كويس حتى لو وزنك مثالي بيكون 55 وانت 40 لاتتخني لان لما الحرمه تكبر وتصير عجوزة حلو تكون نحيفه والله مرة كويس

دحين سؤالي ليش نتخن وليش احنا دبب وليش فينا كسل وليش ؟؟؟

انا ماعندي اراده ومنجد مقهورة من نفسي لان كل بنات العيلة نحاااف وانا بينهم دوبا حتى اخواتي كلهم نحاف ولما تزوجوا وخلفوا ما صاروا زي يعني انا باقي مااتزوجت ووزني كدا دوبا ايش راح يصير لما اتزوج ومين حيرضى بجسمي دا بنات منجد نبغا نبدا حمله شي جديد رجيم ممتاز انا بديت مع الدكتورة رهام وبستنى منها الرجيم والي بدت معاها تقولي عشان نحمس بعض منجد لازم نشد على حالنا حاسة انوا فيا شوية حماس لازم ننحف وشعارنا لاكسل بعد اليوم لازم نسوي رياضة ولازم نمشي ولازم نرقص ولازم نسوي رجيم صحي و لو كان وقتوا طويل اهم شي النتيجه بالنهاية ولازم يكون عندنا صبر لااااازم نستحمل الاكل الي بيكون قدامنا ولازم نقاوموا ونقاوم الحلويات والبيسبي عشان نعيش مرتاحين مبسوطين مانتعقد من جسم ما يلبس شي وما يدخل فيه جينز انا والله ليا 3 سنوات تقريبا قبلها كنت اسوي رياضة ورقص وجر ي وكل حاجه واكتر من مرا باليوم كنت صغيرة ومتحمسه كنت اشغل التلفزيون واحط اغاني واشوف الاجسام واجلس اجري بالغرفة وانطنط واسوي هبل كان عمري 15 ودحين دخلت بال 18 ومشيت بس كم خطوة مو كتير لما كنت اسوي رياضة من غير دايت مسوية زي الي تحرق الاكل الي تاكلوا من غير فايده بس الي استفدوا جاتني السنة الي فاتت ماكنت اقدر البس جينزات كان وزني 89 تقريبا والسنة دي الحمدلله البس جينزات بس برضوا اكبر مقاس صار وزني 85 ومااعرف كيف وربي الناس تقولي نحفتي ولما اسمع الكلمه دي افرح واخرب نظامي نفسي استمر ونفسي احد يكون معايا باي الاعمار يا بنات وياحريم لنكون زي الغربيات والاجانب والامريكات شوفوا اجسامهم صح ياكلوا وكدا بس بسوا رياضة ساعه باليوم هرولة لان ظروفهم احسن منا يقدروا يمشوا بالشارع من غير عبايه في عادي تنزل اي مكان وتبدا تمشي وتطلع تتروش تفطر خفيف وتروح العمل حقها او المدرسه اما احنا من جمبها ادا اجازة نصحى العصر ناكل اي شي شوية كدا نت شوية كدا جا العشا طلعه فيها عشا نرجع تعبانين نوم او نت او تلفزيون وين الرجيم وين الرشاقه اكل اكل اكل والله لما شفت هنا بالقسم ملف عن السعرات الحرارية الي بالاكل انصدمت وانفجعت قلت كل دا نحطوا بجسمنا ومالنا عارفين فايدتوا والله ناكل بهبل بعدين لما تتراكم الدهون ايش دا صرت دوبا تخنت صار جسمك مو حلو دي الفايده يعني لازم يابنات منجد ماحيس فينا غير الي متعقده من بكرا نبدا اليوم نخليه مفتوح من السبت نبدا الرجيم ونسوي رياضة اي رياضه ونشرب شاهي اخضر وفي وحدة هنا بالقسم دا تقول الله يجزاها خير ان تشرب كاسة عصير برتقال عالريق ومعاها ملعقه عسل وملعقه خل التفاح ونحفت في اربع ايام 2 كيلوا يعني لازم نخلط كل شي عرفنا واستفدنا منو وفي كمان خلطه قريتها هنا انوا القهوة التركيه كوب منها وكوب خل تفاح وتحطيها عالصدر تصغروا وتحطيها 3 دقايق مره زي عقارب الساعه ومرة عكس عقارب الساعه الله يجزاها الف خير الي قات كدا ترى موضوعها موجود وانا سويت امس اليوم نسيت كنت تعبانه ومافضيت بحاول يارب وفي كمان تمارين للي يبغوا يطلوا انا طولي 163 يبغالي بس 4 سم بس يعني 167 عاجبني كدا الطول تسويها قبل النوم مرة كويسة مو لازم كلها بالنسبة ليا حسوي كم تمرين عجبني و ع فكرة في تمارين قريتها بمنتدى مرررا عجبتني هيا مسلية بس تعتبر رياضة والله يجزاها خير الي قالتوا انوا الرقص ينحف كل دقيقة 8 سعرات حرارية وطلوع الدرج ينحف الدقيقه بس 8 سعرات حرارية ونط الحبل بس يقولوا مو كويس ادا كترتي منو لانوا ينزل الرحم فا لو سويت يمكن مرة بس ماتزيد عن 10 مرات وفي كمان رياضة انفخي بلونات وطيريها بالهوا و اجلسي العبي انك ما تطيحها بالارض وفي كمان كرة الطائرة مرة كويسة لليد والجسم وكرة السلة والقدم والسباح والنطنطه كل ماتجي تنامي نطي عالسرير اممم ايش كمان اممم عالموم هو دا الي تبغا تسوي معانا تقولنا كل شوية ايش اكلت وايش شربت متى صحيت ومتى نامت ومتى لعبت ومتى مشيت ومتى راحت المدرسة والي ماعندها مدرسة ايش سوت اوووك يلا ابغا حماس

لاكسل بعد اليوم ...


يلا مين يبدا معايا بنات حواء


انا وزني 85 وطولي 163


يلا ابغا اشوف مشتركات وحماس عشان نوصل لهدفنا ويد بيد نحقق احلامنا

نشوف الردود
برررب
12
3K

هذا الموضوع مغلق.

*ساما*
*ساما* •
الله ينحفك يارب وكلنا على صحه وعافيه
رموسه11
رموسه11 •
مرحباا كلامك صحيح والله
انا اشوف على الناس

الله يوفقك وينحفك من غير شر ياارب عاجلا يارحمن

انا ابي اكون معك بالرياضه بسس
مابغي نظامات وريجيم واشياء لا
بس ابي اكوون اعمل رياضه

انا تقريبا خمس مرات بالاسبوع اعمل رياضات مختلفه للجسم تقريبا عشر دقايق الصباح او النهار
وعشره بالليل (( طبعا الرياضه اللي اقصدها مو مشي ولا جري ولانط )) اقصد ريياضات تحسين العضلات والشد وذي الاشياء الحمدلله مو مترهله بس احب اشوف جسمي واندرفل

ثاني حاجه
انا احب الرقص كذا من ربي ماعتبرها رياضه
ماخذتها تسليه
فاتوقع انها تنفع للتحيف بشكل كبيير
وتشييل لك الزوائد بالخصر اتووقع

شوفي كيف الراقصات يكونو بعضهم مربرين بشكل كبير بس لو تموتي ماتلمحي لها بطن بارز صح !

شلون لو بتعملين زيهم وبنظام تخفيبف !

اتكلي على الله وشدي على حالك

وترا اتوقع راح يقفلو الموضع
مدري ليه الاداره كذا
كل موضوع من هالنمونه يتقفل
ماحب كذا خلو البنات على راحتهم مدام ماغلطو!
رموسه11
رموسه11 •
بس انتبهي ترقصي على اغاني ولا اورق

اللهم اني بريئ
سعودية كووووول
سعودية كووووول •
بالتوفيق
غزاله ماتنصاد
غزاله ماتنصاد •
انا ببدأ الاثنين

دايت + شاهي اخضر + شمر + ريااااضه


وبالله التوفيق

وزني اتوقع 70


غزااله