Analysis Services
شكرا لجميع من ساهم في إثراء هذا الموضوع
22-06-1425 هـ, 11:25 صباحاً
 
انا استفدت من المنتدى ....

لأني ما احب الطبخ..... فكنت ما انوع بطبخاتي ....واحس بثقل الطبخ على قلبي....يمكن لأني ماني من اللي ياكلون
يعني شهيتي ضعيفة وما احب الاكل..... بس كنت اتمنى من زمان اني احب الطبخ

ولما دخلت المنتدى وحماس البنات للطبخ ...... حمسوني... وصرت اخذ وصفات جديدة منهم واسويها
والمهم مو الوصفات الجديدة.... المهم اني اتحمس بالمطبخ وما احس بالملل....وصرت احس بالمتعة...وهذا اهم شي بالنسبة لي....لأن الطبخ في السابق كان ثقيل على قلبي

----------------------
اشكر كل من ساهم في هالمنتدى المفيد.... والله يجزاكم خير


=================
ملاحظة : اكثر ما اعجبني انه يفيد ويساعد المبتدئات في الطبخ وخصوصا المتزوجات حديثا وما عندهم اي خبرة بالطبخ.....ارحمهم...ويعجبني ان الجميع يساعد وينصحهم
24-06-1425 هـ, 05:18 مساءً
 
انا عن نفسي هالمنتدى هو اللي علمني الطبخ..
ماكنت اعرف اسوي الا بيض مسلوق...والله يابنات اني ما اعرف الطبخ نهائيا.. اتزوجت قبل قبل فتره..
وسافرت مع زوجي لان دراسته بامريكا... وهناك لقيت نفسي لحالي لا اعرف اطبخ شي ومستحيه اقول له اني ما اعرف وشلون تتسوى الكبسه وهو يموت فيها...
كنت اكلم اهلي و اقعد بالساعات يشرحوووون لي بالتفصيل الممل جدا كيف تتسوى ابسط الاشياء...والفاتوره ما يحتااااااااج...
وكنت ادخل على مواقع طبخ..واحاول اشوف شي سهل.... بالذات اني ما اقدر المس اللحم او الدجاج<=== يابعد قلبي كنت مدلعه
الى اليوم اللي دخلت فيه هالمنتدى... سويت كثيييييير اكلات وكانت اكثر من رائعه.. وصرت استغرب من نفسي.. و زوجي ماغير ياكل.. ((بسم الله عليه))...و يمدح في اكلي ... احيانا يكلم اهلي يقول لهم على طعم اكله...هههههههه
والحين بعد ست شهور صرت طباخه بسم الله علي.. لا واكلم اهلي اعلمهم طبخات جديده..خخخخخخخخخ <==الله يا الدنيا
كل شي جربته بهالمنتدى طلع روووعه...الا مره سويت حلى وماطلع زين - بصراحه حتى ذوق ما ذقته- الله يكرم النعمه...
المهم هذي فرصه اشكر فيها كل البنات اللي يحطون وصفات و يشرحون كل شي بالتفصيل.. مع اني الحين مايحتاج بالتفصيل.. لكن ما اتمنى الا ان الله يستجيب دعائي لكم.. وهذا اللي اقدر اقدمه لكم
24-06-1425 هـ, 11:07 مساءً
 



اقتباس مشاركة
... أريد كل واحدة منكن تحكي لي تجربتها مع المنتدى و التغيرات التي طراءت عليها بعد التردد و استخدام وصفات المنتدى ...
بسم الله الرحمن الرحيم
شوفي حبيبتي


الحلويات جربت كثييييييير من منتدى حواااء بس مهو كله ينضبط تعرفين الحلى مهو مثل الاشياء الثانية
بالنظر لالالا
يبيله تطبيق المقادير بالضبببط بس للامانة سويت حلويات من هنااااوكثير سألوني وش مقاديرها

ومنتدى المشروبات رووووعه
علمني اشياء كثيرة وصرت بعدابتكر والحمدلله
الفضل لله ثم للمنتدى الحبيب عالم حواء

اقتباس مشاركة
أيضا هل كل الطبخات في المنتدى موثوقة .. و كيف تقتنعين بعمل طبخة ما؟
ماادري
بالنسبة لي فـ البداية علشاني مااعرف
كنت اطبق وبس لكن
اشوف المقادير اذا معقولة طبقتها وشفت النتيجة بنفسي
واكثر الاحيان اقتنع بالطبخة من ردود العضوات الي جربوها
والان من الخبرة ومن الصورة مع بعض

اتمنى اكون افدتك بشي وتحبين الطبخ من بنات عالم حواء الرائعات
موفقة


لـــولان
::
25-06-1425 هـ, 06:07 صباحاً
 
صراحه ياجماعه انا فنان بالطبخ والحمد الله انها بعد هواية يعني اذا مليت احب ادخل المطبخ

بس المنتدى زاد على خبرة ولمسات اخرى يعني كل وحده تسوي خلطة وطريقه غير بس انا بالاخير اللي احكم يعني اذا شي بالمقادير ما احبه احذفه

ومن اطباق الحلو تعلمت الكثير


وانا لاانكر جميل هذا المنتدى على

وخاصة اذا كانت عندى عزيمة لازم اتصفحه لمدة ثلاث او اربع ايام


وكل اللي يحضر العزيمة ينبسط من طبخي وتقديمي


والشكر كل العضوات كلهم
لان ولا وحدة بخلت بمعلومة سواء صح او خطا
والى الامام

اختكم الاميرة ساره

ام العصابة
25-06-1425 هـ, 11:30 صباحاً
 


الساعة الآن 01:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏