السلام عليكم

انا عندي مبلغ وقدره( 5500 ) دينار حوالي 68750 ريال \ درهم
عندي مشروعين ومحتاره ايهو اختار

المشروع الاول
مصبغه ( مغسله ) المكاين اقدر اقصطها وكل شي اوكي بس المشكله اجار المحل ومعاش العمال .. انا اعرف انه المحل يبيله ادني حد 3 اشهر على ما يوقف على رجوله .. انا من وين اجيب المعاشات .. ( معلومه انا طالبه لا الحين )
بس المشروع هذا ناجح ميه بالميه وخصوصا انه منطقتنا مافيها مصبغه

المشروع الثاني
محل ملابس سبورتيه ( تيشرتات - بديات - جنزات -تنانير جنز- ....) وأبوي
كافل واحد لبناني بياع بمحل ملابس من 5 سنين

قعد يقول حق ابوي انه اهو مستعد ماياخذ معاش الا لما يوقف المحل على رجوله يعني بس ادفع اجار المحل ..
انا ساكنه بالكويت والكل تقريبا يلبس سبورت
انتوا شرايكم

نسيت اقولكم .. اذا عندكم اي اقتراح بمشروع قولولي...

بس لا تقترحون علي اني ابيع كريمات لاني انا الحين قاعده اتاجر بكريمات طبيه اجيبها من لبنان وابيعها بالكويت واوصل بره الكويت ... انا اتاجر بكريمات زين الأتات اذا انتوا سامعين عنه..خبير الاعشاب البناني .والحمد الله ماشي حالي فيها .. بس انا ابيلي مشروع كبير يعني محل ثابت ينفع للحريم والرجال والكبير وللصغير.. فهمتوا قصدي؟

مشكورين وما قصرتوا
هلا فراوله

أولا بالتوفيق ان شاء الله

بالنسبه لي أشوف مضروع المضبغه أحسن لان مثل ما قلتي ان منطقتكم مافيه مصبغه .. يعني بكون في زباين دايمين ان شاء الله


رأس المال اللي عندج حلو و بكفي ان شاء الله


بس تأكدي من عدة أشياء في التكلفه قبل أي شي

أولا بالنسبه للايجار ما بتعرفين الايجار كامل لان كل محل بيختلف عن الثاني على حسب المكان والمساحه

حاولي تمرين كم محل في المنطقه نفسها و اسألي عن ايجارتهم السنويه و شوفي المساحه .. و نفس الوقت دوري لج محل في موقع مناسب يبين من على الشارع

على فكره .. ـاكدي من طريقة الدفع ... معظم المحلات يدفعونهم ايجارهم السنوي على دفعتين أو 3 .. و بعضهم أربع ... يعني مب لازم تدفعين الايجار السنوي مره وحده .. يمكن تدفعين لمدة 6 شهور بس أو 4 شهور مثلا ... و بعدين تدفعين مره ثانيه ... هذا يكون على حسب الاتفاق بينج و بين صاحب العقار اللي بتأجريم منه المحل.

أوكي قلنا الخطوه الاولى لازم تعرفين و لو بشكل تقريبي كم بكون الايجار السنوي


الشي الثاني لازم تسوين دراسه ( أو على الاقل تحسبينها بروحج ) كم ماكينة غسيل و تنشيف و تنظيف بتحتاجين بالضبط واخذي عروض من الشركات اللي يبيعونهم و شوفي أحسن عرض.


الشي الثالث هو ديكور المحل ... لازم بتحتاجين لوحه اعلانيه خارجيه .. و بتحتاجين اشوي ديكورات يمكن كاونتر ولا غيره .. لازم تعرفين كم بكلف و لو بشكل تقريبي

لازم بعد تحسبين تكاليف الرخصه وبطاقة العامل و غيره ... و لا تنسين تحسبين كم عامل بتحتاجين؟ و هل هم موجودين و بتحولين تأشيرتهم على المحل ولا بتيبين يداد من بلادهم؟ شوفي كم بكلفون


بالنسبه للراتب ... راتب الدوبي أو اللي بيشتغل مب غالي ... عادة عندنا يكون في حدود 2000 درهم .. مادري عندكم كم

بس تقدرين تتفقين وياه ان راتب أول شهر ما بتعطينه الا ويا الراتب الثاني ... يعني بعد ما يكمل شهرين بتعطينه راتب أول شهرين مره وحده .... و ان شاء الله خلال أول شهرين بكون في شغل اشوي و بتقدرين تدفعين له من دخل المحل

و بالتوفيق ان شاء الله
مشكور حبيبتي على النصايح

ممم بالنسبة للأجارات احنا عندنا شهري يعني كل راس شهر ندفع الايجارات

ممممممممم

تدرين انا سمعت انه في محلات ملابس سبورتيه عندنا بالكويت اطلع 3000 دينار بالشهر بمواسم العيد هذا اذا كان محل 3 ×4 يعني صغير ... شلون اذا كان اكبر

والله انا محتاره صج بين الاثنين
يالله بنات شاركوني بلييييييييييييي يييز
ابي ابلش فيه قبل رمضان
بالنسبه لمحل الملابس

هم شي تتأكدين منه .. من وين بتييبين الملابس؟

لازم تتأكدين من المصدر والاسعار والجوده

و بالتوفيق


الساعة الآن 08:02 .