مرحبا

الحين صار عندي مو 5500 انا بعت ذهبي وصل المبلغ لي 7 الاف دينار .... ***** الله افكر افتح فيها مصبغه نفس ما قالت عليها الاخت اللي زوجها فتح مصبغه و***** الله الله يوفقني

مشكورين يا بنات على مشاركتي
أختي فراولة 000

ما انصحج بالمصبغة ولا محل الملابس الا اذا كنت انت بتديرينه

نصيحة مني لج 000 مشروع ما تقدريين توقفين انت علي راسة لا تدخليين فيه 000 صدقيني وعن تجربة الا عن تجارب بعد 0 000وابدا لا تثقيين في أحد

لا تستعجليين 0 0 تبيين تنجحيين توكلي علي الله سبحانه وتعالي وبعدين اعتمدي علي نفسج وشغلي فلوسج في مشروع انت الأولي والأخيرة فيه وصدقيني و****لله بتنجحيين
عزيزتي نصيحه لك لا تشترين عدة المغسله مستعمله تتورطين كل يوم وهي خربانه وتدفعين عليها كثير اشتريها جديدة

لان عمر المغسله الجديدة يستمر ستت سنوات دون ان تعطل

وبعد ست سنوات تبدا تتعطل

هذا عن تجربه عزيزتي

لذلك لا تاخذيها مستعمله لان اصحا ب المغاسل يبيعون مغاسلهم بعد 6 سنوات تقريبا ليشترو جديدة
أختي فراولة ..آنا من رايي أن المبلغ اللي عندج تحتفظين فيه وتبدئين مشاريع صغيرة مرة بالقطاعي يعني مثل موضوع الكريمات وممكن تضيفين لها موضوع الدراعات لكن من كلامج الظاهر أنج من البنات اللي لبسهن سبورت
أو الفئة من الناس اللي حولج يمشي معاهن التايورات وهذا من الممكن أنج تطلبين مجموعة وتختارين منها مجموعة
وتبيعينها على الأقارب وإذا كنتي مستحية من الموضوع ممكن تحطين اعلان في المجلات الإعلانية وتشوفين المردود
المصبغة مثل ماذكرتي هي زينه ومشروع مربح لكن كل ما كانت مطورة الناس راح تقبل عليها ومن الممكن لج كوني كويتية أني أذكر لج أن تقرأئي الصحف وتتابعين أي جمعية تعاونية تطرح طلباتها للإستثمار وغالبا مصبغة وبهذة الطريقة راح تفتكين من قضية الأجار وبالنسبة للعمالة مكاتب الخدم ماتقصر بالموضوع ومتابعة من الوالد راح تنضبط الأمور
وبالتوفيق
بالتوفيق حبيبتي
وفعلا المصبغة مشروع ناجح
واذا الكلفه غالية اخذي المعدات بالاقساط واهم شي حطي خدمة توصيل ترى صج انه تكلفة السيارة شوي عالية بس والله تنفعج
في واحد فتح مصبغة وسوى خدمة توصيل
يروحلج العامل البيت ياخذ الهدوم ويعطيج وصل ولاخلصوا يابهم
صدقيني مصبغته بداعوس ولا احد يدري عنها
بس لانه مسوي هالحركة شجع الناس
خو ماله داعي الناس يتعنون
وطلع دبلات اللي قطه على المصبغة
تدرين شكان يسوي؟؟
كان محد يروحله لانه مكانه داعوس
خلى السايق مال المصبغة يفتر عالبيوت ويوزع كروت المصبغه ويقولهم طريقتهم وجذي
وناس تقول حق ناس
غير الاعلان بالجرايد
خو الناس الحين مالهم خلق يتحركون
يعني انا اريحلي وايد ادق تلفون وتييني المصبغة تاخذ هدومي تنظفهم وترجعهم ولا اني اروح الفرع اللي يم بيتنا حق المصبغة
وان شاء الله موفقه يارب
لا تحمل عقدة المؤامرة, ولا تفكر في تربص الآخرين, ولا تظن أن الناس مشغولون بك, فكل في فلك يسبحون


الساعة الآن 03:13 .