يمكن الي يسمونه مطبق زبيدي؟ دوري في منتديات كويتيه

هلا الغاليه00قوليله الكويتيات00يقولون ايشر00المطبق 00تنظفين السمج00بالملح والطحين--عشان الزفر ثماعصري عليه ليمون وشوي بهارات00وخليه00احمسي بصل يشوي زيت مع ربع فلفل بارد مقطع صغار00وربع طماطه ايضا مقطعه صغار 00حطي ماي00وهيل حب ودارسين ومسمار حب واليك السرررررررررررر00حطي تقريبا ثلاث ملاعق مااش00 مليانه بعد غسلها00ولومي اسود العدد المرغوب0خليه بغلي وضبطي كمية الماي وكتي الرز 00لاتنسين بهارات السمج00لاتكثرين ربع الملعقه الصغيره00واذا ماعندك كاري مدراس ربع الملعقه00 خليه لما ينشف ثم قصري النار حيل00نست اقولج حطي حبتين فلفل حار 00يعطيه طعم روعه00نجي للسمك غسليه زين مازين00واحشيه00بصل مقطع صغار مفروك بشوي بهارات مشكله وثوم ناعم وكزبر وشبنت وعصرة ليمون00وملعقه وسط دبس رمان00انتبهي لازم الخلطه تكون ناعمه شوي00وحشي السمج00وخيطيه ثم امسحيه ببهاراتج وشوي كركم00واقليه00تحمير بسيط 00السمج مايتحمر وايد00وبعد مايستوي الرز حطي السمج علي وجه الرز وسكريه00علي نار هاديه جدا حطي تحته حديده00وسوي الحشو00قصصي بصل صغار00وحطه في مقلي وحركي حتي يحمر بدون زيت نهائيا مع اضافه ماء قطرات فقط لما يوصل اللون المطلوب ثم حطي ملعقه زيت ووملعقه صغيره لومي اسود مطحوووووون وهيل مطحوووون فقط وشوي ملح لما تطلع الريحه سكري عليه00وحطيه علي وجه الرز بجنب السمج0اتركيه خمس دقايق وانكبي غداكم بالعافيه00وزرني الرز بالسمج والحشو واللومي الاسود الحب00والليمون وشوي بقدونس00بجانب الدقوس والاجااااااار لازم والمعبوج00والجرجير00 امي الله يعافيها تمسح وجه السمج قبل التقديم بشوي سمنه00انا ما اسويها كلن ورغبته 00وعلكم بالعافيه00لاتنسيني من صااااالح دعائك --اذا احتجتي اي استفسار 00بالخدمه علي الخاص 0

كنت بقول لك طريقة المطبق
لاني اعرفه بحكم ان اخوي ساكن بالشرقيه وزوجته تعرف

بس ماقصرت الاخت ديمة شوق كفت ووفت الله يجزاها خير
نفس طريقتها تقريبا بس مانضيف الماش وبنجرب طريقتها

يسلمووو

ابشر والا ايشــر >> كلمه مفهمتها من لغتكم ههههه