هلا حبوبات
اول شي احب اقولكم اني منيب عروسه والشيب لاعبن في شعري لعب خخخخخخخ
:3_2_21v:
وهالموضوع عن بنتي اللي بثالث متوسط
انا مغتربه لي سنين طويله عشان دراسة وشغل زوجي وبنتي الله يرزقني برها مغتربه من يومها اربع سنوات برا وماتعرف السعوديه الا في الاجازات وغالبا الاجازات كلها زوجاات وملكات وخطوبات وكذا
المهم ماعلينا عاد مثل اي ام نتلقف على بناتنا ونخاف عليهم من الهوا ومع الغربه الخوف يصير عشر اضعاف :06:
وانا كل فترة وفترة اقرا وش تكتب بنتي في دفتر مذكراتها ( ترا كل الامهات يسوو كذا ماعليكم وهالطريقه لي سنين اتبعها واحل لها مشاكلها من بعيد لبعيد )
وهي اصلا ماتدري وتحسبني ماعرف انجليزي ومافهم على خرابيطهم
واغلب دفترها خرابيط وهذره وفضفضه حقت مراهقات ماعلينا
(مره قريت كاتبه ليتني ولد عشان ماتجيني الدوره هههههههه)
مالكم بالطويله
بعد مارجعنا من السعوديه في الصيف لقيتها كاتبه موضوع جديد في دفترها وعنوانه
(يارب يارب يارب لما اكبر اصير عروسه رومانسيه زي تايلر سويفت وماصير زي عروسات السعوديه)
طبعا انا اللقافه لعبت فيني
وباقي الموضوع كتبت وصف شعر هالممثله مدري مغنيه ولبسها ومكياجها وووووو
وبقية المووضوع كاتبه سب على الزواجات اللي رحنالهم في الصيف وانها تشوف العروسات اشكالهم تروع وانها خايفه لا كبرت ازوجها واغصبها تصير دفشه زيهم وتحط مكياج زيهم وتلبس فساتين زيهم
(مع انه ترا الزواجات اللي رحنالهم كانو مره راقيه بس بالنسبه لها هذي دفاشه لانها مثل ماقلت لكم عايشه طول عمرها برا)
المهم
عاد انا لعبت فيني الافكار تعرفون الامهات
خاصة انه كاتبه انه الفيديو اللي فيه تايلر سوفت مرررره رومناسي مثل روميو وجوليت ويجي روميو وينقذ جولييت ويحبها ويتزوجو ومدري ايش
الله يستر لايكون فيديو منحرف؟
مين هذي تايلر سوفت؟
لاتكون واحده وسخه؟
لايكون لبسها عاري؟
ومن هذا روميو اللي يحبها ويبيها؟
:angry2:
قلت يا ام دحومي مابدهاااااااش استخيري العم قوقل وشوفي وش السالفه
:30:
وقعدت احوس واحوس واحوس واحوس واحوس
وهذا اللي طلعت فيه بعد جهد جهيييييييييد
فلاتفشلوني واعطوني رايكم
:hahaha:
وبالنسبه للفستان اللي لابسته تايلر هذي صورته وصورة شعرها
وهنا صورة قريبه لشعرها
وهذي رسمه تشبهله
(اضغطي عالصوره عشان تكبر)