السلام عليكم ورحمة الله وبركاتة ...
بنات من جاتها المراره قبل وايش هي الاعراض لاني من فتره تقريبا شهر واسبوعين جاني الم في بطني وظهري ونفس منطقة البطن من اليمين والظهر يعورني وبس ارجع اذا اكلت اكله دسمه ودائما معاي غثيان قالي دكتورين هذي اعراض مراره ولازم تسوين اشعه موجات فوق صوتيه للبطن هذا كلامهم قبل شهر بس انا خفت وطنشت لمن سمعت طاري المراره مارحت اسوي الا شعه وخف الالم يومين ورجع وله الحين تقريبا اسبوع مستمر الالم ويوم الجمعه اللي فاتت تعبت كثير وكنت وقتها في الطياره وبس ارجع والالم ماسك على بطني من ناحية الايمين وظهري وانا طول الاسبوع لازم ارجع بعد الاكل قاعده اجل اقول بكرة اروح كل يوم اجل لليوم اللي بعده خايفه تطلع مراره ويسون لي عمليه وانا الصراحه مو ناقصه عمليات اللي سويته كفاني وزياده الحين بعرف اللي كان معاها مراره ايش هي الاعراض اللي كانت معاها وايش سوت ...
والله اني كرهت الاكل من كثر ماارجع ماادري ايش اسوي كارهه الروحة للدكاتره والمستشفيات ...
الله يعطيكم العافيه لاتطولون في الاجابه...
انا في انتظاركم


انا بقولك اعاراضها امكن تختلف من شخص بس هذا الي صار بختي وصديقت امي
كانو نفس الي عندك الم بلجهه اليمنى مع تطريش اكرمك الله واسهال فضيع حتى للحين لما شالو المراره لو ياكلو شوكولاته او دسم كثير اسهال الله يكرمك
اعراض المرارة مثل ما قلتي اختي الله يعينك عليها
انا جتني وانا حامل بالخامس وسويت العمليه بعد ما كملت بنتي 9 شهور وان شاء الله ما تشوفين اللي شفته بالنفاس
عذاب وموت ما ارتاح الا بالابره اول الوقت وبعدين صارت ما تنفع ولا تفيد طوال الوقت صراخ ....
شكرا اخواتي على ردكم وجزاكم الله خير والله لين الحين انا مارحت خايفه ....
وين البنات الباقين ؟؟

هلا اختي ***** الله ماتشوفين شر .

انامسويه المراره لي تقريبا اربع شهور , وكان اول شي بس بطني هو الي يوجعني وكنت على طول اروح المستشفى واطلب ابره والحمد الله يروح الالم , بس بعدين تطور صار بطني وظهري في الجهه الوسط حتى الابره ماتنفع وسويت اشعه وطلع فيني مراره وحمدت ربي انها مراره مهوب شي في بالي .


الساعة الآن 09:38 .