السلام عليكم
يالغوالي
اخباركم
الله يخليكم ابيكم تساعدوني ابي طريقة المحلى
تكفوووووون عطوني طريقته لاني اتوحم ومشتهيته مرررره

نصف كيلو تمر يعني نصف غلاف التمر الي يباع شيلي النوى ثم أغمري القدر بماء بس لحد مايغطيه ولعي عليه النار ثم إذا غلا حطيه بالخلاط وعودي رجعيه بالقدر وفي صحن الشوربه الصغير دقيق أسمر وحركيه عدل يبيله تحريك
أفضل نوعيه تمر للمحلى تمر الإخلاص
خلي أحد يساعدك مستحيل تسويه لحالك يبيله قوه
وإذا تبيني أجي أساعدك ما عندي مانع
دعواتك

دوري بالقوقل
هذه طريقة المحلى بالتفصيل ولاتحرميني من دعواتك لي بالشفاء العاجل وتيسير اموري

في موسم البرد القارس يحلو اكل المحلى ,,وهو طبق مشهور في نجد يمد بالدفء والطاقه

لاحتوائه على السكريات والدهون ,,ويؤكل في الصباح مع القهوة

ويطلق عليه العصيده في بعض المناطق ,,

طريقة عمله سهلة وهي كما يلي :


المقادير

كاسين ونصف طحين أسمر

علبه أو باكت من التمر الجاهز المعجون الخاص بالمعمول وإن لم يوجد يستبدل بـــ كاسين من التمر المكنوز منزوع

النوى

سمن أو زبده حسب الرغبه..

ماء

الطريقه:

يحمس أولا الطحين الأسمر قليلا حتى يعطي نكهه ولون خفيف. فقط..

نضع على النار باكت التمر الجاهز أو التمر المنزوع النوى ..وعلى فكره هو أطعم من التمر الجاهز بالعلب..

يضاف له كاسة ونصف من الماء إلى كاستين ويغلى على النار حتى يثخن..

بعدها يخلط بكاس الخلاط ويصفى..

ثم يعاد على النار حتى يغلي بعدها نبدأ بإضافه الطحين المحموس شوي شوي ونخلطهم

بالسلك الخاص بالكيك عشان ما يكون فيه عقد... <<< الله يعينكم على التحريك

واثناء التحريك اضيفي ملعقه كبيره من السمن أو الزبده حسب ما تحبين ..

ولو حسيتي أن الخليط ثقيل يمكنك اظافة الماء المغلي عليه شووي شوي ماراح يضره أن شاااااااااااء الله..

وأهم شي بالمحلى تغطيته جيدا وهو على النار <<<أكتمييييييييي ييه كتم..

يعني لما تضيفين الطحين شوي شوي غطيه ... بعدين أرجعي ضيفي المقدار..

وكل ما طال صار أحلى... يعني لا يقل طبخه عن سااااااااااااعه ويمتد لثلاث ساعات...

بعد ذلك طفي النار وضيفي له شوي سمن واغرفيه في الحافظه ليبقى ساخنا أثناء التقديم بعدها رشي عليه قليل

من الفلفل الاسوووود حسب الرغبه واعملي فتحه بالوسط وصبي فيها قليل من السمن او الزبده
..

وياجعله هني وعافيه
[/size]

صورتوضح مراحل العمل من موقع اخر




يصير شكله كذا بعد الخلط


واستمري في التحريك حتى تصير الخلطه لاهي خفيفه ولاهي ثقيله





تترك على نار هادئه حتى انها تتماسك لاتخلينها تصير ثقيله حاولى انها تكون طريه اشوي بس موطريه كثير


ثم تضعينها في اناء التقديم وترش بالفلفل الاسود والزبدة على وجهها



وبس دعووووووووووووو وواتك لي انتي وكل من تستفيد





الله يفرج لكم وييسر لكم اموركم ويرزقكم ويشفي مرضاكم
يارب العالمين
مشكورين يالغوالي


الساعة الآن 03:41 .